LONTAR CARCAN CARU
Om Awignamastu, iti pratingkahing caru, iti caru nista nga, sata manca rupa, asu bang bungkem, bebek bulu sikep, nga, manca sanak caru ika, wnang tinulupi sangka, maswara sangka, geger bhuta bhuti kala dengen, setaning awak, setaning jurang, setaning pempatan, setaning sema pati wnang ngrebutin caru, maswara katipluk, geger wiring ngon-ngon, angrebut tabuhan ikang caru, maswara genta uter, geger dewata nawa sanga, anodyaning bhuta-bhuti angrebut caru, mwang angayab sarining empang asebit sari ring sanggaran agung. iti mewasta caru nista yan tunayan ring punika Tanana caru, segehan wastanya, yan maweweh kambing mwang angsa manca klud nga, karya ika, nga madya, nanging sami ngajak suci, sorohan sami mahadan bantene, wyadin nista madya utama pateh bebantene maweweh ulam, maweweh banten, ulam nikel, banten nikel, malih maweweh bawi butuhan, mwang banteng, balik sumpah nga, karya ika utamaning sudra, nistaning ikang wesya, malih maweweh kebo 1, lebur gentuh nga, karya ika madyaning wong wesya, sami mahedan, malih maweweh kebo tatiga nga yadnya mesapuh-sapuh karya ika, utamaning wong wesya, nistaning ratu, malih maweweh kebo lalima, manca wali karma karya ika, sami ngeyed yadnya, nga, madyaning sang ratu, nistaning dalem, malih maweweh kebo 26, sami ngeyed eka dasa ludra nga, ika, utamaning ratu, madyaning dalem, malih maweweh kebo 46 nga baligya bhumi nga, karya ika landuh ikang jagat, meseh pengalihan yan makebo 26 ring pasih kangin 2 mangeyed, ring pasih kelod 2 mangeyed, ring pasih klod kangin 2 mangeyed, ring pasih klod kauh 2 mangeyed, ring pasih kauh 2 mangeyed, ring pasih kaja kauh 2 mangeyed, ring pasih kaja kauh 2 mangeyed, ring pasih kaja 2 mangeyed, ring pasih kaja kangin 2 mangeyed, ring madya 2 mangeyed, ring basukih 2 mangeyed, ring sapta patala 2 mangeyed, ring luhuring akasa 2 mangeyed, ring kentel gumi 2 mangeyed, sami mangeyed bantene, pemargi eka dasa ludra nga, sarwa dadua pemargine, eka dasa ludrane di kebo yen makebo 46 ring pasih kaler 5, mangeyed, ring pasih kangin 5 mangeyed, ring pasih kelod 5 mangeyed, ring pasih kauh 5 mange-yed ring danu 5 mangeyed, ring basukih 5 mangeyed, ring sapta patala 5 mangeyed, ring luhuring akasa 5 mangeyed, ring kentel gumi 5 mangeyed, ring basukih 1 mangeyed, wewehing ikang caru nawa gempang, krana mangunda ngunda kinucaping kala catur, kala madu mrana, kala durga maya, durga nga, desti, maya nga kaleweran, kale nga kali, waran nga madukan, madukan magenep-genep, nga, mapek apan sampun katicap sanghara jagate, wnang mpeke kertine ring gumi, mwah ring pura-pura makreti, mwah ring karang paumahan mareresik, tur mecaru tigang tahun, mwang ring sawah nigang tahun, mapangresikan guling pebangkit, mwang bale otonin. Malih yan caru manca sanak sata manca rupa, asu bang bungkem, bebek bulu sikep sama ngajak suci, matetedan nga, asu klod kauh gnahnya, ingolah ketengan 33 dadi akarang, bayuanya 3, katikanya sami 3, bebek bulu sikep klod kangin gnahnya. Ingolah ketengan 88 dadi akarang, bayuanya 8, katikanya sami 8. Angsa kaja kangin gnahnya, ingolah ketengan 66 dadi akarang, bayuanya 6, katikanya sami 6. Kambing kaja kauh gnahnya, ingolah ketengan 21 dadi akarang, bayuanya 1, katikanya sami 1. Sata brumbun di tengah gnahnya, ingolah ketengan 8 dadi akarang, bayuanya 8 katikanya sami 8. Sata putih syungan kauh gnahnya, ingolah ketengan 7 dadi akarang, katikanya sami 7. Sata wiring klod gnahnya ingolah ketengan 9, bayuanya 9, katikanya sami 9. Sata puti kangin gnahnya ingolah ketengan 5 dadi akarang, bayuanya 5, katikanya sami 5. Sata ireng kaja gnahnya, ingolah ketengan 4 dadi akarang, bayuanya 4, katikanya sami 4. Malih yan caru manca sanak tan milu kambing angsa, yan sareng kambing angsa caru manca klud, nga, caru ika. Mapek catur bebantene, ana catur muka, catur rebah tur mapula gembal, nga, ring tengah gnahnya. Batan bantene ring tengah natahe merajah yama raja, duur punika