Mati Salah Pati/Ulah Pati

Mati Salah Pati/Ulah Pati

1. Mati kabangawan/ hanyut.

2. Sander kilap, ulung, tabrakan, urugan, tepen kayu, muah sane tiosan.

# Makarya upakara panebusan ring genahe seda/ padem, yaning tan kapanggih nebusin ring Pempatan Agung.

Banten panebusan ngangge peras daksina, rantasan putih kuning, panyeneng, ngangge don dapdap 3 bidang angge ngambil tanah genah kematian, raris kagenahang ring daksina, jagi bakta budal. Dulurin segehan cacahan ring genahe seda lan pamogpog di sampune tiba ring pamedalan.

Pangayate ring Bhatara Ibu Pertiwi utawi ring Dewa Wisnu yaning hanyud.

Cuntakane saking ngawit padem jantos puput pangiriman lan tugtug ngarorasin jantos macaru.

# Tetandingan Aepan Ngaben Ulah Pati/Salah Pati:

- pengambean tanpa soroan,

- pejati cenik, tumpeng 2, 

- pejerimpenan: besogan (cakang daksina cenik), tumpeng, raka, kacang saur di kojong umah, sampyan naga sari.

- daksina, 

- tebasan atma rauh: tamas, ceper misi nasi bungan tunjung, uyah lengis mewadah takir, raka, kacang kojong umah, 2 tulung sangkur isi nasi, peras tulung, payasan, 1 kuangen, sampyan tebasan. 

- Tebasan kala lara malaradan, pangalang hati, miwah pageh tuwuh.

Tebasan Semaya Pati 

tebasan untuk membayar janji yang dilakukan oleh orang yg sudah meninggal janji yang belum dibayar ketika hidup

tamas, kulit sayut, raka, tumpeng besar, 4 sau petik berisi ; nasi saur, nasi saur, uyah, ...... , pesucian, sampyan jit goak 

Banten Panca Petika (Pegat Semaya Pati) kawentenan nyane kalih soroh, inggih punika;

Asiki: Medasar antuk dulang susunin aled gde asiki, medaging kulit peras bunter maserana antuk   busung  9 lembar, medaging beras tampelan, raka woh-wohan dena jangkep, medaging Cawu kekalih (2),

sane asiki medaging nasi pulungan mewarna kuning 7 pulung, Cawu sane malih asiki medaging nasi putih 5 pulung, Cawu punika maaled antuk kalakat suddhamala, kojong rangkadan 2 medaging rerasmen, ayam putih tulus mapanggang, ayam putih syungan mapanggang asiki, sampyan metangga/sampyan Peras.

Sane malih asiki: Medasar antuk dulang, duwur nyane susunin aled gde asiki, duwur alede susunin kulit peras mesarana antuk ron 5 bidang, medaging beras, tampelan, benang, tumpeng poleng asiki (putih-selem-putih-selem-putih), limas antuk ron medaging nasi penek putih padha asiki, magenah bilang samping tumpeng, suyuk antuk ron medaging bubuh putih asiki, suyuk antuk ron medaging bubuh barak asiki, maulam ayam ireng mapanggang, raka woh-wohan dena jangkep, penyeneng alit asiki pras alit asiki, daksina l, canang pahyasan, sampyan nyane sampyan Pengambian.

#tubaba@manggayuh kasampurnaning hurip#