KAPUTUSAN PASUKWETUNING SARIRA

KAPUTUSAN PASUKWETUNING SARIRA

Ong awighnam astu nama siddhaṃ

Iki pinaka mārga ning kapralīnan Sang Paṇḍita, tiga lwirnya ; kang niṣṭa ring ṡiwadwāra, kang madhya ring tungtung ing ghrāṇa, kang uttama ring tutud, ikā ta katiga nora muliḥ ring janma.

mwaḥ ri karěgěpan ing niṣkala jñāna, ikana sinangguḥ parama kewalya, ling Sang Paṇḍita, ikā acintyapana; acintyapana ngaran tan kěna de ning angěn-angěn, ya sinangguḥ acintyapana sira. Ya matangyan tutug i pangawruḥ Sang Bhujangga ikā sang ring kina-kina ri Sang Boddha-Ṡiwa, mangkana tan hana waneḥ kumawruhi lāwanan ing langit wibhuh ira, hurip ing rāt kabeḥ sira tātan hana waneḥ.

Kāla ning hurip apagěḥ tan salaḥ sthāna těka ning pāti iringěn mingsorakěna, kang ing rahi den mingsor. Ikā Sanghyang Nāda adu tungtung ning gulu, hanêng mūlakaṇṭa Sanghyang Ongkāra, dadi tunggal hanêng hati sthāna nira, yan kawaṡa denta, mukṣakěna den mukta ngke ri jro ning apaḍang.

Kunang yan tan kawaṡa, iringěn kang minduhur anūt naḍī suṣumnā, amārga ring wunwunan. ya siannguḥ Sadāṡiwa mārga ngaran, apan iku Bhujangga tan agawoka pangwruh ing awruḥ. Anghing Ṡewa – Buddha juga tuhutěn pangawruh ira, apan sira angawruhi kinawruhan, hīngan ing isi lāwan tan pêsi. Ikā mārga tiga larangan těměn, haywa winarahakěn ring ṡīṣya, hila-hila kang ingêwěḥ ṡinabdakěn.

Ka cakrabhuwanêka dangū, ndya ta Sanghyang Tunggal, sira anangguh añakra bhuwana, ikang bhuwana kabeḥ kawěngku de nira Sanghyang Tunggal, sira Bhaṭāra Sadāṡiwa ngaran, ya sinangguḥ Prabhu ning rāt kabeḥ. Salwir kuwung ing hati tunggal kalāwan langit kang katon de ning wong kabeḥ, ya kuwung ing hati, ya ikā ākāṡa tan patěpi tan pânta, aparan de ning anunggalakěna pakěkěs nira.

wyaktinya kadi angga ning twas ning wuluḥ siniwak, kuwungnya ngūni ikang wungwang ing jro mulih anunggal maring ākāṡa paranya. Sangsipta nika ya Dewâmbara mārga, Paramaṡiwa yoga ngaran, amārga ni acintya, apan norâna angěn-angěn, nir abhiprāya, tan hana sādhya, nirakṣara, tan hana ṡāstra, wungwang nira akāra, tan parūpa tan pawarṇa, byoma nirmala sanibam, aparan paḍa nira, Kadi ākāṡa tan pamala, mangkana paran ing māti.

Yan kěna de ning angakwakěn ajñāna, pilihěn kang mukta ngke lāwan mārga wunwunan, ikā ta paḍa ujari tan wruḥ, sawos ri kuwung ing hati kalāwan langit. Haywa ta mangkana, tunggal ikā, haywa wawa rěngö ring amiwalani, ring gulu de ning angiḍěp, tungtung nāda Sanghyang Ongkāra adu tungtung.

Haywa tan prayatna, lāwan haywa winehakěn ring ṡīṣya tan wong mênak, pinghitěn haywa bari-bari, haywa agampang, wěkas ing para bhujangga ring kina-kina, poma haywa tan prayatna.

Windu ring kapāla, nāda ring tungtung ing rambut, Ongkāra ring ḍaḍa, ardhacandra ring bāhu kaliḥ, nāda ring tungtung ing rambut. Windu ring kapāla, těka ring pāti ṡūnya sira.

Apan yan tinūtan ring tungtung ing rambut, dwadaṡânggula kadohan ira saking tungtung ing rambut, hinaranan Bhaṭāra Ṡūnya-ṡiwa, haywa sing wruḥ, tan pawali janma sira, wěnang dadi dewa, ikang kalěpasan tan hana wong wruḥ.

Nihan Sanghyang Puṣpa Tanalūm ngaran, ring rāganta juga, ya wit ing sěmbah lāwan tungtung ing sěmbah, aněmbah – aněmabah (siněmbah?) awaku dewek. Sanghyang Puṣpa Tanalūm tungtung ing paparu, Sanghyang Sūrya tělěng ing Sanghyang sungsang wulan ngaran, pěṭak warṇa nira, ṡabdanya tir. Sěla ning Sanghyang Sūrya kawaḥ, abāng ing sūrya kawaḥ ngaran, kawaḥ matěmahan swarga, apan wong wikan ring tatā ning rāganta juga tuhu Paṇḍita, tan apiliḥ lungguh, tan hana siněmbah, tan hana dinilaḥ de ning ṡīṣyanta, tuhu sang lěwiḥ, wikan ring andanya (kaṇḍanya?) ngaran, tuhu pangawak ing Sang Ṡiwa lāwan Boddha.

Iki betel ing Aji kaputusan, ring tělěng ing Sanghyang Wulan Bañu Pawitra ngaran, ri tělěng ing Sanghyang Sūrya ngaran Bañu Mahāpawitra, ikā nggo ning aṡuci sari-sari.

Nihan kawruhana tunggal ring ṡarīra, kāraṇa ning wong angipi. Kang atunggu ring ṡarīra Bhaṭāra Wiṣṇu, ngaran ampru. Lunghā Sanghyang Ayu saḥ saking paparu, paparu hati putiḥ ngaran, ikā mangaran Puṣpa Tanalūm. Dūk kumucup, pulěs, ikā lunghā angipi, dūk měkar atangi.

Lungguh ira ring tungtung ing tinghal kiwā, kiwā mangaran těngěn, ya ikā mangaran tunggal, ngaran tan kêdanan, tan kasiliran de ning angin, tan kasěmburan rāḥ, tan kěnêng lara pāpa, swarga dinungkap ngaran.

Yan durung wikan kaṇḍa ning kaputusan ing ṡarīra, haywa kita atapa brata angurangin pangan turū, sing paran-paranta pějaḥ swarga kita tan hana amanggiḥ pāpa. Yan wadon, katěmu ring lakinya mwang sânaknya kabeḥ, yan lanang katěmu ring rāma-reṇanya mwang sânaknya, o o o.

Gni lanang ngaran sūrya, ṡabdanya malětak, gni wadon Sanghyang Wulan, ṡabdanya malětik. Yan ring pāti, Sanghyang Wulan lanang, Sanghyang Sūrya wadon, tapa reh anggělěng angghrāṇṡika, kewala sěr.

Nihan abrěsihi Hyang Ātma ring hati putiḥ, aměgěng aměgat den atapakěna, měḍal tīrtha kamaṇḍalu, bañu pawitra saking Sūrya-candra, haywa wera, bwat hěning.

Kunang sangka ning angamet kang ṡūnya, sasti mula ning amet, lwirnya, dhāraṇa, dhyāna, yoga, samādhi, tarka ṡūnya, ri hawanya durung wruḥ ring ṣaḍangga yoga, yêkā wwang angaku-aku ngaran.

Manguninga ta kita yoga japa pūrwaka, wruḥ ring patunggal-tunggalan ing gaṇitri, Sanghyang Nāgarāja. Yan anggaṇitri, bāyu awak ing gaṇitri, kabeḥ Rudra, ya tri ngaran nāga, bāyu, Rudra, 3, ikā gaṇi ngaran wilang, tri ngaran tiga, pūjā, japa, dhāraṇa. Muwaḥ tri, ngaran dhyāna, yoga, Samadhi; ya tarka wyakaraṇa, ngaran, dhyāna ngaran uměněng tan môlaḥ tan kěḍap, sira umangěn-angěn Bhaṭāra ring bana, ya dhāraṇa ngaran.

Mwah umangěn-angěn sang inaměr ring jro ning ajñāna, ya yoga ngaran, těmwakěna awak sakala, êkatattwa ngaran. Kāla ning alungguḥ pratiṣṭa ring hṛdaya, kamalangan manaḥta. Na tarka ngaran, wruh uměněng anarka ring Bhaṭāra Sūkṣmâtisūkṣma, umor ring rāt kabeḥ, tan hana kang kapramāṇa de nira saka sangga de ning pṛthiwī, sakabehan de ning ākāṡa, tan hana kang kārya kateja-teja nira mwang sakutu-kutu ning walantaga, sakahanan ing rāt paḍa katejanan de nira, apan sira anon tinon, sira sūkṣma ati sūkṣma, ngaran alit; atisūkṣma ngaran alit sakêng kang alit.

