CARU DURGA MAYA (KADURMANGALAAN)
Olih: I Gede Sugata Yadnya Manuaba, S.S., M.Pd
Caru Ayam Kelawu, urip 6, Dewatania Sambu, Bhutania Bhuta Ireng, Desania
Umah karubuhan taru agung muang lumbung sanggah kunang, pepayonan sinambering gelap, ayam mesaki ring untungan ring salu kunang, kagunturan wot, katikelaning watu muang pamipisan, kaumahin tabuan, iki panudania :
Segeh atelompok maiwak ayam klawu kledungan wawu ngetek ngetekin (gumerot), ingolah winangun urip, sasate calon, ebat pecel, kukutis, genep sewarnaning olah, matatakan nyiyu anyar merajah Rsi Gana, maaled kampil anyar, meraka sewentene, tumpeng ketan barak tumpeng injin adanan, tumpeng apucak manik 1, maiwak sere barak, bawang jae. Malih segeh pinunjung iwak ayam mapanggang, daksina denagenep jinah 225, canang gantal jinah 11, canang tubungan jinah 25, pelawa ambengan ruwaning sembung, peras penyeneng, lis salepan 1, payuk panglukatan genep
Mantrania :
Ih Sang butha kala ta, Sang bhuta dumarana, Sang bhuta praweta, iki tadah sajin ira segehe tinalompok maiwak ayam kedungan wawu ngetekngetekkin, ingolah winangun urip, jatah calon, tekapinolah, tumpeng ketan abang ketan ireng adanan, muang tumpeng apucak manik abungkul, maiwak terasi bang, miwah bawang jae, segeh pinunjang maiwak ayam mapanggang, daksina nyuh abungkul maaled ruwaning gedang saba, jinah satak lima likur, maka pangenep ipun, pemantuke kita ajak putunira kabeh, yan kapanggih pasar agung ararian kita atatukon, ajak sanak putunira, wus sira atatukon mantuk kita ring kahyangan, anut ring linus genter pater, ameng-amengan mantuk ring linus genter pater tan pamengan, dumulurin ayu werdhi.
#tubaba@griyangbang#
Tidak ada komentar:
Posting Komentar