Ala Ayuning Dewasa Pawiwahan.

Ala Ayuning Dewasa Pawiwahan.

I .Wewaran:

A.Triwara:
- Beteng/Sejabaning Pasah.

B.Sapta wara:
- Coma : Mangih suka
- Bhuda. : Dahat ayu. Wrdi putra.
- Weraspati. : Kinasihaning Jana
- Sukra : Suka wibuh, wirya.
-
C.Sanga wara:
- Tulus ,dadi.
D. Sadwara : Tungleh, Ingkel Wong, Ngaran , anut sadwara.
Awaya anggen dewasa Manusa Yadnya.
II.Uku sane tandados kemarginin:

A. Uku Rangda Tiaga:
- Wariga.
- Warigadian
- Pujut.
- Pahang.
- Menail.
- Prangbakat.
Yan purug ngawinang kageringan, sangsara wiadin balu.
B. Uku Tampa Guru:
- Gumbreg.
- Kuningan
- Kelawu.
- Medangkungan.
Yan purug ngawinang tan ngamolihang kaweruhan.


III. Paikelan sane tandados kemarginin:
- Ingkel wong.

IV. Ayuning penanggal: 1.2.3.5.7.10.11.13.

Penanggal:
1. Manggih dirga ayu.
2. Kasidan.
3. Akeh mesentana, bahu putra.
4. Sane lanang mepuara lampus.
5. Rahayu dirgayusa.
6. Kesangsaran kepanggih.
7. Suka rahayu.
8. Dahat ala, kageringan muang lara pati.
9. Ala mahabara, sangsara pisan.
10. Wirya guna.
11. Kirang sekaya.
12. Kamewehan.
13. Laba bukti.
14. Ngawinang sering metungkas.
15. Dahat ala katemu.

Pangelong:
Ala pisan selamine ngemangguh sangsara,kesakitan, mepuara lampus.


V.Ala ayuning sasih: Sasih ayu : 3.4.5.7.10.

1. Sharwana : Ala,Okane manggih kelaran.
2. Badrapada : Ala,Sangsara.
3. Asuji : Ala Ayu,Kabeh Sentana.
4 . Kartika : Ayu Sugih Rendah .
5. Margasira : Ayu,Tan kirang pagan kinum.
6. Puasya : Ala, Balu.
7. Magha : Ayu Dirgayusa.
8. Palguna : Ala,Kepegatan pagan kinum .
9. Caitra : Ala dahat Kegeringan.
10. Waisyaka : Ayu nulus,suka duka.
11. Jyestha : Ala keerangan.
12. Ashada : Ala kegeringan.
VI . Pakeling:
Padewasan pawiwahan sane tan amilihin sasih, ring dina
Budha paing penanggal ping 5, panca mwerta ngaran,
Keanyut denira, sealaning dewasa, pala ayu dirga yusa.

- Malih ring dina saniscara paing tanggal ping 10, sada merta,ngaran, dina ika, pewarangan ayu, arang amanggih gering.


Yan ring dina Weraspati wage penanggal ping 3,merta sedana ngaran, pada boga kepangguh .

Yan Somo paing, nuju guru penanggal ping 11 , palan nia pada tresna, mapiynag, arang amanggih gering, sealaning dina,sealaning sasih, kesapuh denira sang hyang soma, mertha wibuh, ngaran, meraga sangyang candra, rahayu dahat palannia.

Buda wage penanggal 1, suka dana , ngaran,anggen pewarangan ayu, merta bumi, ngaran Ngaran dewsa ika, urpining buana sarira, sakeng panugrahan sanghyang licin, meraga ring dina ika ,ngaran.

Mrtha Sula : Tan wenang,nangun Yadnya tatkalaning weraspati penanggal
/panglong ping7.

Dagdig krana : somo ping 1,Bhuda ping 7, weraspati ping 6,Sukra ping 2,tan patut asanggama.

Kala dangastra : Somo ping 11, bhuda ping 9, weraspati ping 8, sukra ping 7.

Kala mrtiyu : Bhuda Sinta, Weraspati Tolu, Sukra Pujut.


Kala naggung : Somo paing, Buha umanis. Mangda waspada.

Kala gumarang : Bhuda pon Pujut, Watugunung, Sukra pon tambir. Mangda waspada pisan.

Kala Ngeruda : Somo umanis sungsang, Somo paing menail. Aja nangun karya sane buat-buat.

Kala jengking : Somo pon ugu, Sukra wage uye.tan wenang nangun karya manusa yadnya.

Pati paten : Eka Sungsang nuju indra, Dwi Tambir nuju Shri. Tri Kulawu nuju Uma, Catur wariga nuju Kala, Panca Pahang nuju Yama, Sad Bala nuju Brahma, Sapta Kulantir nuju Rudra, Astha Langkir nuju Uma, Nawa Uye nuju Guru, Dasa Sinta nuju Rudra. Seraja karya ala dahat muang aja asanggama. Mangkana ne wenang Somo umanis, Budha Pon muang Sukra Pon.

Purwanin Dina : Somo Wage, Anggara Kliwon, Bhuda Kliwon, Sukra Wage, Saniscara Kliwon. Away ngangge Dewasa.