Ya tinarka Bhaṭāra de sang wruh ing tarka, wruḥ sira yan aling-alingan ing rāt, tan hana tuna nira ring wīrya lāwan wibhawa, sangka nira ingaranan Prabhu Wibhuḥ, tan hana anglěwihi sira, sira Prabhu ning Prabhu, matangnyan sinādhya de Sang Paṇḍita. Unggwan ira ring tri windu, tri windu ngaran Brahmā, Wiṣṇu, Iṡwara, sira sěḍěng ning mawak windu, o o o. Windu dakṣiṇa, Brahmā, windu těngah Iṡwara, windu ring uttara Wiṣṇu.

Ikang windu saking bapêbu sangkanya, yāwat Sanghyang Tripuruṣa, ikang windu tiga maganti dadi lanang dadi wadon, êsuk, těngange, sore, těngaḥ wěngi. Yan êsuk, Bhaṭāra Iṡwara sira dadi lanang, Bhaṭāra Brahmā dadi Gayātrī, Bhaṭāra Wiṣṇu dadi Dewī Sawitri. Yan těngaḥ nge, Bhaṭāra Brahmā sira dadi lanang, Bhaṭāra Iṡwara dadi Dewī Sawitri, Bhaṭāra Wiṣṇu dadi Dewī Gayātrī.

Yan sore, Bhaṭāra Wiṣṇu dadi lanang, Bhaṭāra Brahmā dadi Dewī Sawitri, Bhaṭāra Iṡwara dadi Dewī Gayātrī. Yan těngaḥ wěngi, Bhaṭāra Iṡwara dadi lanang, Sanghyang Wiṣṇu, dadi Dewī Gayātrī, Sanghyang Brahmā dadi Dewī Sawitri kari lanang pawak ing wadon, kari wadon pawak ing lanang, tan kěna êněn, apan pawak ing arddhanarêṡwarī lanang mwang wadon, wyaktinya ring apaṡarīra saking bapêbunta, ring suku těngěn, hana tri windu, wwaya tri windu ring ṡarīra kabeḥ, ndya ta, ṡabda, bāyu, hiḍěp, ya triwindu. Tělas. Haywa bari-bari, poma.

Yapwan tingkah ing trisamaya, nihan, ja. Ong Ang namaḥ ring dakṣiṇa, Brahmā ikā. Ong Ung namaḥ swaha, mantra ring uttara, Wiṣṇu ikā. Ong Mang namaḥ swaha, ring madhya Iṡwara ikā, putiḥ ṡuddha rūpa nira. Ikā ta sinangguḥ trisamaya, sira tri antaka kāraṇa, sira tribhuwana ngaran, ndya ta ṡāstra nira, nihan tang ṡlokanya.

Dakṣiṇasto bhawet Brahma, bamasto Wiṣṇu utcate,

madhyasto Iṡwarodjñeyaḥ, tepunya pisita mutaḥ.

Ka sapta Sanghyang Samaya ikā, pralīna pwa ya sira, sahasangga līna ring pañca, pañca līna ring tiga, tiga līna ring Ongkāra, Ongkāra līna ring ardhacandra, ardhacandra līna ring windu, windu līna ring nāda, nāda līna ring niṣkala, niṣkala līna ring sūkṣma, sūkṣma līna ring tan pahaměngan ya taya, ya ṡūnya, tattwa pariyayah ikā.

Kunang pasuknya, ring nābhi rakětnya, Pañcabrahmā ring hati rakětnya, Triakṣara ring ḍaḍa rakětnya, jihwâgra, nāsikâgra, nādatattwa, ikā kabeḥ.

Kunang rakět ning Pañca Mahābhūta ring ṡarīra, nihan kramanya. Pṛthiwī ring kulit rakětnya, āpaḥ ring wuwus rudhira rakětnya, teja ring mata rakětnya, bāyu ring wuwus rakětnya, nāda, ākāṡa rakětnya.

Yapwan pañca titisnya, nihan kramanya. Pṛthiwī awak, teja otot, bāyu tahulan, ikang āpaḥ daging, ākāṡa sumsum.

Kunang unggwan ing dewatā ring ṡarīra, nihan kramanya. Iṡwara ring pupusuḥ, Mahěṡwara ring paparu, Brahmā ring hati, Rudra ring dalěm, Mahādewa ring ungsilan, Ṡangkara ring jajaringan, Wiṣṇu ring ampru, Ṡambhu ring iněban, Ṡiwa ring tumpuk ing hati, piṇḍa sanga kweḥnya. Tělas.

Ongkāra sphaṭika mayā rūpanya, sira lingga ning maṇik jāti paramârtha, pinaka dṛwya Sang Yogīṡwara, sira ta takwananta ring Sang Guru, rahasya ikā.

Yapwan tattwa ṡarīra bhagamārga, pasuk ning ajñāna ning awuwus, wayagoya, maganal alit, kaparitakwan, mārgatattwa, adimadhya, uttama wuwus, tattwa luputa sakêng ṡarīra. Hana bhuwana mwang catur daṡâṇḍabhuwana waya, nitya těmbenta wus luputêng rūpa warṇa awaknya, nihan pratyekanya. Sūkṣma, antarasūkṣma, paramasūkṣma, antyanta sūkṣma, paramârtha tattwa kamokṣan.

Nihan lwirnya luput sang tinon gamělan, sinang pwa rasa ning āmběkanya, dhyātmika wruh ing ajñāna kamungsi kita putra mami, nihan lwirnya.

Yan umiděr angawang-awang hiḍěpta ring rāt kabeḥ, rasa Sanghyang Sūkṣma ikā, yan umiděr salīlā hiḍěpta, rasa Sanghyang Antarasūkṣma ikā, yan umiděr nirmala hiḍěpta rasa Sanghyang Paramasūkṣma ikā, yan umiděr hiḍěpta tan patutugan, rasa Sanghyang Antyantasūkṣma ikā.

Yan tan malupa tan pagamělan hiḍěpta, humiḍěp rasa Sanghyang Paramârtha tattwa ikā, yan tībra satata hiḍěpta, hilang lěyěp alanggěng, kewala tan pahaměngan, rasa Sanghyang Kalěpasan ikā, sira hiḍěpta nira wiku, mahābhāra těměn ikā kabeḥ, ajñāna wiṡeṣa paramaguhya ngaran, wěkas ing Mahāpaṇḍita niṣreyasa ngaran.

Luputnya sakêrikā. ri huwus ning salwiran ing jāti nirmala, nirmala sira sang wruh irikā, sira kamokṣan těměn ngaran. lěpas siran tuturung hurip tan kěnêng bhawacakra, ya watěk ing ajñāna pinaka sādhana, gawa mokṣa capnoti ya ta kapangguḥ kamokṣan.

Ya ta matangnyan priḥ takwanakěna ring madhya rātri, ṡūnyakāla ta kita patakwananta ring ṡūnya, ring taya ning ṡabda prakāṡa. Samangkana ta kita tumakwanakěna rahasya Sanghyang Dharma ring Sang Parama yogīṡwara, ya ta matangyan pamangguhakěn ajñāna wiṡeṣa.

Nihan karma ning homâdhyâtmika, ikang ṡarīra pinaka pahoman, Sanghyang Nandiṡwara ring mata těngěn, Sanghyang Mahākāla ring mata kiwā, Bhaṭāra Wogra ring rahi, Sanghyang Adiguru pinaka lingga.

Tělas karěgěpan ira katiga, dhyānaněn Sanghyang Agni rahasya munggw ing kuṇḍa ning nābhi, den těpět angiḍěp i sira. Wyakti nira Sanghyang Agni yan hana ring nābhi, asing kapangan kênum denta tan pamikārani, yan sěḍěng ning urub nira ring lambe ning kuṇḍa nābhi.

Kunang yan aliwat saking kuṇḍa rahasya urub ning agni, irikā āmběkanta asru krodha buddhi patěngěranya, haywa mangkana. Yan alit urub ira Sanghyang Agni rahasya, asing kapangan kênum tan jīrṇa ring usus, wyaktinya tan mari anglara ring wětěng ikang pinangan yan mangkana, piliḥ kadadak laranta. Yêkā pangawyakti Sanghyang Agni yan hana ring jro ṡarīra, paka sthāna ring wiku ning nābhi, nābhi ngaran oděl.

Pasang kang tri wṛti ring kuṇḍa, tri wṛti ngaran tri naḍī, apan bungkah ing tri naḍī ring pusěr, ndya ta tri naḍī, iḍā, pinggala, suṣumnā, yêkā tri wṛti ngaran, Mang ring suṣumnā, Ang ring iḍā, Ung ring pinggala. Utpatti ikā kawijilan ira Sanghyang Agni rahasya saking wit ning trinaḍī, pahênak āmběkta haywa lamba-lamba, den těpět angiḍěp sira.

