Pengringkes Dasa Aksara
1b. Om Awighnam astu namasidem.
Iwastu satawayanya, pangaringkes dasaksara, kawruhakna pasuk wetunya, yan sira wruha ring kalingan iki, tlas papa naraka bapabunta, tekang sariranta, iki kamulaning panulak satru, mwang sarwa wisesa, sami pada kasor denya, nanghing haywa wera ring wong lyan, apan dahating utama aksara iki, samangkana palanya, patemuning tastra : Sa Ba Ta A I, dadi Ang, magenah ring udel, pan tastraning tastra : Na Ma Si Wa Ya, dadi Ah, magenah ring siwa dwara.
2a. Ang lawan Ah, masalin rupa, marupa Om-kara, matemu ring ati, raris kapukuhing lidahe dadi ardacandra, windu, nada. Ardacandra ring gidat genahnya, windu ring gentil irung genahnya, nada ring tungtunging irung genahnya. Wus samangkana mawak Siwa, Sadasiwa, Paramasiwa. Tejanya aketi abara inget, telas.
Iti panulak sarwa baya mancana sarwa krura, sarwa galak, sarwa aeng, palanya mari ya mamigrain. sa, sakarepta, wenang.
2b. Ma : Om pretiwam apah teja bayu akasa, nga, haeng haeng tan mandi, mari sang sedahan, Om hejoh hetpet. 3X, aku Sang Hyang Panca Maha Bhuta, terus ring luhur, kesaktianku Sang Hyang Licin, sarwa satru pat swaha.
Iti mantra anggen mangraksa raganta, nanging mantrakna sari-sari, ring kalaning wengi, yan hana wong paksa angleyakin, mwang anesti, anerangjana, salwiring makarya hala ring raganta, palanya balik ya agring meh katekan mati wong mangkana, yanya tan mati meh buduh ya mwang
3a. agring, mangkana pwaranya, mantra iki nanging pingitakna mantra iki, apan dahating kawibaran mantra iki, nga, Durgha Redana, ma : Om nama bagawati, warntadhaga, kala sehiri, mahetpananyam, karetu sarwasam, satrunam bawantu, sidhirastu tatastu restu swaha, telas.
Hyang Bagawati magenah ring madyaning lidah, I Kalika magenah ring tungtunging lidah, regepakna, haywa wera ring wong len.
Nyan kaputusan Sang Hyang Prewatek Dewata Nawasangha, kawruhakna ring bwana alit, ring sariranta, ndya ta unggwanya ring bwana sariranta --/
3b. Iti Sang Hyang Dasaksara, nga, sira angadakaken Sang Hyang Tastra saider bwana, mungguh Sang Hyang Pranawa :
Sang kangin, magenah ring papusuh, Bang kelod magenah ring ati, Tang kauh magenah ring babuahan, Ang kaja magenah ring nyali, Nang kelod kangin magenah ring peparu, Mang kelod kauh magenah ring husus, Sing kaja kauh magenah ring limpa, Wang kaja kangin magenah ring ineban, Ing Yang, magenah ring madya, magenahakna ring pegantunganing ati.
Iti Sang Hyang Om-kara, Sang Hyang Kapatyan, anggawe tastra asiya lwire -/
4a. Sa Ba Ta A I Na Ma Si Wa Ya. Om, mwang anggawe tiga, ndya ta tastra tiga, lwire : Ang Ung Mang. Mwang anggawe Sang Hyang Tastra Rwabhineda, lwire Ang Ah. Yan wus samangkana denta angwruha, haywa wera, simpenakna denta apang jati, lwirnya : Sa mulih ring Ba, Ba mulih ring Ta, Ta mulih ring A, A mulih ring I, I mulih ring Na, Na mulih ring Ma, Ma mulih ring Si, Si mulih ring Wa, Wa mulih ring Ya, Ya mulih ring Sang 
Hyang Tastra Pasupati Om-kara,
Hyang Tastra Pasupati Om-kara,4b. Sang Hyang Tastra Pasupati Om-kara mulih ring Sang Hyang Tiga, A, U, MA, ring Sang Hyang Tiga mulih ring Rwabhineda, Sang Hyang Rwabhineda mulih ring Ardacandra, , Ardacandra mulih ring windu, , Windu mulih ring nada, , telas, haywa wera, utama dahat, aksara iki, apan gagelaran pati lawan urip, wenang gelarakna apang sing I papa klesa ring sariranta, mwah wenang anggen pangalah satru wisesa, mangkana gni kunda rahasya utama, ya ika mageng tan polah, mawisesa hana iti.