medaging nkasa malih merajah yama raja, raris gnahin banten, yan maweweh bawi butuhan mwang banteng balik sumpah nga, karya ika. Pamaden, malih pamaden bawi butuhan paksi kokokan, kauh gnahnya ingolah ketengan 17 dadi akarang, bayuanya 7, katikanya sami 7. Pemaden banteng paksi kukur, klod gnahnya, ingolah ketengan 99 dadi akarang, bayuanya 9, katikanya sami 9. Pemaden kuluk bebek blang kalung, klod kauh gnahnya, ingolah ketengan 33 dadi akarang, bayuanya 3, katikanya sami 3. Pemaden kidang bebek putih jambul, kangin gnahnyaingolah ketengan 55 dadi akarang, bayuanya 5, katikanya sami 5. Pemaden kebo bebek selem, kaja gnahnya, ingolah ketengan 44 dadi akarang, bayuanya 4, katikanya sami 4. Pemaden kambing ayam grungsang, kaja kauh gnahnya, ingolah ketengan 11 dadi akarang, bayuanya 1, katikanya sami 1. Pemaden angsa sata bwak bulu gadang, kaja kangin gnahnya ingolah ketengan 66 dadi akarang, bayuanya 6, katikanya sami 6. Tur tekep-tekepan anutang jatah maka sami rauhing sata, asu, bebek, pateh anuting jejatah, tekep-tekepane nga, ade mapaguruan ring kambing, nga, ade mapaguruan ring kebo, nga, apan sampun manggih cantula, ala pekaranganya, cacad manggih cacad, tan sida karya, apan mecaru ngaran nyampat, gnah caru ayu nga, puput carune alit ngantos agung. Iti pemanes karang luirnya, saluiring karang panes, sane ngadakang panes karang luirnya kepanjingan glap, mwang puun wnang ngadegang palinggih padma, palinggih ida sang hyang indra blaka, yan tan ngadegang palinggih ika tan pegat mati lara, ping 10, ping 15 carunin tan sida caru apan ida sang hyang indra blaka anadi hyang kali maya, manadi kala desti, malih yan ana taru empak mwah pungkat malih punggel pateh panese, tanpa temahi lara, malih yan puun kagni baya nga, yan ana pakubuan nkeni ketamplig karipu baya nga, panes mwah yan ana sanggah pungkat mwah pawon mwah jineng pungkat tanpa sangkan kalebon amuk nga, yan ana sakeng pegawe pungkate tan ana memanes karang sakewanten punika cacad, tan wenang ningangge, wnang gentosin sami-sami, yan ana wong mentik ring bebaturan sahika wong baya nga, pateh panese, yan ana lulut metu ring pekarangan, kalulut baya nga, yan ana getih kanten ring pekarangane, mwah pakubwanya tanpa sambodana sangkanya, keraja baya nga, yan ana samangkana apang sampun langkung ring 40 lemeng mangden puput mecaru. Yan langkung ring 40 lemeng mageng nagih carune, ika kenget akna.malih yan ana karang ntumbak rurung, tumbak jalan, tumbak jelinjing tumbak tukad, miwah pangkung pateh panes karange nga, sang hyang durga maya ngawe panese, mwang nglaranin, wnang ngadegang padma palinggih ida sang hyang durga maya. Malih yan ana karang namping pempatan, mwang namping pura namping bale banjar panes punika, malih yan ana tabwan ring pakubwanya tabwan sirah, tabwan kunyit nyawan pateh panes karang ika, yan ana lelipi ring pekaranganya mwah tuke pateh panes karang ika, mwah yan ana ingon-ingon patik wenang salah rupa wetunya, panes karang ika, wnang tugel bulunya ring samudra kamandanya tumus dening rwaning welatung talinan antuk budur buangan ring panyowidi, ring umah glarana panca tahur, mwah yan ana asu mwang bangkung manak tunggal mwah manak di duur panes karang ika, mwah yan ana taru salah pati ring pekaranganya mwah manusa salah pati ring pekaranganya pateh panese apan manusa menyama sareng kayu, mwah ngidih urip ring kayu, mwah amertha, malih nasi mwang baktinin, sami-sami taru ajak mati mwang turuin, sami taru jatinya, dawning ana taru jati. Mwah yan agegingsiran padengenan, mwang lumbung, brahma kandang malih lampah, sasane sampun marginin sata, mwang wewangunan sampun salah wangun, mwang salah linggih, mwang pakubwan yan wahan mwang wuwuhin pateh cacade naga sesa nga, tan pegat mati lara yan ana bale masuk adegane ring legungane dongkang mekeem nga, cacad, mwah baleen matestes mileh sami panese, apan manusa lawan kayu pada silih patenin, sang rsi bhujangga amuputang caru ika.