Apan wyakti hana Sanghyang Agni rahasya, irikā ênak katuturan ing ajñāna, rahasya ning hiḍěpta juga wiṡeṣa, ya sinangguḥ bahni dhāraṇa ngaran, yoga ngaran, Ang Ma, (Mang).

Hiḍěp Sanghyang Agni rahasya murub, haturana windana-windana, kayu rahasya hanêng ṡarīra. Ikang triantaḥkāraṇa, yêkā kayu rahasya, wijilakěna saking jro hatinta, lwir ikang triantaḥkāraṇa, tiga awaknya hanêng hati ning rāt kabeḥ, wyaktinya satwa rajaḥ tamaḥ.

yêkā wehěn gěsöngěn de ning Sanghyang Agni rahasya, kalingan ikā gěsöng ikang buddhi kapiwělasan, ring sarwa bhāwa priḥ kahilangan ing satwa buddhi. Muwaḥ gěsöngana ikang buddhi krodha ring sarwa bhāwa, priḥ kahilangan ing buddhi rajaḥ. Muwaḥ gěsöngěn ikang buddhi sisimping mwang gěněng ing pangan turū, putěk hati, punggung, priḥ kahlangan ing buddhi tamaḥ.

Ri tělas gěsöng ikang triantaḥkāraṇa hanêng hatinta, ênak urub nira Sanghyang Agni rahasya munggwing kuṇḍâdhyâtmika, pūjā ta ring pūjâdhyâtmika, nimitta ning urub ning bahni ênak. Isěpěn bāyunta hanêng wiwara ning hirung kiwā těngěn, tuturakěna maring maṇḍala ning agni rahasya, pisanakěna bāyu lāwan agni, pradhāna puruṣa sang yoga ngaran, Ma Aḥ, phalanya adawā ikang hurip, pūjānta ring pūjâdhyâtmika, ndya ta , Kadupakěna ujar rahayu angênaki karěngön ing len, haywa angucap wuwus agangsul. Ikang pinaka ṡiwāmbha mêsi tīrtha, sirati ta pan patěngaḥ ning halista.

Hana Ongkāra sumungsang ring lalāṭa padma, amijilakěn amṛta saking tungtung ing nāda nira, tuměḍun maring hṛdaya pundarikaṇṭa, ikang pinaka candananta, cipta nirmala. Ikang pinaka wījanta, ṡuci ning awakta, ikang pinaka dīpanta, netra amanis umulati lyan. Ikang pinaka sěkar tuñjung, cakupi tangan sapuluḥ, nāhan ta sādhananta amūjā ring adhyâtmika pūjā.

Hana ta samidhâdhyâtmika haturakěna ring Sanghyang Agni rahasya, lima kweḥnya, lwirnya, wak, paṇi, pāda, payûpastha. Yêkā Pañcêndriya ngaran, bhaṣminěn de Sanghyang Agni rahasya, wiṣaya ning kalima gěsöngěn.

Hana ta anahut, amidoni, aṡabda tan rahayu, tan harěp ring rasa tan ênak.

Wiṣaya ning paṇi, angamet dṛwe ning len tan sareḥ, maměrěp, maněpak, angrěnggut, anampyal, anuduk. Wiṣaya ning pāda, lumaku, amarani sinādhyanta ring hala, anepak, anděděl, anděkung.

Wiṣaya ning pāyu, angěntuti, angisingi, wiṣaya ning pastha, angrabyan i strī larangan, angěyěhi, amlěca. Nāhan ta kalima, ya sinangguḥ pañcêndriya.

Ikang ingaranan Pañca Karmêndriya samidhakěna, lwirnya , wak, cakṣu, jihwā, ghrāṇa, ṡrote. Wiṣaya ning wak, tan harěp kapurugan de ning akasap, nguniweḥ kapurugan de ning atil, mwang salwir ing tan amakênaki ring kulit, ya ta tan kinahyunanya.

Wiṣaya ning cakṣu, yan anon sarwa hayu kinalulutanya, yan tumoni tatu alaki kanya (ala cittanya?). Wiṣaya ning jihwā, lulut ring ṣaḍrasa, amiweka sing surasa lāwan tan surasa, apituwi yan pangarekana larangan ing len.

Wiṣaya ning ghrāṇa, lulut ring sugandha, ikang durgandha kinêlikanya.

Wiṣaya ning ṡrote, yan pangrěngö ṡabda ning kinahyunanya, suka ya, yan angrěngö ṡabda tan ênak riněngönya, duḥka citta. Ya hinaranan Pañca Karmêndriya, matangyan bhaṣminěn ikā. Ikā patěmunya kaliḥ hinaranan daṡêndriya de Sang Paṇḍita, apan patěmu ning pañcêndriya lāwan pañca karmêndriya dadi daṡêndriya.

Tělas gěsöng ikang samidha rahasya sapuluḥ kweḥnya hanêng kuṇḍâdhyâtmika, bhaṣminěn de Sanghyang Agni rahasya, labuhakěna kang tīla pangarwa, tīla pangarwa, ikang aṣṭa duṣṭa mwang aṣṭa coraḥ, yêkā wījyan mwang sarwa wīja.

Tělas gěsöng ikang tīla pangarwa saha wīja rahasya kamarṇa huti ta kita, ndya ta awak ing aji ṡuddhi rahasya ? Ikang ajñāna nirmala haturakěna ring Sanghyang Agni rahasya ya angkěn miñak ikang ajñāna parama ṡuddha, Ang, dhyāna.

Tělas angarcaṇa sthaṇdhila, ring hati sthāna ning sthaṇdhilâdhyâtmika, Ong, dhyāna, maka sādhana rahasya jñāna.

Tělas ta lwir marêng kuṇḍa rahasya, angarcana Sanghyang Agnirahasya, Ang, dhyāna. Ikā ta ṡarīrakěna, phalanya tan pūrṇa yan wuwusakěna de ning angulahakěn, těhěr humilangakěn pāpa pātaka ning ṡarīra.

Iti Agni rahasya paramajñāna homa sira, haywa akweḥ winaraḥ, bwat tan siddhi phalanya.

Mwah ikang mantra, A, ingiḍěp inganděgakěn ring hati, sira awak ing bāyu, unggwanya ring hirung těngěn. Ri wěkasan ikang mantra Ang turunakěn ring wunwunan, hawanana ring hirung kiwā, sira mawak agni, rūpa nira kadi damar tan pakukus, Ang sumalahêng pusěr ring Madhya.

Tělas ikang Ang pratiṣṭa ring Madhya ning pusěr, irikā kang citta pahěningěn, hiḍěp těḍun ka nābhi deṡa, ênak urub ning agni munggwing pusěr murub, katěngěr pahning ing satwa rajaḥ tamaḥ, ikā kângkěn kayu sangkane saking hati, lěbokakěn ring kuṇḍarahasya.

Wus samangkana, amūjā ring adhyâtmika pūjā tan pamantra, kewala manaḥ pinaka candana, manaḥ pinaka dhūpa dīpa, pinaka gañca, pinaka toya tarpaṇa, manaḥ pinaka puṣpa kěmbang, pinaka caru, pinaka sarwa wīja, pinaka pěhan miñak, pinaka samidha, haturakěna ring Sanghyang Agni. Sira mawak Ang Ma Ang, āditya munggwing těngaḥ ning hati, sira kahiḍěp sthaṇdhila. Sanghyang Āditya munggwing pusěr panggěsöng pāpa pātaka wighna doṣa palilangakěn.

Ri wěkasan Sanghyang Āditya parěk ning ṡiwadwāra, matěmahan wulan, ikang hati matěmahan ratna wiṡeṣa, yêkā ampru palingganya, sāri, sahomâdhyâtmika, amwaha wulan, Ang agni pradhāna-tattwa, Ong ratna, wulan, tunggalěn ring těngaḥ ning hati.

Anên wunwunan sungsang ardhacandra, windu nāda nira anungsang, ya amṛta tuměḍun maring ampru, pinaka lingga-lingga ring jro hati, salwir ing rāt kinahanan lingga. Iti lingga guhya pinědar ing watu, ratna, mās, kakayu, lingga wāhya ikā, pinghit dahat.

Akěḍik rasa ning brata, tatělu, tan krodha, tan kapêngin, tan prihatin, mangkana āmběk ikang brata, nihan kramanya. Ikang ajñāna kawaṡa de ning lupa, akweh ikang lunghā, akěḍik kang kari, pāpa ikā.

Suṣumnā ngaran turū, jāgra atangi, ri pantara ning tangi lāwan turū, ya ikā pasaran-saran, pênggih-ênggihan, ya pangalah-alahan, ya kāraṇa yajñan, paprangan sang ataki-taki nisparigraha, ya tika kawaṡakěna de sang magawe kajitêndriyan.

Ri těka ning harip mata, lunghānya, andělnya kawruhakěna těkap ing sang anuturi tapa, apan ikang turū wwang klang ning kamokṣan, ya têka Nandiswara Mahākāla, ya watu matakěp, ya têka patakěp ing ākāṡa lāwan pṛthiwī. Ikang patěmu ning tangi lāwan turū, pahawas ta denta sang asewaka dharma wruh irikā, haywa lamba-lamba, marapwan ênak denta umawak ikang kayogīṡwaran.

