UPACARA PAWIWAHAN

UPACARA DAN UPAKARA PAWIWAHAN

Olih : I Gede Sugata Yadnya Manuaba, S.S., M.Pd

Upacara di rumah pengantin lelaki :

1. Mareresik

2. Mapiuning di Sanggah Surya

3. Upacara suddi-widani (jika salah satu agama lain) 

4. Mabeakala

5. Mapadamel

6. Metapak oleh kedua orang tua, berterimakasih dan mohon doa restu.

7. Mejaya-jaya

8. Ngaturang ayaban

9. Natab peras sadampati

10. Pemuspaan / Sembahyang

11. Nunas wangsuhpada / bija

Beberapa Tetandingan Banten Pawiwahan disebutkan sebagai berikut :

1. Banten Sesayut Plekempa

2. Banten Salah Ukur

3. Banten Panca Petika

4. Banten caru patemon

5. Banten Sesayut Purna Asih

6. Tetandingan Banten Sesayut Patemon

7. Tetandingan Tatebasan Bayakala 8. Pakala-kalan Pawiwahan, dll

#Tetandingan Banten Sesayut Plekempa

Tetandingan Banten Sesayut Plekempa puniki kaanggen ring upakara pawiwahan, kawentenan nyane kalih soroh. Inggih punika;

• Medasar antuk tetempeh kekalih, susunin taledan padha asiki, medaging nyuh masibak, 
• nyuh masibak punika degingin nasi, nasin nyane maaru antuk toyan cendana, duwur nasi ne dagingin penek padha asiki. 
• Makarya nasi sawatara 3 kelo, sisan nyane genahang ring tetempehe maka kalih, tetempehe asiki nasin nyane megaris (mapah) dados 9 garis, sane malih asiki nasi ne magaris (Ma-pah) pitu (7), medaging kacang hijo menyahnyah tur maintuk jantos halus, sambehang ring duwur nasine, bayem lalan 16 katih maseduh, genahang ring garis (pah-pahan) nasi ne punika, 
• lawar bawi anggen pepesan sekadi geti-geti 16 besik, taler magenah ring garis nasine punika, malir lawar bawi anggen brengkes 16 besik genahang ring sor nyuhe sane medaging nasi, sate leklet 16 katih, sate asem 16 katih takir medaging rerasmen 16 takir, sami punika genahang ngiterin nyuh sane medaging nasi punika.

Putih taluh medadar megenah ring muncuk nasi peneke, macongger antuk sekar tunjung putih, magenah ring tetempehe sane medaging nasi magaris 9.
Kuning taluh medadar genahang ring nasi peneke macongger sekartunjung barak utawi kuning, magenah ring tetempehe sane medaging nasi magarais pitu (7), anggen maka ciri hulon nyane, genahang don selasih niyik acarang, taler ring duwur nasine ring tetempehe dagingin sekar mewarna manut warnanning pangider-ideran.

#Tetandingan Banten Salah Ukur

Kewentenan tetandingan banten salah ukur puniki, keanggen ring pakala-kalan pawiwahan, medasar antuk :

• Taledan, medaging tumpeng putih 12 bungkul, 
• Maulam bebek mabetutu asiki (l) lan ayam mabetutu asiki (l), magenah bilang samping utawi ngapit tumpeng, 
• kojong rangkadan 2, 
• sampyan pusung 2, 
• panyeneng alit 2, 
• pras alit 2, 
• katipat kelan 2, 
• canang pahyan 2.

#Tetandingan Banten Panca Petika

Tetandingan banten panca petika puniki keanggen ring pawiwahan. Banten Panca Petika (Pegat Semaya Pati) kawentenan nyane kalih soroh, inggih punika;

Asiki: Medasar antuk dulang susunin aled gde asiki, medaging kulit peras bunter maserana antuk   busung  9 lembar, medaging beras tampelan, raka woh-wohan dena jangkep, medaging Cawu kekalih (2),

sane asiki medaging nasi pulungan mewarna kuning 7 pulung, Cawu sane malih asiki medaging nasi putih 5 pulung, Cawu punika maaled antuk kalakat suddhamala, kojong rangkadan 2 medaging rerasmen, ayam putih tulus mapanggang, ayam putih syungan mapanggang asiki, sampyan metangga/sampyan Peras.

Sane malih asiki: Medasar antuk dulang, duwur nyane susunin aled gde asiki, duwur alede susunin kulit peras mesarana antuk ron 5 bidang, medaging beras, tampelan, benang, tumpeng poleng asiki (putih-selem-putih-selem-putih), limas antuk ron medaging nasi penek putih padha asiki, magenah bilang samping tumpeng, suyuk antuk ron medaging bubuh putih asiki, suyuk antuk ron medaging bubuh barak asiki, maulam ayam ireng mapanggang, raka woh-wohan dena jangkep, penyeneng alit asiki pras alit asiki, daksina l, canang pahyasan, sampyan nyane sampyan Pengambian.

#Tetandingan Caru Patemon

Kewentenan tetandingan banten caru patemon puniki kepah dados papat luir ipune :

1. Banten Magenah ring samping nyane sirep, kawastanin Banten Pepradangan, lwir nyane: Katipat bantal genep dadi atanding, nasi kepel mawadah don talujungan,ulam nyane hati magoreng 3 tebih matusu,tuwak asujang jinah 11 keteng.
2. Banten Magenah ring tebenan nyane sirep, Banten nyane sarwa matah. Beras agemel, getih matah atakir, sedah tampinan.
3. Banten Magenah ring duwur nyane sirep, Banten Sesayut atanding: Madasar antuk aled sesayut, susunin tumpeng kuning asiki, tumpeng putih asiki, maulam ayam putih tulus mapanggang, raka woh-wohan dena jangkep, panyeneng alit, pras alit, sampyan nagasari, canang burat wangi lenga wangi 12 tanding.
4. Banten Salwiring Dina patemon, medasar antuk taledan masarana antuk don pandan, matatakan kalakat suddhamala, medaging nasi palupuhan, maulam baking gegending, mwang basang, mapencok balulang, taluh matah, emba dena jangkep jangan asem, susuin rwaning pulet, rwaning don bingin, metali benang tri datu, sesantun nyane anut uriping panca wara, raka woh-wohan dena jangkep, sedali porosan 13, kawangen 13, tulung barak 13, sesari 225, genep sopakaraning sesantun.

#Tetandingan Banten Sesayut Purna Asih

Tetandingan Banten Sesayut Purna Asih puniki keanggen ring pawiwahan, medasar antuk dulang susiming wastra selem lan kuning merajah Smara Ratih, susuning aled sesayut antuk busung nyuh gadang maplekir maileh, medaging beras, ketan, injin, medaging nasi pangkonan asibak ireng asibak kuning, medaging tumpeng ireng 4 bungkul, tumpeng kuning 7 bungkul, canang sari, canang pangrawos, canang gantal, sekar selem lan sekar kuning, tulung apasang, ayam ireng mepanggang, ayam putih syungan mapanggang, genahang manut tumpeng nyane, sami winangun urip, artha 225, jangan bayam luhur atanding, sambel mica ginten, tabya bungkut atakir, sesawur maurab emba atakir, kalungah nyuh gadang 1, lis senjata antuk busung, penyeneng alit, pras alit, sampyan Nagasari, canang pahyasan, tatebus ireng lan kuning.