SESANA SANG DIKSA DWIJATI
Diksa Dvijati utawi Wiku / Pandita / Sulinggih ring agama Hindu ring Bali pinaka rohaniawan sane dahat kasuciyang linggihnyane, dwaning kasinanggeh sampun maraga suci.
Ngulati Kawikon punika, nenten wantah kedasarin antuk pengetahuan miwah kasulukan pikahyun utawi sangkaning pinunas sisya kemanten, nanging patut kategepin antuk sila-sila sane nyihnayang sang calon diksha patut sehat/waras jati mula/lahir bathin miwah nenten cedangga, patutbmeparilaksana sane becik, selantur ipun taler pacang ketatasan malih olih para janane / masyarakat sami.
Sila utawi kasusilan punika wantah marupa dasar sane pinih utama, tur kategepin antuk sesana, tata susila, silakrama, keanggehang sakeng kahuripane sane serahina-rahina pinaka untengnyane. Puniki sane dados dharma tetimbang sakeng calon Guru Nabe, sadurung jagi nyuciang calon nanak utawi sisya dados dwijati.
Ring sajeroning sesana kawikon paiketan sisya kelawan nabe wenten sesana silakrama aguron-guron sane nenten dados kepasahanang manut kecap: "swargan sisya – swargan nabe, nerakan sisya – nerakan nabe”.
Artosnyane tan patut utawi piwal (jele / melah) pidabdab sisya, jagi mekantenan tan taler patut ring linggih nabe.
Paiketan “paguron-guron (kapurusan miwah garis parampara) ” inggih punika bratha (disiplin) lan kepatuhan sisya punika nenten wantah ring nabe kemawon, taler patut ring Guru Patni (Istri nabe), Guru Putra (putra nabe), Guru Wesi (cucu nabe) miwah Sanak Sandekan (Semeton ring dharma nabe / para wiku seperguruan).
Padiksan punika pinaka lanturan acara Rsi Yajna sekadi : mawinten (ngadegang pemangku / ekajati); pawintenan munggah bhawati (memasuki dunia brahmana); lantur madiksa upacara madvijati (sakeng walaka dados wiku / panditha / sulinggih); ngawangun parhyangan / kusala, madana punya ring sulinggih, tegep ring ajaran-ajaran sang acharya / para sulinggih utawi calon sulinggih).
#tubaba@griyangbang#
Tidak ada komentar:
Posting Komentar