Nihan kramanya, yan wahu těka ning arip mata, dělěng tunggěng ikang ṡarīra, pahênak denta andělěng, sādhananta lit ning ajñāna. Ênak pwa denta andělěng, hilang arip mata de ning Samādhi mwang sahanan ning manaḥ pariwara kabeḥ.

Ri hilang ikā, wěkasan awakta manarawang kadi kukurungan, ri hilang ikā, dadi ta wěnang kita tumon awakta. Ya ikā kamokṣakan ngaran, ya wěnang anghilangakěn awakta, tan pawak kita tumona ring rāt, ya cihna ning kamokṣan ikā, ya tika wěnang atinggal ṡarīra ikā, ya tika mantuk ring parama sūkṣma, ya ikā Paramêṡora, ya ikā Iṡwara pradhāna sira.

Tělas pwang ṡūnya jñāna mangkana, sira Paramayogīṡwara, sira lěpas, sira wěnang mātya tan sangkan lara, ênak amangguḥ sūkṣma jñāna nira, sira sang mokṣa lěpas waluya lwir punarbhawa.

Iti rumuhun dělěng tunggěng. Hana panugrahan Bhaṭāra Akṣobya, yan kinawaṡa Samādhi nira awak Sang Yogīṡwara, kawaṡa apisan kalāwan pṛthiwī.

Hana panugrahan Bhaṭāra Ratnasambhawa, yan kinawaṡa Samādhi nira, awak Sang Yogīṡwara kawaṡa anjalantara apisan kalāwan we.

Hana panugrahan Bhaṭāra Amitaba, yan kinawaṡakěn Samādhi nira , awak Sang Yogīṡwara kawaṡa apisan lāwan teja, tan wiskaragino sěna.

Hana panugrahan Bhaṭāra Ṡrī Amoghasiddhi, yan kinawaṡakěn samādhi nira, awak Sang Yogīṡwara aḍangan kāya kapuk, Ang ring nābhi, Mang ring ṡiwadwāra, Sanghyang Amṛtakuṇḍalini, kawaṡa angganacāra apisan kalāwan bāyu.

Hana panugrahan Bhaṭāra Wairocana, yan kinawaṡakěn samādhi nira de Sang Yogīṡwara, awak Sang Yogīṡwara apisan kalāwan ajñāna, aturū pwa sira Bhaṭāra Sūkṣmaguru ngaran.

Yan těkêng pasaran-saran ring Sanghyang Ṡiwapati, sira acutyet ring Sanghyang Taya Antawiṡeṣa, ring jro ning windu paramaṡūnya ikā, ring wit ing hiḍěp.

Iti swarga pitu, haywa wera, haywa tan prayatna, kawruhi taya nira Bhaṭāra Guru umanděli sira. Alungguh angaděg, Bhaṭāra Paramêṣṭiguru ngaran, lumaku pwa kita, Bhaṭāra Adiguru ngaran, mangkana karma Sang Sādhaka.

Nihan rasaněn palêdan (paênak?), tunggal awaknya, ya ta pilihana palungguḥnya, sira saha dhyāna saprayoga sandhi. Huwus pwa kita malungguḥ, ênak sumimpěnakěna Sanghyang Hurip, apraṇāyama, ataya, hana bāyu bhīma ngaran, lwirnya, Recaka, Puraka, Kumbhaka.

Recaka ngaran, wětwakěn ikang bāyu rumuhun saking tutuk sahīnganya.

Puraka ngaran, wětwakěn ikang bāyu sakêng hirung sahīnganya hěntyakěna.

Kumbhaka ngaran, pěgěng ikang bāyu sakawěnang denta panguñci, wijilakěna maring hirung, irikā hiringěn bāyu kumbhaka, ping pitu diwasa ning angabhyāsakěna de ning anguñci.

Yan anghel mararyan, tuhu ikang citta haywa tumular, phalanya těḍuhan ing rajaḥ tamaḥ, prakāṡa ning satwa.

Gni akuñci lyan sakêrikā, (uměněng?) tan pâmběkan juga. Yan huwus ikang recaka, ikā rumuhun gawayakěna ikang kuñci rahasya, tutur juga gawayěn palěkasa, andělakěna ring kaḍali puṣpa. Yapwan hana kanděl irikā, karěti kang hati salěbět, těrus těkêng antaḥkāraṇa, ndi kāya kang sinangguḥ, mamūjāprāṇa ngaran ri sandhi jāti, wāhya tan kawaṡa lumakṣaṇa, kewala niṣkalajñāna.

Nihan tingkah ing Paṇḍita těka ning pāti, gěgěn tang kanirbāṇan, maka lakṣaṇa angghrāṇaṡika, sambut tang niṣkala-jñāna, moktakěna ng hatinta, apan ikang antahṛdaya sthāna ning niṣkala jñāna.

Tělas tang ātma mangkana, līna niṣkala ngaran, dwadaṡânggula sakêrikā. Huwus pwa siddha těka ring niṣkala, sira ta amiṡra lāwan Bhaṭāra Paramaṡiwa, maka sāri sirêng niṣkala, yan māti tan aglis, mangkana tingkah ira.

Mwah yan tan kawaṡa lumakṣaṇaha, kewala niṣkala-jñāna sambangakěn denta, siddha kita muliḥ maring Bhaṭāra Paramaṡiwa, niṣkala ngaran. Ikang ajñāna tan hana karasa, tan pawastu nirāwaraṇa, atiṡūnya taya, ikā niṣkala-jñāna ngaran, nirbāṇa ngaran, ṡarīranta ṡūnyakěna maka patitis angghrāṇaṡika ikang kanirbāṇan.

Nihan tingkah ing catur dikpala ngaran, pāt kweḥnya, lwirnya, Niṣpraha, nirbāṇa, sahaniṣkala, nirāṡraya. Ongkāra ma limpad ing trinaḍī, těḍunakěn ring windu nāda, těka ring padarahasya, ulihakěn ring Ongkāra mwaḥ.

Nihan swara ning dewa, Ang pasuke mwang swaranya ring dalěm, Aḥ mijilnya ring ṡarīra, wyaktinya de ning amrayogakěn Ang Ung Aḥ, pěsat ira Sanghyang Ātma Ong Aḥ Ang wali nira ring ṡarīra, de nira amratiṣṭa, pěgěng rakanta denta pralīnakěn, Ang hṛdaya, Aḥ jro ning mija. Saking ndi sangkane ? saking netra pawětu nira, nayana těngěn, nama netra kiwā, ngkāna siděm (siddhaṃ?), wěngi, tilěm ngaran Mastuna, rahina, pūrṇama ngaran. Hyang Iṡwara ngaran rahina wěngi.

yan ring ṡaṡiḥ dadi nira, kasa netra těngěn, ngkāna karo kiwā. Asuji karṇa těngěn, ngkāna kartika kiwā. Margaṡīrsa leng ing hirung těngěn, Poṣya kiwā. Margaṡīrsa tutuk, Phālguna bāyu, Caitra puruṣa, Nawadewatā ngaran. Ikang dewatā sira ingaranan bhūmi maṇḍala, windu sanga ring bhuwana ṡarīra. Ṥrāwaṇa, Hyang Iṡwara Hyangnya, Badrawada Hyang Wiṣṇu Hyangnya, Asuji Hyang Brahmā, Kartika Hyang Mahādewa, Margaṡīrsa Hyang Ṥangkara, Poṣya Hyang Mahêṡwara, Nāga Hyang Rudra, Phālguna Hyang Ṥambhu, Caitra Hyang Pramāṇa, Waiṡāka Deṣṭa Hyang Pṛthiwī, Asada Bhaṭāra Ṥiwa, sami gěněp rong puluḥ satahun ngaran, dadi daṡa sěngkěr, gěněp rahina wěngi.

Dadi Ongkāra, Hyang Brahmā mūla ning ṡāstra kabeḥ, hana swara wyañjana, a ā saking sūrya ngaran. i ī saking candra ngaran, u ū saking lintang ngaran, ṛ ṝ saking bangarabuda (ambuda?) ngaran.

Mětu ḷ ḹ saking Bhagawān Wṛhaspati, mětu ê ai saking Bhagawān Ṥukra, mětu o o(au?) saking Ṥaniṡcara, mětu Ang Aḥ saking rawu, mětu A U Ma, mětu saking Tāranggana.

Mijil anuswara ngaran, amijilakěn wyañjana, anuswara lan wisarga, Ang puruṣa, Aḥ pradhāna. Aputra sira lanang-istrī; i ī lanang-wadon, maputra sira o o lanang wadon, maputra ṛ ṝ lanang wadon, maputra ḷ ḹ, ê ai, dadi guru laghu.