Iki carun dewasa maka dirgayuning dewasa caruana juga kang dewasa, amangana sira ila-ila dahat tumuta saluiring dewasa, carunya sageneping bebanten, suci asoroh, guling itik 1, mwakwakan, pras penyeneng, katipat kelanan, ayam mepanggang, pagoyatan pasepan, daksina 1, lawe satukel, pirak 1727, sahika katur ring sang hyang saraswati lingnya maka dewasa, nga, sasih anut sapta wara, ring dina ra, carunya sga slasahan, 4 tanding, lawar merumbah gile, sagneping bebantenan, sagi artha 555 dadiang awadah, mantra : Ong, Ong, Ang, Ang, A, Ang, AH, AH, Dang Dang Swa swa ya namah. Yan ring ca, carunya tumpeng pnek sga gurih isehan melema cendana, maclek bawang, maclek kacang, pencok kacang kecahi, meplalah sambel tingkih sagneping bebanten sagi artha 444 dadiyang awadah, mantra : Ong sang bhuta mingmang, sang bhuta leh Ang, Ang A namah. Yan ring A carunya tumpeng penek 2 bungkul ayam biing, pinanggang, sagneping bebanten, sagi artha 333 dadiyang awadah, mantra : Ong, Ong Ang, Ang namah swaha. Yan ring bhuda carunya suci asoroh, guling itik 1, ayam pinanggang, sagneping bebanten sagi artha 777, dadiyang awadah. Mantra : A, Ah, Ong swaha ya namah. Yan ring wre, carunya penek abungkul iwak ayam brumbun, pinanggang sagneping bebanten sagi artha 888 dadiyang awadah, mantra : Ong, Ong si ya namah. Yan ring su, carunya suci tambar asoroh, untek lampadan sagneping bebanten sagi artha 666 dadiyang awadah, mantra : Ong, Ang, Ong Sa ya namah. Yan ring sa, carunya suci makembur sagneping bebanten, ulamnya sarwa bija, sagi artha 999 dadiyang awadah, mantra :Ong ya Mang, Wang, Ah, Ah. Iti carun patemon saluiring dina sega palupuhan, balung gagending mwang base mapencok balulang, taluh matah emba dena gnep, jangan asem, metatakan rwaning pandan, metatakan klakat sudamala, rwaning pullet mwang bingin, metali benang tri datu, sesayutnya anut ring uriping pancawara, mwang rah ayamnya medaging sedah porosan 13, kwangen 13, tulung barak 13, sesari jinah 225, gnep saupakaraning sesantun. Malih caru patemon, wnang sanding aturu, bantenya pemandangan atanding luirnya, katipat, bantal, sagenep dadi atanding, malih sega kepel mewadah don telujungan, iwaknya ati magoreng, 3 tebih, masuluh twak asujang, jinah 11 keteng. Malih carun betennyane mesare, sarwa matah, beras agegem, getih matah alimas, sedah tampinan magenep. Malih duur nyane mesare, sesayut atanding matumpeng penek 2 bungkul, putih kuning, iwaknya ayam putih tulus mepanggang, daging sesayut sagenepnya, canang burat wangi, lenga wangi 12 tanding. Iti caru patemon isaka 1907 sasih karo tanggal ping 3, ware redite wage, wariga, irika dewasanya tlas sinurat.waryan tusaning wirumangansara mwang-kurang lewihnya kapajange de sang sudramasa apanulihing nirguna alpa sastra lihu mamur hinan ipun, dreben Ketut Bungkling, Rangdilangit, Bangkasa, katedun antuk I Gede Sugata Yadnya Manuaba, Griya Agung Bangkasa, Bongkasa, Abiansemal, Badung.
