Sorohing Aksara Bali

SOROHING AKSARA BALI

Olih: I Gede Sugata Yadnya Manuaba, S.S., M. Pd 

(Guru Bahasa Bali SMP N 4 Abiansemal) 

Risampune Uning Indik Sejarah Aksara Bali ngiring mangkin Lanturang Parikrama Duwe antuk Ngawedar Indik Sorohing Aksara Bali

Manut Kawigunannyane, Aksara Bali Kaepah dados makudang kudang soroh Sampun akeh wenten daging pamineh sane preside kakeniang ngeninin indik sorohing aksara Baline. manut Bapak Simpen A.B., Aksara Baline wenten tigang Soroh, minekadi :

1.     Aksara Wrehastra

2.     Aksara Swalalita,  miwah

3.     Aksara Modre

I Gusti Ngurah Bagus ngepah aksara Baline dados kalih Soroh, minakadi :

1.     Aksara Biasa,

2.     Aksara Suci.

Iriki, sane kabaosang aksara Biasa (Wresastra miwah Swalalita), sane kabaos aksara suci wantah aksara Modrene.

Selanturnyane, Ida Bagus Made Suasta, ring sasuratan “Aksara Bali Dalam Agama“ maosang, aksara bali wenteng petang soroh, luir ipun :

1.     Aksara Wreastra

2.     Aksara Swalalita

3.     Aksara Wijaksara, miwah

4.     Aksara Modre.

Pah pahan manut suasta puniki kepikukuhin antuk team Penyusun Panduan Penulisan Aksara Bali dan Aksara Latin, Balai Bahasa Denpasar Duk warsa 2009. puniki sane kaanggen dasar papalihan ring sor:

 1. Aksara Wresastra

Aksara Baline sane lumrah kaajahin ring alit alite rikala ngawitin melajah nulis Bali. Mekatah 18 (pelekutus), sane ketah kebaos abjad Aksara Bali. Abjad Aksara bali puniki sane sujatinne mawasta aksara Wreastra. Aksara Wreastra inggih Punika Abjad Aksara baline sane Kanggen nyuratang basa bali lumrah, sane tegesnyane yening pacang nyurat basa Bali sane lumrah sane nenten madaging campuhan basa kawi miwah Sansekerta, pacang praside kasurat antuk abjade sane Pelekutus punika.

upami :

2. Aksara Swalalita

Aksara Swalalita inggih punika Aksara Baline sane kanggen nyuratang Basa Bali sane maweweh basa Kawi, Kawi Tengahan miwah Sansekerta. Sane ngeranjing ring aksara Swalalita makesami aksara wresastrane, maweweh aksara baline sane kabaos aksara wayah kadi ring sor Puniki.

Dadosnyane makesami warga aksarane baduur rumanjing ring sorohing Aksara Swalalita, dwaning aksara Swalalitane punika marupa pupulan aksara Wresastra maweweh Aksara- aksara wayah. Makaimba sasuratan Aksara Swalalita sekadi ring Sor.

3. Aksara Wijaksara

Aksara Wijaksara taler kabaos Aksara suci, duawing sering kangen nyuratang saindik ajahan miwah paindikan sane kabaos suci. Aksara Wijaksara puniki mawit saking aksara biasa sane ngamolihang pangangge aksara pinaka niasan suara/munyi minakadi ulu candra Ulu ricem, bisah, miwah sane lianan. pinaka conto aksara wijaksara kadi ring sor puniki.

4. Aksara Modre

Aksara Modre inggih punika aksara kadiatmikan sane kanggen nyurat japamantra, saluir niasa, doa-doa kawi miwah usada utawi indik pangweruhan sane kabaos gaib utawi saindik – indik kadiatmikan. Aksara Modre puniki kewangun antuk aksara wresastramiwah swalalita kadagingin pangangge miwah pralambang, maweweh orten – ortenan mawinan makanten angker pisan. Punika mawinan aksara Modrene kantos nenten keni antuk ngewacen, sekadi aksara sampun padem. Rikala ngwacen ortenan modre puniki patut ngrereh pamargi /tata cara sane kabaos Krakah Modre. Sane tiosan wenten taler mawasta Krakah Padma, miwah Krakah Modre Aji Griguh