Gumanti Ang, ya amārga dadi Ongkāra, Aḥ Sa otot rambut, ṛ daging, ê ai ardhanarêṡwarī, ta untěk, sami ring bhuwana ṡarīra. Ang Aḥ maputra swara wyañjana, dadi ka kha ga gha nga, rumasuki kāma ca cha ja jha ña, rudhira ta tha da dha na, otot ṭa ṭha ḍa ḍha ṇa, tahulan pa pha ba bha ma, walung ya ra la wa, dadi rāḥ satata.

Ajñāna mwang anta dadi swara wyañjana, mětu maka papada, anuswara lan wisarga, swara. Mětu ha na ca ra ka pa ja ya nya da ta sa wa la, panti ma gab a nga, dadi ṡāstra 18.

Dadi dūk nora ākāṡa lāwan pṛthiwī, wus hana ṡāstra hana ring gěbang, pur, ṡāstra hirěng ngaran. Wus hana langit pṛthiwī, wus hana ratu ring tan hana mabhāwa, aduwe sira mantra papāt, a a, i i, u u, o o, putra kabeḥ.

Panglaris, ṡaraṇa bañu hanêng ḍaḍasar hirěng, ma. Dadangan ṡūnya bubur bāyu ātma lunghā muliḥ-muliḥ maring tan hana, Ong sang prasama siddhi mārga rěngat, těka butul těka ěmbuk těka amoḥ, těka loñcer mukṣa hilang.

Waneḥ ṡaraṇa bañu hanêng kuñja, tinuruhakěn měněng ring hatine, ma. Ong sang prasta siddhi megha rěngat, těka butul těka ěmbuk, těka amoḥ, těka loñco dadangan, ṡūnya babu ātma lunghā maliḥ maring tan hana.

Iki panglěpas wěnang, ibu bhaktyani abhūmi aduwe ikā kabeḥ.

Panglaris, ma. Rěměki ṡarīra umor ring bāyu, langgěng ing rāga muliḥ maring tutur, ātma muliḥ maring hiḍěp, lěpas luput inucap, tan kěna ingiḍěp, Ang Aḥ, sama ring Paramaṡiwaparan.

Iti panglěpas ing wwang māti, ṡaraṇa lis 33, wīja kuning, ḍukut lěpas, haywa wera, kôttama ning panglěpas, wěnang tan awali janma. Rūpa ning ṡabda abāng, rūpa ning bāyu putiḥ, rūpa ning hiḍěp hirěng, ṡabda těka ring hati, bāyu těka ring wulupuhun, hiḍěp těka ring karṇa.

Unggwan Sanghyang Tunggal ring hati, Sanghyang Hurip ring ampru, Iṡwara pupusuḥ. Měḍale bāng ring cangkěm bāyu putiḥ ring leng ing hirung, hiḍěp hirěng ring mata.

Rasa ning ṡabda manis lwir madhu pinastika, rasa ning bāyu tikta tan pêndah antawali, rasa ning hiḍěp kadi gula drawa. Gandha ning ṡabda wangi, gandha ning bāyu pangus gandha ning hiḍěp měrik. Hurip ing ṡabda Sanghyang Gurupramāṇa Jāti, hurip ing bāyu Sanghyang Gurupramāṇa, hurip ing hiḍěp Sanghyang Pramāṇa Wiṡeṣa.

Nihan Aji Pasalahan rāga, ma. Astanya bapa ākāṡa babu pṛthiwī, ranak ira aminta asalaḥ rāga, rāga sumalah ātma malěsat anungkap swarga lěwiḥ.

Nihan mantra kalěpasan, ma. Ong pṛthiwī āpaḥ teja bāyu prakese.

Yan māti sumalaḥ ring kṣetra, ma. Ong āpaḥ teja datu prakese.

Yan māti sumalaḥ ring toya, ma. Ong teja datu prakese.

Yan māti sumalaḥ ring agni, ma. Ong byaḥ byaḥ taya, byaḥ byaḥ kiñcang.

Iki kalěpasan. Ekacāra, ekabhuwana, ekajanma, eka ātma, eka tunggal, Ong muryam.

Iki amārga anuju aněngaḥ. Hana luhur lor wetan cale cacenglak, anitihi swarga, cut puruṣa angaděgi nora.

Iki panglukatan ing walung kapāla. Galěmpung jur agalěmpung, lukatan ing roma, gěsaḥ tan pamārga wit ing tan katon, ping.

Iti panglěburan ing kawaḥ, rāga rusak kurungan mās wit ing tan katon.

Iti kamokṣan, kaki Bhagawān Surasara, bañcutěn ngon-ngonan ira, aja sira angwehi sangsāra.

Iti Pamañcutan ing kawaḥ.

Ong Sanghyang Giriṡraya, aja salaḥ dalan, adalan tungtung ing rambut ṡīghra pinara pitu, kuněr paran ira maring Hyang, titis ira maring Ratu.

Iti kalěpasan.

Ong gawoya mundar-mandir, mañjing-mijil paḍa anarawang kamokṣan, siddha prasiddha.

Iti kalěpasan.

Ong Sanghyang Jagat pramāṇa, aja sira salaḥ dalan, adalan ring wunwunan, kuněr paran ira maring Hyang, titis ira dadi ratu.

Iti kalěpasan.

Ong Sang Kingkara-bala, karěbana kawaḥ kawali nira, paḍa nira lumiwat kawaḥ, ātma swarga. Ong mūr hilang.

Iti pangurěb kawaḥ.

Ong Sanghyang Lingga pinaka miraḥ, lingga pinaka roma, ṡoca pinaka ulat-ulat, talinga pinaka papělik, cangkěm maka sasangu běkěl, kulit daging pinaka kasang, balung pinaka pikulan, usus pinaka tali, wětěng pinaka kěṇḍi, gětiḥ pinaka sěkar urā, lěpa-lěpa lěwiḥ lumaku tan panoliḥ Ong pas běng, 3.

Iti kalěpasan, kalěpasan ing kabeḥ.

Nihan lumiwati setra mwang ṡawa, ma. ṡūnya sangka nira, ṡūnya paran ira pěng. Ṥaraṇa dawun ing taru, yan sěpaḥ kunang.

Yan amanggiḥ walung ning wong sanggěnya mwang walung kapāla, ma. Aḥ walung kapāla kapo kita naraka, saḥ lalang. Ṥaraṇa dawun wěnang, yan sěpaḥ kunang. Ong mahasat mūr hilang. Iti kalěpasan katěmu ring pangipyan, uttama dahat.

Cut purucut pucuk ing hati, cut purucut bungkah ing hati, cut kacut malěcut saking pamiranten.

Kulit pisaḥ, otot pěgat, daging ajur, balung bubur, sumsum matěmahan arūm. Iti Aji Kamokṣan.

Mukṣa ngke ṡūnya hilang. Iti Aji Kamokṣan kapātin.

Taya namaḥ hilang hilang. Iti kalěpasan.

Bhāra sinyokan agni, anggen ambhaṣmi wong māti, hiḍěp agni mijil sakêng pādângguṣṭa, ma, Ong ujwala ujwala 3. Laju bhinaṣmi.

Iti Panggěsöng Boddha.

Panggěsöng, ma, Ong Ang astra Kalâgni Rudraya namaḥ, ilih-iliḥ de ning tangan kiwā 3.

Ma Ang Ung Mang. Iti Panggěsöng Ṥiwa.

Gurugu rubuḥ rāga rusaḥ, mūr saḥ těkêng kṣetra, taya anunggang garudā, kusuma akun mās, mangkana mūr manaḥ těka ring don.

Sūkṣma ring harěp ari-ari Sanghyang Mukṣaḥ Jatmika malěsat maring tan hana, mūr hilang tan pângga tan paṡarīra, lumaku tan padadalan, tumindak pisan těka wěkas ing apaḍang luhur ing tan hana. Iti kalěpasan.

Balung kapāla bubur matěmahan dadi bañu, bañu matěmahan dadi hin mukṣaḥ. Paměcaḥ rāga.

Sanghyang Mukṣa Jatmika malěsat maring tan hana, mūr amor ring nora. Iti kalěpasan kadharman.

Nihan Aji Sāri Kuning, pawaraḥ Sang Munīṡwara, ma, Ong Ong driya pratijña anrapakěn kawaḥ, hana ajinku sāri kuning anglěburakěn kawaḥ, mirah angěmu wintěn, wintěn angěmu miraḥ, jěg parining (pakrining?) nama swaha. Tělas haywa cawuḥ.

Ong Sanghyang Kingkara-bala, kurěbana kawaḥ kawali nira, paḍa nira lumiwat. Ong byaḥ byaḥ taya, byaḥ byaḥ kintang. Iti pangurěb kawaḥ.

Ong Ang Brahma dewataya namaḥ.

Ong Mang Iṡwara dewataya namaḥ.

Ong Ong Rudra dewataya namaḥ.

Iti pangrūg kawaḥ, ya ta urung pāpanta kabaktenana.

Lumah kang pṛthiwī, kumurěb kang ākāṡa atěmahan swarga meru mās tumpang sawělas aho.

