........, yan samangkana kawula tumut patuwuk, ngaturang jiwa sapisan, malih ingsun aminta sih, mangda ingsun weruha, sang momadihyang, dadi mojar Ida Bhatara Sinuhun Siwa Putra Parama Daksa Manuaba, ih nanaku sang pandita, sira twiya sira aguru nabe, ring ingsun, dadi umatur sang nanak, kadingapa wonge maguru nabe, kawula durung weruha, ngaran, mojar Ida Bhatara Sinuhun Siwa Putra Parama Daksa Manuaba, yan tingkahing wiku maguru nabe, ngaran, mitlasang manah sira, ngaran, saananing mautama luwih, muwang tingkahing taterusan, muwang utamaning wijaksara, ika wus rinegep, asung linugeraha, ikang sisian, samangkana tingkahe wonge maguru nabe, wusira keneng pinastu, olih sira sang maraga guru nabe, dadi ya matemu sasanak, saha sisian ring sang guru nabe, yen sang guru nabe katemuning olih dusta durjana, sang sisia wenang ngetohano urip, yan sang sisian katekaning durjana, ngaran, sang guru wenang angetohan urip, malih tingkahniya wekasan, anake maguru nabe, pada matine, atmaniya kang sinarengan numadi, anake karane lekad kembar, muwang juru samangkana, katatwaniya, sami sareng nemu hala ayu, samangkana, titah sang maguru, kawula suka satuwuk, nanging ya suka budi, enak kawula, ngaturang jiwa sapisan, yen samangkana sira kalih, ingsun wugiwe guru nabe, wastu sira samangkana, pomo 3x,
Tidak ada komentar:
Posting Komentar