5a.
Telas aksara iti. dadi api.
5b. Iti unggwaning Ardacandra mwang Windu Nada, nga, mwang Rwabineda, nga, Mwang Om-kara sumungsang, nga, ungwanya Sang Hyang Tiga, nga, Brahma Wisnu Iswara,
Sang Hyang kalih mungguh ring nabi genahnya, Ang. Ne luhuring siwadwara magenah, Ah. Om-kara ringpala kiwa tengen, Om, Sang Hyang Tiga, metu ardacandra windu nada, unggwanya, ardacandra ring ulu arsa, windu ring udel, nada ring tungtunging purusya, anerus ring telenging ati, mwah anerus ring tengahing ampru, anerus ring pegantunganing idep -/-
6a. Mwah akumpul ring cacupu inten, ika citta, mulih maring pucuk tiga, ulenganing tinggal, tungtunganing nggarung, pucukaning pusa, paunggwaning Sang Hyang Tiga, makumpul dadi ika, yan sira harep anglekas, pepek de nira halanggi mwang haturu, pujanira ring teneng, maruksa suku kiwa, tanganta ring kiwa, gamelakna sunduk den apageh, pelengakna pucuk tiga, haywa kundep.
Pasuk metunya Dasabayu mwang iki :
rumuhun iki dadi Om-kara sumungsang. -/-
6b. Metu parek dening Sang Hyang Rwabineda, unggwanya ring dada, ring siksikan, haywa wera, tan siddhi palanya, mulih ring sariranta makumpul lungguh.
7a. Api Yeh
7b. Iti Suksmaning Kanda Pat, nga, ginawa maka kakudung urip, dahat wisesa sira. Kawruhakna baranya kabeh. Lwire, :
Yeh nyom madan I Anggapati, putih rupanya, ring papusuh genahnya, ring cangkem pesuk wetunya, ring engkok-engkokan genahnya.
Getihe madan I Mrajapati, abang rupanya, ring ati unggwanya, ring irung pesuk wetunya, ring bawu tengen genahnya.
Ari-ari ngaran I Banaspati, ireng rupanya, ring nyali genahnya, ring netra pesuk wetunya, ring bawu kiwa genahnya -/-
8a. Tahi langlang ngaran I Banaspati Raja, kuning rupanya, ring ungsilan genahnya, ring karna pesuk wetunya, ring pungkuring pemanggehan genahnya, telas.
Yan sira wruh samangkana, ika parana sakti dahat. Yan merentah soang-soang, awehakna sanakta kabeh, swaranya kayeki japanya, :
Uh swaranya I Anggapati, eling sira asanak ring ingsun, ingsun tan lali
8b. asanak ring sira. Raksanen ingsun, yan hana sanjata lalandep pe sanjata tumapaking awak sariran ingsun, ampihang aja lali lah poma, 3X
Ah swaranya I Prajapati, eling sira asanak ring ingsun, ingsun tan lali asanak ring sira. Raksanen ingsun, yan hana sanjata lalandep pe sanjata tumapaking awak sariran ingsun, ampihang aja lali lah poma, 3X
Eh swarane I Banaspati, eling sira asanak ring ingsun, ingsun tan lali
9a. asanak ring sira. Raksanen ingsun, yan hana sanjata lalandep pe sanjata tumapaking awak sariran ingsun, ampihang aja lali lah poma, 3X
Ih swaran I Banaspati Raja, eling sira asanak ring ingsun, ingsun tan lali asanak ring sira. Raksanen ingsun, yan hana sanjata lalandep pe sanjata tumapaking awak sariran ingsun, ampihang aja lali lah poma, 3X, telas
9b. Rehnya mawas kiwa tengen mwang ring arep ring pungkur, pepetakna bayunta, kayanga mijilaken sanaknya, den kadi wong yanak-hanak, tan lyanan sake rika, tan mijil sanaknya, wus mangkana, yan hadres hirungnya kiwa, sukune kiwa tindakang dumun. Yan hadres hirungnya ring tengen, sukune tengen tindakang dumun, yan pada dresnya, metu ring irung mahancogan lumaku. Haywa sangsaya sira ring dalan, tan ngmasi sira ring dalan, mwah
10a. Saparaning mintar, leyak, ndesti, teluh trangjana, durgha durjana, mawdi ngeb, salwiring wisesa sami pada mundur ajrih, telas.