Lěpas sira mangetan maring Bhaṭāra Iṡwara, adalan tinūt tutuṇḍan maṇik, ambal-ambalan salaka, aemper-emper aluluhur aulěs salaka, aulěs ulap-ulap lungsir putiḥ, lungsir abāng, lungsir kuning, lungsir maṇik, hana sira Sang Mahāṡakti kapanggiḥ.

Lěpas sira mangidul maring Bhaṭāra Brahmā, adalan lungsir wilis, auñcal-uñcal komala putiḥ, komala abāng, komala hirěng, ingayap anūt tutundan maṇik ambal-ambalan tambaga, maniḥ hana sira Sang Mahāṡakti kapanggiḥ.

Lěpas sira made ning Widyādhara-Widyādharī, ingayap de ning janma mānuṣa lěbak sěpaha, salakṣa limang iwu, gañjaran inghulun ambubutul kawaḥ. Iti pambutul kawaḥ, bua.

Angulon maring Bhaṭāra Mahādewa, hana dalan tinūt tutundan maṇik, ambal-ambalan mās maṇik, hana sira Sang Mahāṡakti kapanggiḥ.

Lěpas sira mangalor maring Bhaṭāra Wiṣṇu, hana dalan tinūt tutundan maṇik, ambal-ambalan maṇik kṛṣṇa, hana sira Sang Mahāṡakti kapanggiḥ.

Lěpas sira ring sor maring Bhaṭārī Pṛthiwī, hana dalan tinūt tutundan maṇik, ambal-ambalan suntagi maṇik, hana sira Sang Mahāṡakti kapanggiḥ.

Lěpas sira maring luhur maring Bhaṭāra Ṥiwa, hana dalan tinūt tutundan maṇik, ambal-ambalan suntagi maṇik, hana sira Sang Mahāṡakti kapanggiḥ. Iti kalěpasan haywa wera.

Iti wangsiting syap putiḥ mataluḥ di yeḥ měmbaḥ, matan ai mangatěhang, bulan mangěhěmang, Sanghyang Manon apangasthāna ring bhrūmadhya dūk anunggal, apan sira wěnang anon, mawak wiṡeṣa ring bhrūmadhya, jāgra mwang angipi mūla sakêng bhrūmadhya. Yan těka ning agring, panděngěn tungtung ing ghrāṇa den aběněr, tunggalakěna tang bāyu akṣi kaliḥ, hiḍěp muliḥ maring bhrūmadhya.

Yan katon murub awali-wali, durung masa ning pāti, yan katon pawali mwaḥ, māti kita, tělasakěna ikang pratingkaḥ, larisakěna pěpětěn ring kaṇṭa, amārga ring bhrūmadhya, tan suwe kita māti, pinghitěn haywa wera. Unggwan ira Sanghyang Ātma ring bhrūmadhya, kāraṇa ning katon murub awali-wali pawakan ira, tělas. Haywa wera.

Nihan krama ning amuja ring kumbha angagěm sěkar, mantra ; Ong ksama swamam Mahadewa, sarwa prani itangkaram, mamoca sarwa pape byoh, palayaswa sadāṡiwa.

Tulisi Ongkārâkṣara ikang we, ma ; Ong Hrang Hrang sawosat Paramaṡiwâmṛta ya namaḥ.

Ngaskara ikang we, ma ; Ong Hrang Ang Ing saḥ,  , Ang Ung Mang Ing swasti swasti kṣring kṣring ya wa ṡi ma na i ba sa ta a, butiḥ butiḥ bhur bhwaḥ swaḥ swaha.

Ong Ang Ing Ung Wyeng Mang Wyang Ping Neng. Om Ong I A Ka sa ma ra la wa ya. Ong namo namaḥ swaha.

Ikang dewapratiṣṭa hiḍěpěn arddhanarêṡwarī, ma ;

Ong Hrang Hrang saḥ paramaṡiwâditya ya namaḥ. Om Ong padmâsana ya namaḥ. Om Ong dewapratiṣṭa ya namaḥ. Ong hrang hring saḥ Parama Ṥiwâditya ya namaḥ. Ong Ang Ganggaye namaḥ. Ong Ang Saraswatye namaḥ. Ong Ang Sindu ya namaḥ. Ong Ang Wipasa ya namaḥ. Ong Ang kosiko namaḥ. Ong Ang Yamuna ye namaḥ. Ong Ang Saraywe namaḥ.

Udakañjanli, ma ; Ong Ang kang kasolkaya namaḥ. Ong Grang sama karaṇa ya namu namaḥ swaha.

Pangpadya, ma ; Ong pangpadya ya namaḥ.

Wasuḥ suku, ma ; Ong Ang argya dwaya namaḥ.

Wasuḥ tangan, ma ; Ong Jang jiwa suddha ya namaḥ.

Kakěmuḥ, ma ; Ong Cang camani ya namaḥ.

Arahup, ma ; Ong Grang Ṥiwa griwa ya namaḥ.

Kajamas………

Utpatti, ma ; Ong I Ba Sa Ta A. Ong Ya Na Ma Ṥi Wa. Ong Mang Ung Ang namaḥ. Om Ong dewa pratiṣṭa ya namaḥ.

Kuṭa mantra. Ong Hrang Hring Paramaṡiwâditya ya namaḥ.

Sthiti, ma ; Ong Sa Ba Ta A I Na Ma Ṥi Wa Ya. Ong Ang Ung Mang namaḥ. Om Ong dewa pratiṣṭa ya namaḥ.

Sangkěpi gandha, ma ; Ong Sri Gandhêṡwaryaměrtêbyo namaḥ swaha.

Wīja, ma ; Ong kung kumara wijaya namaḥ.

Puṣpa, ma ; Ong puṣpa danta ya namaḥ.

Dhūpa, ma ; Ong Agni ragni jyotiḥ jyotiḥ swaha. Ong dhupam samar payamam.

Pasang tang saptôngkāra, ma ;

Ong Ong Paramaṡiwa ṡūnyâtmane namaḥ.

Ong Ong Sadāṡiwa niṣkalâtmane namaḥ.

Ong Ong Sadārudra atyatmane namaḥ.

Ong Ong Mahādewa niratmane namaḥ.

Ong Mang Iṡwara paramâtmane namaḥ.

Ong Ung Wiṣṇu antarâtmane namaḥ.

Ong Ang Brahmâtmane namaḥ.

Uniakěn stawa Bhaṭāra, ma ;

Ong praṇamya baskara dewyam, sarwa kleṡa winaṡanam, praṇamya aditya sewartam, bhukti mukti warama pradam. Ong Gangga Saraswati sindu, Wipasa Kosikinadi, Yamuna mahatis sresta, Sarayusca Mahanadi. Ong Gangga sindu Saraswati, Yamuna Godawari narmada, Kaweri Sarayu mahendra, Mahasuranadikya, tañcaya gandaki, puṇya purṣime. Ong mětung saḥ wosat mṛtyuñjaya nama swaha dosat. Sma.

Ong mṛtyuñjayasya dewasya, yonamamyami kitayet, sanggrama wijayi bhawet. Ong atma tatwatma ṡuddhamam swaha. Ong prathama ṡuddha trtiya ṡuddha, caturti ṡuddha ṡuddha pariwastu. Ong ayu wṛddhi ayu wṛddhi. wṛddhi prajña suka ṡriya, dharma Santana wṛddhisya, santate sapta hṛdaya. Ya tame rostito dewaḥ, yawat Gangga mahitale, candrako gagane tawat, tawat twa wijayi bhawet. Ong dīrghâyu rastu tatastu astu. Ong agnim astu tatastu astu. Ong ṡubham astu tatastu astu. Ong sukam Bhawantu. Ong purṇam bhawantu sapta wṛddhi astu.

Sangkěpi kadi ngūni sapatanganan, tělas ing akārya toya.

Jalek samudra sahitang kurwanti we manggalam.

Ong apsu dewo sawitrani, Gangga dewi namostute, sarwa kleṡ winaṡanam, toyenam parisuddhyate, sarwa papa winaṡanam, sarwa roga wimocane, sarwa kleṡa winaṡanam, sarwa bhoga mawanuyap.

Putěr toya iděr těngěn, ma ;

Ong Bhur bhwaḥ swaḥ swaha, Mahaganggaye tīrtha pawitra ning swaha.

Sangkěpi gandha, ma ; Ong gandham samar payam.

Wīja, ma ; Ong satam samar payam.

Puṣpa, ma ; Ong puṣpa samar payam.

Dhūpa, ma ; Ong agni ragni jyotiḥ swaha. Ong dhūpam samar payam.

Patatanganan, tibāni kang toya kalpika, kěmbang wangi kunang, ma ; Ong Ong i a ka sa ma ra la wa ya wung namo namaḥ swaha. Ong Ong kurmeda jaye jiwak ṡarīra rakṣan dada.

Sirati Sanghyang Ṥiwâditya toya astra mantra sādhana.

