MANTRA PEGAT SOT

Mantra Sesapan Pamegat Sot

Om Awighnam astu

Atur nghulun I Anu ....... (wasta sane mesosot) ring paduka bhatara, bhatara ring Pamarajan ..... (Nganutin genah soang-soang), Bhatara Siwa Ditya, Bhatara Giri Jagatnatha makadi Sanghyang Tri Purusa Saksi, kasaksinanya de nira Sang Hyang Trayo Dasa Saksi, Nini Citra Gotra, Kaki Citra Gotra, Tumut Sang Bhuta Galungan, Sang Lumanglang rahina wengi, sira amukti ujar-ujaring manusa. Hana sauh atur nghulun I Anu ...... ring paduka Bhatara ring ......... duk nghulun kari maurip, wenten atur nghulun ring paduka Bhatara, lamun parisentana anaking nghulun sida ngamolihang karya, irika sauh atur nghulun ring paduka Bhatara, nghulun sanggup maturan upakara yadnya Panilapatian miwah Tebasan Pegatsot kadulurin antuk saupakarania jangkep, warga sari awengi kantos maka rahina, mangke Ida Hyang Catur Dasa Pitara sampun nunggal kalawan Siwa ring kamulan tengah, mangkin nghulun anaur kadi atur nghulun nguni. I Dewa tan kari miutangang, nghulun tan kari mautang, pegat saprantasan tan kinucap malih. Mangkin tembenya ring tanggal masehi: 25 Maret 2022, rahina Sukra, Keliwon, Watugunung, titi tanggal panglong ping 8 sasih Kedasa, rah 12 tenggek 3 Caka 1944 yusaning loka.

Om Awighnam astu

Atur nghulun I Anu..... ri paduka Bhatara, Bhatara Siwa Ditya, Bhatara Siwagni, Bhatara Giri Jagatnatha, makadi Sanghyang Tri Purusa Sakti, Sanghyang Lumanglang ring rahina wengi, Bagawan Panyarikan, makadi Bhatara Gana, gaduh bhuta tiga, pangawaking patiking jagat, wruh ingulah hala ayu, amukti ujar ujaring manusa, maka saksyaning nghulun anawur sosot upakara Panilapatian majeng ring Sang Catur Dasa Pitara ring pamrajan......... , nguni hana hanata atur titiyang maturan aturan Upacara Panilapatian adandanan, maruntutan saupakaraning jangkep, pras papegat, kaatur ring Bhatara ring mrajan alit, mangke nghulun anaur sakadi ature nguni, Dewa tan kari miutangang, nghulun tan kari mautang, wus pegat saparantasan tan kaucap malih, duk manaur ring tanggal masehi: 25 Maret 2022, rahina Sukra, Keliwon, Watugunung, titi tanggal panglong ping 8 sasih Kedasa, rah 12 tenggek 3 Caka 1944 yusaning loka.

Om, Sang Sapuh Gulungan, Sang Brima Doleng, Sang Bedawang Petak, Sang Bedawang Bang, Sang Bedawang Jenar, Sang Bedawang Ireng, Sira anodyaning penauran tityang(ipun) antuk guling, Sang Bedawang Amanca Warna, sira angetok akna kancing sira Sang Ananta Boga, engelesana hutang tityang(ipun), teka keles, teka keles, teka keles, tan angangon ingesti teka pegat, rampung seperantasan, tan ana inucap malih. Hutang sinaungan amrtha sodana, tumpeng tunggal dwi sri, tri purusa, catur Dewa Panca Warna, Sapta Perana, Asta Kala, ingsun angaturaken Pegat Sot…..anawur hutang denira. Asing kirang asing luput geng rena sinampuraken.

 

• Mantra : Om Panca warna bhawet Brahma,Wisnu saptewara waca, Sadwaraicwra dewacca, Astawara Ciwojnejah. Wrhaspati pinaka wit, Soma pinaka bungkah, Anggara pinaka godong, Buddha pinaka kembang, Sukra Pinaka woh, Sanisccara pinaka kulit, Redite pinaka warna.  
• Om sarwa pras pranajanam, Sarwa karya praciddha ya ciddhi bhawantu ya namo namah swaha.

Sorowan : 

• Mantra : Om, Pakulun Sang Hyang Picatur muka. Dewa byuha sira bhagawan ratangkup sira tapuke pakulun, angeseng ipenala, makadi lara rogha, sot sukata, gempung moksah hilang tanpa sesa, denira sanghyang Siwa picatur muka dewa byuha.
• Om Sidhirastu astu tat astu swaha.

• Om pukulun bhatara Siwa, Sada Siwa, Parama Siwa, manusanira angaturaken upakara panilapatian,  anyaluk tirtha mahening, Sarayu, Saraswati, maka pangeleburan sarwa mala, maka amrtaning sarwa mahurip, siddhi siddha asung anugraha de bhatara Yang Mami.

• Om Sang,Bang,Tang,Hang,Hing, Nang, Mang,Sing,Wang,Yang, Ang,Ung,Mang (+ apsu dewa)