Haywa wera uttama dahat iki yan sira wruha ring tutur iki, Yan wera geng hetung halanya, den singid ring hatinta juga, aja hima-hima.
Marganya, : Ang ring irung tengen, Ung ring irung kiwa, Mang ring tengahing irung.
Iti patemoning swalalita mwang modre, mwang jatining Dasaksara, Panca
10b. Brahma. Panca Brahma ring genahnya, ring nabi unggwanya. Pancaksara ring siwadwara genahnya, kadi iki tastranya :
Panca Brahma : Sang Bang Tang Ang Ing, nga.
Pancaksara, nga. : Nang Mang Sing Wang Yang.
Patemunya : Nang Mang matemu dadi Ing-kara. Sing Wang matemu dadi Yang-kara. Ing-kara mungguh ring nabi, meraga Sang Hyang Guru Reka. Sang Bang matemu dadi Ang-kara. Tang Ang matemu dadi Ung-kara. Ung-kara matemu Ang-kara, dadi Ong-karagni Murti, dadi api ngendih murub. Ang-kara matemu ring Ung-kara, dadi lengis. Yang-kara matemu
11a. ring Ing-kara dadi yeh Ong. Ing-kara matemu Yang-kara dadi Mang, mawak angin. Mang mawak bintang. Nang Mang Ing, maraga surya, Sing Wang Yang, meraga bulan, meraga bintang kartika. Surya ring netra kiwa, bulan ring netra tengen, bintang ring sesa. Mwah Ing Yang Mang : Ing Bhatara Siwa. Yang Bhatara Sadasiwa. Mang Bhatara Paramasiwa. Unggwanya : Ing ring pukuhing rambut. Yang ring madyaning rambut. Mang ring tungtunging rambut.
Mwah hana Tri Kona, nga, : Ang api, Ung iyeh, Mang angin.
11b. Unggwanya : Ang ring idep, Ung ring bayu, Mang ring sabda. Mwah hana Tri Padana, nga, surya, bulan, bintang. Sabdanya: Ing Yang Mang, matunggalan, Ang Ing napti, nga. Ung Ang upti, nga. Ong Mang, pralina, nga. Iti jatining Dasaksara, nga, pratastraning nabi, kaslahan dening Ing-kara dadi Panca Brahma. Ring luhur kaslahan dening Yang-kara, dadi Pancaksara. Iki kawruhakna apang jati. Kinemit dening soddanya catur. Kayeki rerajahannya kawruhakna, Huyuh angin, purusya.
|
Bayu Sabda
Pangringkesan Dasaksara, sampun mabungkulan pragat.
12b. Panlasanya iki glarakna,
13a. Anggen ngeseng satru, anggen angeseng salwiring lara roga wigna, salwiring papa ptaka, salwiring hala-hala, leyak desti pada geseng, salwiring karya pada geseng, anggen angurip wenang, anggen ngeseng wenang, kawibaran Sang Hyang Dasaksara iki, haywa cawuh-cawuh, ring prayogan Sang Hyang Dasaksara. Haywa romon ring aksara puniki. Yan nguncarang mabersih dumun, mahening-hening ring raganta, poma pingitakna ring adnyana pranawa.
