GEGURITAN GUYUB MASEMETON RING PUNDUKDAWA
PUPUH SINOM:
MANGKIN JAGI KASOBYAHANG
TIGA SESANTINE SAMI
GEGEMET PASEK SEDAYA
BAKTI RING KAWITAN NGAWIT
SATYA RING BISAMA MALIH
RING SEMETON MANGDA GUYUB
BAOS IDA SIWA PUTRA
PANGELING SAJRONING HURIP
PAMIKUKUH
PARHYANGAN RING PUNDUKDAWA
PUPUH GINANTI
PAKELING IDA SINUHUN
KACIHNAYANG NAPAK NAGKIL
RING PURA CATUR PARHYANGAN
PATILASAN MPU NE NGUNI
RING BESAKIH MWANG LEMPUYANG
PUNDUK DAWA SILAYUKTI
SATYA RING BISAMA TUHU
SESANANING MARGI URIP
STATA ELING RING KAWITAN
SADYA BAGYANE KA PANGGUH
SEKALA LAWAN NISKALA
LAMPAH LANUS JRONING KERTI
MASEMETON PADA GUYUB
KAYA WAK MANAHE GILIK
PARAS PAROS RING PENYAMAN
SALING ASAH ASIH ASUH
SALUNGLUNG SABAYAN TAKA
RING WARIH PASEKE SAMI
Tidak ada komentar:
Posting Komentar