Ong Ung rah pat astray namaḥ. Ong atma tatwatma ṡuddhamam swaha.Ong Ong kṣama sampurṇaya namaḥ swaha. Ong Ṥrī paṡupataye Ung Pat. Ong ṡryam bhawantu. Ong pūrṇam bhawantu. Ong sukam bhawantu.

Patatanganan udakañjali, ma ; Ong Ang Kang solkaya namaḥ. Ong gring nama karaṇa ya namu namaḥ swaha.

Pangpadya angañjali ri jöng Bhaṭāra Ṥiwâditya sahapuṣpa, ma ; Ong Rādityasya paran jyoti, rakta teja namostute, ṡweta pangkaja madhyasthe, baskara namo namaḥ.

Salahakěna kang sěkar, ma ; Ong Hrang Hring saḥ Paramaṡiwâditya ya namaḥ.

Malih sěmbah angaturakěn toya, ma ; Om Ong e i sūrya sahasesu, tejorase jagatpate, anukam payam bhaktyam, grahi amandiwangkara namo Namaste.

Salahakěna kang sěkar, ma ; Ong Hrang Hring saḥ Paramaṡiwâditya ya namaḥ.

Tarpaṇa Sanghyang Ṥiwâditya sakabwatan, ma ; Ong Ang ṡuklye namaḥ. Ong Ang kasnye namaḥ. Ong Ang bhaktye namaḥ. Ong Ang jambikaye namaḥ. Ong Ang sarwa dweibyo namaḥ swaha. Ong Ang Rěṣibyo namaḥ swaha. Ong Ang pitrebyo namaḥ swaha. Ong Ang saraswabyo namaḥ swaha. Ong Ong Ṥiwâmṛta ya namaḥ. Ong Ong Paramaṡiwâmṛta ya namaḥ. Ong kṣmung Ṥiwâmṛta ya namaḥ.Ong kṣmung Sadāṡiwâmṛta ya namaḥ. Ong kṣmung Paramaṡiwâmṛta ya namaḥ. Ong Ong Ganggâmṛta ya namaḥ. Ong Ong candrâmṛta ya namaḥ. Ong Ṥiwa ṡuddhamam swaha. Ong swati ṡuddhamam swaha. Ong Hrang Hring saḥ Paramaṡiwâmṛta ya namaḥ.

Sangkěpi toya, ma ; Ong toyam payam.

Gandha, ma ; Ong gandha samar payam.

Wīja, ma ; Ong satam samar payam.

Puṣpa, ma ; Ong puṣpa samar payam.

Dhūpa, ma ; Ong agni ragni jyotiḥ swaha. Ong dhūpam samar payam.

Sapatatanganan aněmbaḥ kuṭa mantra sapatanganan, ngakṣama de ning jagatnātha, ma ; Ong kṣama swamam jagatnātha, sarwa pāpa nirantaram, sarwa kārya midandehi, praṇa mami surěṡwaram, twam suyatwam Ṥiwakaraḥ, twam Rudro ahning lakṣaṇa, twangi sarwa gata karaḥ, pāpa kārya prajayate. Kṣama swamam mahāṡaktyam, tyastěṡwarya guṇâtmakaḥ, nasayet satatam pāpam, sarwa loka darpana nama swaha.

Sangkěpi kadi ngūni saha patatanganan, aminta panugrahan ring Bhaṭāra, ma ; Ong Anugraha manoharam, dewadatta nugrahakam, yarcanam sarwa pujanam, namaḥ sarwa nugrahakam, dewa dewi mahasiddhi, yajñikatam mulat midam, lakṣmi siddhirca dīrghâyuḥ, nirwighna suka wṛddhitaḥ. Ong Grang anugraha arcanaya namo namaḥ swaha. Ong Grang anugraha manohara namo namaḥ swaha. Ong Grang paramantyeṣṭi namo namaḥ swaha. Ong antyeṣṭi paramam pinam. Ong antyeṣṭi dewa maṡritam, sarwêṣṭi êkasthana sarwa dewa suka pradhana anmo namaḥ swaha.

Sambut dharma jāti, japa. Ong Ang pradhana puruṣaya, sangyogaya windu dewaya, boktra jagatnāthaya, dewa dewyadi sangyogaya, Paramaṡiwa ya namaḥ swaha.

Sangkěpi patatanganan, pahênak dhyānanta tinūt ing sapralīna, haywa wera haywa cawuḥ, ila-ila tan amanggiḥ warânugraha.

Sirati ṡarīranta toya, astra mantra sādhana, mantra anicip toya ; Ong Ong kurneda jaye. Tutukěna.

Astra mantra patatanganan ; Ong Ung rah pat astray namaḥ swaha. Ong Ong kṣama sampūrṇa ya namaḥ swaha. Ong atma tatwatma ṡuddhamam swaha. Ong naraca mudraya namaḥ. Ong Bang netra ya namaḥ. Ong astrâmṛta mudra ya namaḥ.

Aniratakěn toya, ma ; Ong Ung raḥ pat astray namaḥ. Ong atma tatwatma ṡuddhamam swaha. Ong Ong kṣamam sampūrṇa ya namaḥ swaha. Ong Ṥrī Paṡupataye Ung Pat. Ong Hrang Hring saḥ Paramaṡiwâditya ya namaḥ swaha.

Tingkah ing akārya toya pabrěsihan, angarěpakěn paṡocan, angagěm sěkar lan candana inasaḥ, mwang wīja pinge kang utuḥ, ma ; Ong Gangga Saraswati sindu, wipasa kosika naḍi, Yamuna mahatiṡresta, Sarayuṡca Mahanaḍi, sarwa pāpa winaṡanam, sarwa roga wimocane, sarwa kleṡa winaṡanam, sarwa bhoga mawapnuyap.

Putěr ikang toya iděr těngěn ping tiga, ma ; Ong Bang Braḥ swaha, mahaganggaye tīrtha pawitra ning swaha.

Tibāni candana, ma ; Ong ganam samar payam.

Tibāni wīja, ma ; Ong satam samar payam.

Tibāni puṣpa, ma ; Ong puṣpa samar payam, Ong tapsu dewo pawitrani, Ganggadewi namostute, sarwa kleṡa winasanam, toyena pariṡuddhyate.

Siratakěna ikang toya ring ṡiwadwāra ping tiga, mantra ; Ong Ong Ṥiwa nirmala ya namaḥ swaha.

Anicip toya, ma ; Ong Ong kurmeda jaye jiwat ṡarīra rakṣan dadasime, Ong mětung sawosat mṛtyuñjaya namaḥ swaha. Wosat.

Arahup, ma ; Ong Ong waktra pariṡuddhamam swaha.

Nihan karma ning aṡuci, salwir ing katarima lamun kang pawitra, makâdi yan tambaga, asahana den abrěsiḥ, isenana toya kang pūrṇa, haywa arang toya kang pawitra, toya ring kukucur mwang toya umili kunang lamun pawitra.

Harěpan ing aṡuci marěp mangetan, mangalor, mantra saskara toya ; Ong Gangga Saraswati sindu, wipasa kosiki naḍi, Yamuna mahatiṡresta, Sarayuca mahanaḍi.

De ning amantrani kang we putěrakěna ping tiga iděr těngěn, ma ;Ong Bhur bhwaḥ swaḥ, mahaganggaye tīrtha pawitra ning swaha.

Sahuri kěmbang awangi, labuhana candana ingasaḥ, mantra ; Ong ṡri gandhêṡwara amṛtabyo namaḥ.

Labuhana běras pinge, ma ; Ong Kumara wijaya namaḥ.

Labuhana sěkar, ma ; Ong puṣpa danta ya namaḥ. Mangkana kramanya.

Anuli rahupakěna, siratakěna ring wunwunan ping tiga, ma ; Ong Ṥiwaswa ya namaḥ swaha.

Ring karṇa kaliḥ, ring hirung, ring tutuk, ring bāhu kaliḥ, ring kaṇṭa, ring hati, ring pusěr, ring griwa, ring pāda kaliḥ, kabeḥ paḍa siniratan bañu, maka sādhana kěmbang. Yan lampěs, yan sěmi ning maja, makâdi yan kěmbang awangi.

de ning aniratakěn, usapi sěkar tangan ira těngěn, mantra ; Ong ṡuddhamam swaha.

Maring tangan kiwā, ma ; Ong ati ṡuddhamam swaha. Karaṡoddhana ngaranya, phalanya asing camaḥ ginaměl tan rakět ring tangan.

Mwah aniratakěn bañu ring Sanghyang Sūrya, angaturi tarpaṇa ring Sanghyang Āditya ngaranya, maka sādhana sěkar waduri, lampěs. Maja satagandha wīja, saha sěmabaḥ ring Bhaṭāra Ṥiwâditya, ma ;Ong Ong e i Sūrya sahasro tejorase jagatpate anukam payam, bhaktyamṛta manan diwangkara namo Namaste.