13b. Iti prayascitaning sarira, ngilangakna salwiring wignaning sarira, mwang papa klesa metu saking sarira, makadi bancana teka sakeng durgha wisesa, leyak desti teluh trangjana, mwang sangaraning sarira hala, ta geseng de nira Sang Hyang Mantra, prayogakna, Sang Hyang iki Mantra, Sang Hyang Dasabayu sariraken ring raganta, sa, tirta mawadah payuk anyar, 1, daksina, 1, den agenep, arta, 8.000, canang, 10 tanding raka sakewenang, pinuja ring
14a. sanggar rikala purnama, tilem, asep den awangi, haywa wera, karungu dening wong len, ri wusnya mayoga, tirtanen raganta, kadi akrama, wehin anak rabinta tirta ika.
Phalanya wedi ikang kala Durgha, doh ikang gring, sarwa lara wigna, utama dahat iki, drawe sang ratu, mwang Brahmana, wenang anggangge iki. Mmantranya : Om idep Sang Hyang Om-kara mungguh ring tungtunging rambut maraga Sang Hyang Siwa Nibana Wisesa.
Iti mantranya : Om Sang Hyang Siwa Nirbana Wisesa mungguh ring agraning rambutku, matapakan padmanglayang, sira anita (ha) ken salwiring lara roga papa pataka, wighnaning awak sariranku, angunduraken sarwa durgha kala kabeh, Om Sang Hyang Sri we namo namah swaha.
I, ring siwadwara mungguh, idep Bhatara Siwa malungguh maring raga ika, ma, : Ong Sang Hyang Siwa Murti Jati, malungguh ring siwadwaranku, matapakan padma bhwana, angleburaken lara wighna papa petakaning
15a. awak sariranku, amunahaken sapakriya hala, sarwa durgha kala kabeh Om Sriya we namo namah swaha
A, ring lelata, idep Bhatara Sadasiwa maraga, Om Sang Hyang Sadasiwa Murti, malungguh ring padmasana ratna, sira anganyutaken lara roga papa pataka wighnaning awak sariranku, angunduraken sarwa roga kabeh, Om Sriya we namo namah swaha.
Ka, ring rahi, idep Bhatara Suryya Candra mungguh ika, Ma, : Om Sang Hyang Siwaditya malungguh ring padmanglayang, sira anuluhin saparaning
15b. darsana, asing akarya kala ring awak sariranku wastu kita punah sarwa guna wisesanta kabeh, mwah angilanngakena lara roga wighnaning papa patakaning awak sariranku, Om Sriya we namo namah swaha
Sa, ring muka mungguh, ring idep Sang Hyang Maya Murti, ma. : Om Ang Sang Hyang Maya Sakti, malungguh ring padma nada, sira angemitaken awak sariranku, amrangakna saluwiring awak sariranku,sakwehing desti
16a. teluh trangjana gegandu gentawang wastu sira punah teka geseng de Bhatara Maya Sakti, Om Sriya we namo namah swaha.
Ma. ring awakta, idep raga Sang Hyang Bayu mungguh ika, ma. : Om Sang Hyang Prana Bayu Wisesa, malungguh ring padma cakra, mider amepeking awak sariranku, sira amagehaken sarwa wisya kabeh, sarwa lara roga wighnaning awak sariranku, mwah sapa karya lara kabeh, tan tumamah ring awak sariranku, Om Sriya we namo namah swaha.
Ra, mungguh ring wredaya idep maraga Adnyana Wisesa, ring tungtunging
16b. ati, ma. : Om Sang Hyang Adnyana Wisesa, sira anglukat hanganyut mala papa petaka, lara roga wighnaning awak sariranku, mwah amunahaken dasamala wikara pramala danda upadrawa ring awak sariranku, sakwehing akarya hala dusta durjana sira angunduraken, Om Sriya we namo namah swaha.
La, uderan, idep Bhatara Sadha Rudra, mungguh ring weteng, ma. : Om Ang
17a. Sang Hyang Sudha Rudra Murti, angesengakna, lara roga papa petaka lebur punah dadi hawu, angesengakna salwiring papasangan, rarajahan, papendeman ring awak sariranku, asing kapangan-kinum teka geseng, mwah sarwa durgatala kabeh, asing akarya hala ring awak sariranku, westu geseng dadi awu, Om Sriya we namo namah swaha.