Nihan Kaputusan Hyang Sinuhun, pamarisudhan ing karang rat bawana kabeh, wenang angelaraken caru nawa gempang, ngaran, Yan hana mati salah pati, kalebon hamuk, sinamber ing glap, makrane sang adrewe humah kabhaya-bhaya kojarnia, caru iki glarakna ring pomahan ring sanggar ring parhyangan mwang ring tegal, sawah, sagenah ing karang panes aheng mwang hangker, yadyan kapanjingan Bhuta Kala Dengen, umah ing dete, caru iki glarakna, lwirnia :
Nanceb sanggar Tutwan, munggah suci, 2 soroh, genep salanlaning suci, tkeng rantasania, hartha, 1700, haja ngelongin, saji 1 soroh. Astha-dala, maka gnah ing caru nawa gempang.
Caru nawa gempang ika, sega, 9, pangkon, wadhahnia tamas ageng.
Sga ika tinanceban skar tunjung sowang-sowang, iwaknia ingolah ithik den asangkep, inolah winangun urip majajatah.
Carune ring natar, hayam manca-rupa, melayang-layang, matatakan klabang mikuh, daginge olah, nganut hurip ing Panca-warna, holahnia haywa kerup, ne putih kangin, olah urab bang putih, jajatah lembat asem pada, 5, katih dadi limang bayuh. Ne klod hayam biying, olahnia urab bang putih, jajatah lembat hasem pada, 9, katih, calon, 9 katih, dadi, 9, bayuh. Ne kawuh, hayam putih syungan, olah urab bang putih, jajatah lembat hasem pada, 7, katih, calon, 7, katih, dadi 7, bayuh. Ne kaja, hayam ireng, olah urab bang putih, jajatah lembat hasem, padha, 8, katih, calon, 8, dadi, 8, bayuh + caru bebek blangkalung.
Padha matatakan sangkwi, calon mawadhah limas, maduluran sasayut pangambeyan, pangulapan, prayascita lewih, mwah tumpeng hagung, 1, iwaknia guling ithik putih, daksina 1 soroh, jinahnia 5555, pane hanyar
Mwah nasi ketengania, ngatengah suci 1, mwang sasayut durmenggala, sasayut panca-klud pamyak-kala, dulurana pamangguh pamali.
Ring Sanggar Kamulania, suci 1 soroh, den agenep. Ri Sang Ngrajengin, suci 1. Ri telas pinuja salanlaning panglukatan, pras lis tatimpug. Saksina Sang Ngerajah natere, hartha 135. Daksina Sang Ngerajah rwan ing sarpasari, hartha 77.
Ri tlas pinuja de Sang Wiku, kon sang adruwe caru, tkeng pratissantanania kabeh, ngabakti, ka surya holih skar, ka Sanggar Kawitan, ring Sang Hyang nawa sangha, hantuk skar mwah masaksi ka Surya dening Kwangi, tlas.
Wus mangkana raris lukat sang adruwe caru, tepung tawari buwuni, lisih, tirthanin, raris jaya-jaya sakawruhta.
Wus mangkana, kinon sang adruwe caru, ngayab caru.
Wus ngayab, raris gabungin layang-layange, rames nasin carune mancha desa, wadahin ngiyu anyar, pahidang layang-layange, hider kiwa, sambehang nasi ramese, mwang prayascita durmanggalane, saha sampat tulud mwang obor-obor, kulkul, sembar ring tri katuka, mantra dening Tatulak agung, mwang lis panglukatan, saha cengceng kendhang kempul, dulurania surak awu, pangihid Bhuta, nga.
Ri tlas mider kiwa, ping, 3, raris pendem layang-layange ring gnahe macaru Nawa Gempang. Sesan ing mapendhem, bwangen ring pasisi, ring jurang, ring lwan wenang, tlas.