Purwanin Tang/P : Penanggal/Panglong, 6,8. Away ngangge Dewasa.

Sasih Angleweyan : Tilem ilang, Purnama dadi panglong apisan, kasinanggeh sasih meteras bhuta catus pata, tanwenang anggen dewasa. yan matemuang rare alaki rabi kedi anak nia, bine balu salah tunggal, saluring karya tan sida.

Tan wenang asang
Gama luirnia :Anggara paing, Wage. Budha Kliwon,Wrespati Paing, Saniscara Kliwon, Purwanin Dina, Purwanin sasih,Patipata, Dagdig Krana, Purnama, Tilem, Luang, Patipaten, Kala Mrtyu, Kala Ngruda, Nuju weton lanang istri.

Dina kekeran, nga :Sinta ring Anggara.
Landep ring, Somo, Anggara, Weraspati, Sukra ,saniscara.
Kerulut ring Redite, Anggara, Weraspati.
Merakih, ring Budha.
Medangkungan ring Somo, Saniscara.
Matal, ring, Sukra.
Uye, ring, Redite, Saniscara.
Menail, ring, Redite, Saniscara.
Prangbakat, ring, Somo, Sukra.
Bala, ring, Weraspati.
Ugu, ring, Sukra.
Wayang, ring, Anggara, Weraspati.
Kelawu ring, Redite, Saniscara.
Watugunung ika kabeh.


Ayua sang pandita,manugerha dewasa iki, apan tanwenang ambain, apan dewsa kakeker, antuk betara kabeh, ayua tana weruha, mapan sira tanweruha, apasang dewasa iki, tan kapuan pana kelare-lare muang sang asung dewsa, ngaran, kena pemastuning Betara, ngaran, kena pastu ring pati, salah pati, kadurga pati, matinia, sinada sara,capung,sander sesapi-sander kebiya kilap, sinating ula, sarap macan, mati dicarik, mati labuh, mati melabbuh Er, mati makekehan, mati malabuh geni, mati tepen embidan, mati kepunggal, muah kena lara, tansikut,mati salah munyi, muang salah ton, kepejahan nia tankeneng sinupat, apan kepastu antuk betara, mangkana panemunia sang pandita, muang sane mapinunas dewasa, ayua ngambahin seraja karya amitus, muang ane kelare, tanwenang tuten, sadewasa iki, ngaran.

Dina katemah Luir nia : Sinta Ring somo
landap ring somo.
Ukir ring anggara, Weraspati, sukra,saniscara
Kulantir,somo, buda. Weraspati sukra
Gumbreg ring somo
Julungwangi ring, somo, sukra
Sungsang ring anggara, weraspati.
Dunggulan ring buda
Kuningan ring anggara, weraspati.
Medangsia ring redite, saniscara.
Pujut ring redite, Saniscara.
Paang ring somo, Sukra.
Kerulut ring somo, weraspati.
Merakih ring anggara, weraspati.
Tambir ring anggara, weraspati.
Medangkungan ring anggara, sukra.
Menail ring somo, sukra.
Kelawu ring redite, saniscara.
Watuggunung ring somo, sukra.
Elingakena aja murug, ucaping sastra iki.
Yan sira maperang adewsa iki ngaran, kene tamah antuk betara kabeh, Mangkana tingkahnia kene gering salah pati, ngaran, matangnia kadi uacaping arep, tan yogia sang pandita manugerah dewsa iki.

Purwaning sasih :
Jesta nuju tanggal apisan.
Sada nuju tanggal patbelas .
Kasa nuju tanggal ping dasa.
Karo nuju tanggal ping pitu.
Ketiga nuju tanggal ping nem.
Kpat nuju tanggal ping nem.
Kelima nuju panglong ping dasa.
Kenem nuju panglong ping pat.
Kepitu nuju panglong ping roras.
Kaulu nuju panglong ping tlulas.
Kesanga nuju panglong ping Kutus.
Kedasa nuju panglong tanggal ping nem.
Iki dewasa purwaning sasih tan yogiya ambahin, eling angkena.

Nian pemarisudan, alaning watek wewaran, muang tanggal muang panglong, Uku, Kala , Sasih, Dagdig kerana, Anggen dewasa, Saluwire gawe, atiwa-tiwa wong pejah ana pemarisudan caru ika, luwire:
Itik putih Jambul maguling tumpeng adanan, magenah ring sanggah tutuan, muang tumpeng bang siya bungkul, mewadah sesayut, metapakan senden anyar, merajah brahma geni, iwak nia ayam biing luh muani, raka sarwa bang, banten ika magenah amben sanggar tutuanne, suci asoroh dena genep, iwakbawi akarang, bakaran matah, getih panjang, sajeng rateng.

Iki sesapania, Mantra: 

Pakulun sang hyang Mertiyu Kunda sira meraga pangesengan,sarwajagat, wehin manusa rahayu ngewangun sarwa karya, Iki buktin sajinira, teduh kadi sangyang amerta, amanggih ayu dirga yusa, saha ngamong gawe,ong seriya we nama swaha.