Wa, ring nabi lungguhnira, idep Bhatara Agni murub ring awakku metu saking nabi, ma, : Om Ang Ang Sang Hyang Agni Ludra Murti murub ring
17b. awakku, terus ring akasa mawak, angeseng leyak kabeh, teluh trangjana kabeh, mwah papa klesaning awak sariranku, wastu geseng punah dadi awu, Om Sriya we namo namah swaha.
Ya, ring guya, idep Bhatara Semara, mungguh ring parana lungguhnya, ma, : Om Asmara Dewa Murti ringawak sariranku anglebur sakwehing papa petaka, lara roga wighna, doh wikara pramala danda upadrawaning sarwa we,
18a. wastu punah hilang, Om Sriya we namo namah swaha.
Ung, ring padmawredaya, ideppang Sang Hyang Ananta Bhoga, ma, : Om Sang Hyang Ananta Bhoga, sira angruwataken salwiring mala wighna, wastu punah sakwehing mala ring awak sariranku, Om Sriya we namo namah swaha. Telas
18b. Iti Panulak Satru muang Sarwa Leyak, gering wisya katulak de nira, sa, : lontar gawa juga ring petpet wenang pangraksa jiwanta, ma, : Om idep aku Sang Hyang Anungku Rat Angraksa jiwa, Sang Hyang Taya angraksa bayu, Sang Hyang Parama Wisesa angraksa idep, Sang Hyang Acintya angraksa sabda, siapa wani hala paksane ring aku, buta kabeh manusa nembah, dewa asih, aku Sang Hyang Anangku Rat, mangraksa jiwa sakti aku licin, gering
wisya punah, sing teka pada punah, lah malarem,
iki ratuning Pangraksa Jiwa, nagaran Sang Hyang Ikup Bhwana, sa, lontar
19a. gawa juga sakti kita maya-maya, ma, : Om idep aku Sang Hyang Ingkup Bhwana, Bhuta Willis, ya waluya maya, raksa, simaya, beta pimaya, ngudngen remaya, sambu ludra maya, yudistira maya, bima maya, partha maya, sakula maya, sadewa maya, tumut sawangsanira, raksanen, duluring lampah laku japanku, lunga aku sakti, 3X. jeng, telas.
Nyan Sang Hyang Wisnu Murti, nga, sakti dahat, haywa wera, uttama temen. ngaran Pragolan, suksma pakedepanya iki, salwiring leyak desti teluh trang
19b. jana, buta kala dengen, salwiring hala bancana wedi ngeb, turakna ri talapake wehaning satru, ma, : Om Sang Hyang Brahma Loka, Hyang Wisnu Loka, sumurup ring Iswara Loka, anerus ring tungtunging adnyana sandhi, mwah ring tinghal kalih, kawruhakna wetuning sanakta. Iswara ring papusuhan, Brahma ring ati, Mahadewa ring babuahan, Wisnu ring ampru, Idep bayu sabda angregep tak kodar sabda.
20a.Yan ngareping satru, idep aku Bhatara Brahma maring tengen, Bhatara Wisnu ring kiwa, ring arep Bhatara Guru, ring pungkur Bhatara Mahadewa, Bhuta saliwan, awak Bhuta Kakawah ngemit ring tengah, Bhatara Ari-ari lawan Bhuta Budira ngemit ring kiwa, Banaspati ngemit ring arep, Ih Bhatara Guru ring cangkem, Bhatara Wisnu ring irung, Bhatara Brahma ring tinghal, Bhatara Mahadewa ring karna, Bhatara Siwa ring padmaron, 100,
20b. Paramasiwa ring padmaron, 20, Sadasiwa ring padmaron, 10, iti genep pangawakasan Bhatara Siwa, I hi ya ingsun Sang Hyang Tiga Maya, mangko ingsun Sang Hyang Mula Sweta, mangko iya manon, aranku Sang Hyang Gurudeya, mangko reh asing langgana. Marep purwa mageng bayunta, tan kodar sabda, telas.