Iki puja caru nawa gempang , ma :
OM Sa Ba Ta A I Na Ma Si Wa Ya, Ang Ung Mang bhyonamah,
OM hana sira Sang Hyang Prawatek Dewata Mawa Sangha, rupaniya kadya liman, guna nirana kaya jaladhi sangha, netran ira dumilah, pancha maha-bhuta ring tengah, hangilangaken satru, kala-traya, tuju tluh taranjana, kalukat den ira Sang Hyang Prawatek Dewata Mawa Sangha, OM SA BA TA A I, OM NA MA ÇI WA YA.
OM Etat mantram prawaksyamam, madhya,
OM Kara sang sthitah angkare, purwa,
sang sthopi, aghneuesya dre narakah,
Çikare daksina jayayah, nairitya, nghewa sang sthitah tawat nakara paçchime,
bayoh çikara sang sthitah,
Naka rota rawi jnyeyah, makare saniya rewaca, tatah mantramniacet widwan, nawa gempang, nawa kala, nawa rupa, nawa dewata nama raksane,
Dwija gni nayanah bayu, gune wipre ndriyo nujah, pramondo rupa, nesi candra Resi catu.
OM Indah ta kita Sang Hyang Prawateking Dewata Nawa Sangha, tulung manusan ira, katiben ing marana agung, haweta urip manusanta, mwang dirghayusa. OM Sidhir astu ya namah swaha.
Iki caru nawa gempang kaputusan dalem tangsub, pamarisudha ing karang panes, mwang sanggar :
Ngadegakan Sanggar Tutwan, mapenjor pring buluh gadhing, matunggul kasa, 2, marajah nawa sangha, malih rwan kayu sakti, ring aersania gnahniya, kapwa rwania marajah aksara tri purusha, magenah ring harep ing Sanggar, sucinia 2. Gnep matupeng hadanan, pras daksina, harthania 1700, canang lenga-wangi, burat-wangi, munggah ring Sanggar.
Mwah ring harep ing Sanggar, natarnia marajah padma aksara namolah.
Raris gnahin Caru Nawa Gempang, lwirnia, sga 9 punjung, wadahnia tamas agung, mahaled muncuk don biyu mas, rinajah aksara bhuta.
Ikang sega tancebin sekar tunjung, sowang-sowang, 9 katih. Iwaknia ithik ingolah den asangkep majajatah, inolah inangun urip. Carunia, satha manca-warna, malayang-layang, winangun hurip, matatakan sangkwi mikuh, dagingnia holah gnep, haywa korup, jajatah lembat hasem, calon agung mwang tumpengnia padha nganut hurip, mancha-desa, manceb Sanggah Cucuk 5, mancha-desa gnahnia, makober mancha-warna.
Ring purwa, putih; daksina, bang; paschima, kuning; utama hireng; ring madhya, brumbun. Bantenia tumpeng adanan. Ring tengah, daksina gdhe 1, hartha 500. Bayuhania padha ngawa panyeneng. Sasayut pangambeyan. Ring tengah suci hasoroh, glar sangha, agawu, tepung-tawar, bahu, lis, tatebasan prayascita lewih 1, prayascita durmanggala 1, pane hanyar 1, kuskusan 1, siwur penek, tatimpug, sujang 5, madaging twak mentah, harak brem.
Ring pamujan, suci 1, genep salan-lan ing panglukatan, daksina Sang Wiku hamuja, hartha 1700.
Maka wnangnia Caru ika ring Pomahan, ring Sanggar, ring Parhyangan, Dalem, Desa Puseh Bale-agung mwang ring Tegal Sawah, ring Pangulun Hempelan.
Kramania wus pinuja ikang Caru, ngabhakti ka surya hantuk skar mwang ring Sang Hyang Prawatek Dewata Nawa Sangha. Mwah Kwangi pasaksi ka surya.
Wus mangkana, raris malukat sang adrewe Caru, matirtha, majaya-jaya. Raris pendhem Caru Nawa Gempang ring natar ring ghahe macaru, layang-layang bebek mwang ayam, gabungin nasi hider bwanane, rames wadahin ngiyu hanyar, siratin tirtha.
Panglukatan, pahidang ider kiwa ring pakarangan, ping tiga, saha hobor-hobor mwang sampat tulud, ngider tengen, sembarin Tri katuka. Mantrania Pangihid Bhuta, saka wruhtawnang linakwan Tlas.
#tubaba@griyangbang#
Tidak ada komentar:
Posting Komentar