Iti Sang Hyang Siwagni, nga, pangraksa ring sariranta. Rehnya marep purwa, dawuh ro, dawuh telu, ma, sa, toya anyar ketisang, sugiang, inum,
21a, pada ping 9. Desti leyak, salantang jalan kawasa, mantranya iki :
Om idep aku Sang Hyang Siwa Guna, sahurubing langit, gunanku guna tunggal, magni ring sariranku, murub makatar-kataran mesat aku ring akasa, tumurun aku angadeg, aku satampak lemah, asing delengku teka tekol, satru musuhku wong kabeh, yen harep ko mandeleng tan hana socanku, yan arep ko lumaku tan hana sukunku, yen arep ko angrenga, tan hana karnanku,
21b. teka rep sirep, satru musuhku wong kabeh, gumatap-gumitip, segara danu, teka rep sirep, sakwehing matangan, masuku, macangkem, bungkem, 3X.
Apan aku pengawakan Sang Hyang Siwagni, teka ngandeg, jeng. 3X.
Nyan kaputusan Sang Hyang Nata ring Girinata, sa, lontar tulisan mantra, gawa juga mawisesa dahat sira, sakwehing leyak baktya, sakwehing bhuta wedi, mwah bhuta kala dengen mewedi, mwah asing elik amati-mati pada wedi, mwah satampak saluning pande besi, tan tumamah ring awak sariranku,
22a. lunga jati teka jati, jawanira tan kasoran dening bawa kawisesan sira, yang tan wruha ring mantra iki gawa juga lontar iki, dahat wisesa sira, ma, : Om idep aku Sang Hyang Nata ring Girinata ring Gunung Agung, tedun ring madya pada, haranku Bhatara Sapuh Jagat, kawisesanira Hyang Bhatari Durgha, sapa wani ring aku, apan mulaning wisesa sakti, aku mulaning guna pangaruh, aku Sang Hyang Sapuh Jagat, leyak putih
22b. nembah ring aku, leyak abang nembah ring aku, leyak kuning nembah ring aku, leyak ireng nembah ring aku, leyak amanca warna nembah ring aku, leyak katon leyak tan katon nembah ring aku, bara bhuta kala dengen nembah ring aku, sakwehing satru pada baktya, asing kroda asih sakwehing durgha, urug, apan aku masarira marupa Durgha, rupanku Bhatara Girinata, luwih aku sakti, gering lara wisya katulak denku, aku Sang Hyang Sapuh Jagat hana gunaning satru wisesa, aku munahang
23a. kroda punika punah, sakwehing sanjata amati-mati pada punah, teka punggel tikel, aku luput ring sakriyaning satru, apan aku nataning wisesa, tan katamanan aku satru, aku weruh Sang Hyang Liwing Girinata, nataning dewata, Sang Hyang Om-karadikel, 3X.
|
23b. Iti Pangasih Bhuta, Pangasih Dewa, mwang Manusa, gelarakna rikala ngabhakti ring dewa, anggen pangraksa jiwa wenang, sengkernya sahuripnya, sa, lontar tulisin mantra, Kaputusan Sang Hyang Mpu Bahula, wenang maka pangalahaning leyak kabeh, gering wisya teka punah denya, ma, : ingsun angidepaken Sang Hyang Acintya Suksma, sakti pangraksa jiwa, apinda manusa sakti, aran Sang Hyang Mpu Bahula, angiring dening weda
24a. japa sakti, ingiringdening Dewa Catur Loka, ngelukat leyak kabeh, anglukat gering wisya kabeh, yan hana leyak halapaksa ring pakaranganku, teka dingkel, 3X. teka pupug punah, asing teka ko satrunku kabeh punah, teka nembah nungkul ko ring pakaranganku tekeng aku, apan aku uriping sarwa wisesa, wenang teka waras, 3X, Ang Ah Ang, , telas.
Iti Sang Hyang Mretyu, nga, ma, : Ih metu Sang Hyang Mretyu ring pabahanku, murub kadi geni ujwala, aku amancut atmaning leyak
24b. kabeh, mungguh ring tungtunging nada Sang Hyang Om-kara Ngadeg, asing katon denku lah pada geseng lah panungkul, lah katadah, de nira Sang Hyang Mretyu, asing teka pada tikel, suksma bungker, 3X. syah, 3X. Rehnya nuding leyak.
Iki Pangesengan Bhatara Brahma, nga, Ih Bhatara Brahma Sakti, sang apa mapas aku teka geseng, aku Bhatara Brahma Sakti, angrangsuk aku batu
25a. wresani, hatateguh mahider bhuwana, sa, sakewenang.
I Sang Hyang Kober Kuning, pinaka ratuning kawisesan, rehnya nembah marep kulon, laju amati rana, Sang Hyang Kober Kuning, nga, rong puluh, 7, rahina panunggunya, ma, : Om Sang Hyang Parahyang, aku Sang Hyang Guruning Hyang, aranku Sang Hyang Sukla Wisesa, ingiring aku dening Sang HyangWisesa, Sang Hyang Sakti tan malih ring luhurku Sang HyangTunggal, ring arepku Sang Hyang Acintya Wisesa, Sang Hyang Brahma ring tebenku, Sang Hyang Wisnu ring kiwanku,
25b. Hyang Iswara ring tengenku, Bima rempak mider ring aku, geni murub pinaka kasnanku, sapa wani ring aku, jatma teaka geseng satampak paluning pande wesi teka geseng, tikel tan palunya tekol, guna mati, pangaruh mati, wisesa sakti mati, paweh dewa mara mati, apan aku anggawe sahananing katon, sahananing tan katon, syapa wani lumiyat ring aku, wisya mara matemahan amreta, aku Sang Hyang Suksma luwih, angawang-awang Ih, Ih, Ah, Ah, Uh, Uh, Ang, 3X. telas.
26a. Iki Sang Hyang Siwa Sumedang, nga, sengkernya sahuripnya, yen tan weruha ring mantra iki, kewala pejang ring luhuring aturu, bantenya canang burat wangi ring kajeng kliwon, ma, :
Paramasiwa ya ne namah swah, metu Sang Hyang Siwa
Sumedang, ri pantaraning ati, murub dumilah kadi surya siyu, ingiring, sarwa tastra wisesa, ingiring dening dewa
26b. bhatara kabeh, geni sagunung pinaka lalayanku, asing anglayang, pinaka haranku, sagara adulun pinaka yasanku, sapa wani ring pakaranganku, tekeng aku, apan aku Sang Hyang Siwa Sumedang aweha ngentar ring aku, sahananing wisesa, ngentah ggeh leyak kabeh, sing teka satrunku wong kabeh
 |
27a. teka nembah teka nungkul, ring pakaranganku teken aku, apan Sang Hyang Siwa Sumedang, guruning aguru, guruning dewa bhatara kabeh, guruning japa mantra, guruning tastra kabeh, guruning guna pangaruh, guruning janma manusa kabeh, guruning leyak kabeh, guruning moro kabeh, guruning
 |  |
27b. pamonpokan kabeh ya ko pada wedi, nembah kabeh ring aku, ya ko pada wedi nembah ring aku paksane hengko, hala kira-kirane hulun, liniputing Sang Hyang Geni Pracandra dumilah, bininti dening sila mageng, binandem de nira Sang Hyang Bayu mageng, rempak remuk tan pasesa satru wong kabeh, kitane tan kawasa ngucap, angumik ring pakaranganku teken aku, asing teka satrunku wong kabeh, teka nembah nungkul, ko ring pakaranganku
28a. teken aku, apan aku Sang Hyang Suksma Siwa Sumedang, sakti aku tan kaungkulan, sing teka satrunku wong kabeh, teka lupa, teka waras, Om Sa Ba Ta A I, Na Ma Si Wa Ya, sarwa guna
pangaruh winasaya, sarwa satru winasa ya,
sarwa geleh leyak kabeh winasaya, sarwa satru winasaya,
pangantya,
28b. sing marera sami pada mingmang, siyu weda samangkana, kaweruhakna haywa cawuh, kena soda de nira Sang Hyang Siwa Sumedang, poma.
Tidak ada komentar:
Posting Komentar