Iki Sūrya sewana, těhěr aněmbaḥ mwah angaturakěn kěmbang pinge, sěkar wangi maja lampěs, waduri, sahana ning sěkar, sabhāgya yan hana awangi, aturakěa ring tangan kaliḥ, karayan bañu sangganěn, hiḍěp katur ring Bhaṭāra Ṥiwâditya. Tělas ikā aněmbaḥ, mantra ; Ong karatmane mantram hṛdaya sunirmala, siddhi yogīṡwaranam, Hrang Hring sah mantra murtam drata jala jakaram, rakta warṇa pradīptam, bhawe sūrya pinirět sarasija bhawanam, sarwa toyam sakala guṇa niděm, sarwa datana mami.

Mangkana linganta aněmbaḥ ring Sanghyang Ṥiwâditya, hiḍěp sira umungguḥ ring hatinta, malinggih ring padma hṛdaya, pratiṣṭa sira irikā, tan wanggalakěna ring ṡarīranta, sira wyāpaka pinaka jīwa ning rāt kabeḥ.

Nihan de ning amratiṣṭa, maka sādhana ěmpol-ěmpolan ing tangan mwang tuding angagěm kěmbang, tuduhakěna ring paraḥ-parah ing hati, ring palinggihan Bhaṭāra Sūrya, ma ; Ong Ong dewa pratiṣṭa ya namaḥ Ang Ong Mang.

Mangkana lingan ing mantra pangabhaktyan ring sira, mangkana kapiyosan ing ṡarīra.

Dyusi ikang bhasma, yan candana kunang, mantra ; Ong Sa Ba Ta A I Na Ma Ṥi Wa Ya, A U Ma Ong. Bhasmakěna ring ṡiraḥta, ring rahi, ring bāhu kaliḥ, ring tungtung ing rambut, ring tunggir, ring mūlakaṇṭa, ring karṇadwaya.

Malih aněmbaḥ ring Sanghyang Sūrya saha puṣpa, ma ; Ong Hrang Hring saḥ Paramaṡiwâditya ya namaḥ.

Wus mangkana, tatkāla ning amiyos haywa kataman talutuḥ ring hati, hěning sadā ring sěḍěng ing amiyos, kewala ṡuddha suka, yêkā samāhita ngaranya. Dulurana āmběk bhyāsaněn sabran dina amarěngana wijil ira Sanghyang Sūrya, haywa alět, malar amanggih hěning ing kapātin yan těka ning kapātinta ring těmbe, mwang amanggiḥ sih ira Bhaṭāra sakala mangke.

Mangkana tutur ira sang harěp ring tutur rahayu, bhyāsaněn sangka ring hurip, haywa angaku yan wruḥ putus, haywa angaku yan wus wěnang. Apan Bhaṭāra tan hana kawastu, tan hana wruḥ ring rūpa nira, sarūpanta ya rūpa Bhaṭāra amor ring akeḥ. Hetunya piniyos ring awakta sabran êsuk, mapan ring awak unggwan ira asiluman, aling-alingan ing pañcêndriya, den měngět, ya amantra, yan sang minantra. Apan yan hilang ikang Bhaṭāra měne, tan hana mantra ring kita. Hetunya kāla ning mahurip haywa tan wruḥ ring mantra, haywa tan amiyos, haywa tan bhakti ring hyang kang hanêng dalěm ing ṡarīra.

Yan tan hana Bhaṭāra, tan hana bheda ning janma lāwan sarwa sato, apan paḍa kinahana ning pāti-hurip ring sarāt. Matangyan sang mahyun aprayoga bheda ning sarwa janma lāwan sarwa sato, kinahana ning mantra piyos, japa yoga samādhi. Ikang janma wruḥ ring hěning ing ṡarīra, atutur ring brata mwang tapa, yêkā tapa ngaranya.

Matangyan sinangguḥ wong, ngaran Ongkārâtma, yêkā pinūjā ring awak katuturakěna. Yan wruḥ ring kapūjān ing ṡarīrâtmaka, ya wong ngaranya.

Yan tan wruḥ, yêkā janma iwěng-iwěng ngaranya, ya ta cetana ngaranya, tan hana citta ning janma mangkana, norâna tutur iriya, tan hana lwiḥnya lāwan sato, apan pangangěn-angěn sato, amangan anginum bañu, asanggama maturū, tan hana ng brata, tan hana ng tapa, tan hana ng mantra piyos, tan hana ng japa yoga samādhi, makâdi tutur rahayu samāhita ring Bhaṭāra Hyang. Matangnyan kita sang mahyun ring ajñāna rahayu, haywa tan angawruhakěna pūjā, uttama těměn ikā.

Niṣṭanyan mangkana ikang brata, ndan ikā haywa malětuh ikang āmběk, haywa mithyā buddhi ri tatkālanta mangangěn-angěn brata, haywa cawuḥ, haywa wera, rahasya těměn. Yan karākṣa ikang brata denta, tan kataman wighna ning ṡarīra, maka jñāna buddhi mauttama, malilang mahning nirāwaraṇa tan pagělěḥ-gělěḥ, tan karakětan ring karṇaṡūla mwang tang rajaḥ tamaḥ, ikā ta mandadyakěn suka swarga magöng těmbe, nguniweḥ ajñāna wiṡeṣa, wruḥ ring karma sowang-sowang.

Nihan camaniwadikrama, awasuḥ suku rumuhun, awasuḥ tangan, akakěmuḥ, ma ; Ong Ung rah pat astray a namaḥ. Sěma.

Tutupi lyang ikang paṡucyan ring anggulâgra, ma ; Ong Hrang Hring saḥ Paramaṡiwa ya namaḥ. Ong kṣmung Sadāṡiwâmṛta ya namaḥ. Ong Hrang Hring saḥ.Ong Mang Ong swasti kṣang kṣang ya wa ṡi ma na i a sat a ba, bhukti mukti bhur bhwaḥ swaḥ. Ong Ang Ong Ong wyong ping neng a na(ka?) sa ma ra la wa ya, Ong namo namaḥ swaha.

Tělas arahup angaturi tarpaṇa ring catuspadya, mantra ; Ong Ang ṡuklye namaḥ.

Êsuk tattwa nika ; Ong Ang batye namaḥ.

Těngange tattwa nika ; Ong Ang kasnye namaḥ.

Sore tattwa nika ; Ong Ang Lambikaya namaḥ. Těngaḥ wěngi tattwa nika.

Mwah aniratakěn we ring harěpta, ma ; Ong Ang Rěṣi sanggyebyo namaḥ swaha.

Ring těngěnta ; Ong Ang pitrě sanggyebyo namaḥ swaha.

Ring harěpta ; Ong Ang Saraswatibyo namaḥ swaha. Ring urinta.

Tělas ta anggawa ring tanganta kiwā, siratakěna ring wunwunan ping tiga, ma ; Ong Hrang Hring saḥ wotat namaḥ. Ong kṣmung Sadāṡiwa ya namaḥ. Ong ṡūnya ya namaḥ.

Mwah añiratakěn we ring pāt ri arah-araḥ Sanghyang Āditya, mantra kadi ngūni ; Ong Ang Rěṣi sanggyebyo namaḥ swaha.

Těngěn saking sira ; Ong Ang pitrě sanggyebyo namaḥ swaha.

Ka kiwā saking sira ; Ong Ang dewa sanggyebyo namaḥ swaha.

Kang harěp saking sira ; Ong Ang Saraswatibyo namaḥ swaha. Kang uri saking sira.

Mwah añangga we ring tangan kiwā, siratakěna ring tungtung ing rambut ping tiga, ma ; Ong Hrang Hring saḥ wosat namaḥ. Ong Paramaṡiwâditya ya namaḥ. Ong ṡūnya ya namaḥ.

Mwah añangga we ring tangan kaliḥ, haturakěna ring Sanghyang Āditya, ma ; Ong tapwir tutarenam, barge dewasyadi mahi, tano Rudra prahodapat.

Tělas abhasma, dělěng tibasma, ma ; Ong Nang netra ya osat, tatap sahamantra. Ong Hyang kawaka ya Ung.

Abhasma ring rahi, ring bāhu kaliḥ, ring gigir, ring hṛdaya, ring ṡiraḥ, ring wunwunan, ring tunggir, ring talinga kaliḥ, ma ; Ong Ung rah pat astray a namaḥ.

Kang gaṇitri, ma ; Ong wiralingga ya namah.

Astuti nira ring Sanghyang Āditya, ma ; Ong Sūryaṡca mamanaṡca manapateṡca, mana kṛtebyo pāpa rasantěm, pāpa karasya, sasneto mudaliye kiwandaritam, mahijati satyam sūrya jyoliḥ, paratma rupandehi bhumi swaha. Iti Sūryasewana, haywa wera mwang cawuḥ.

Tingkah ing adyus asugi, ma ; Ong Ong waktra pariṡuddhamam swaha.

Asiram, ma ; Ong Ong Parama Ganggamṛta, ṡarīra pariṡuddhamam swaha.

Ausuan, ma ; Ong Jalena, ṡarīra pariṡuddhamam swaha. Tělas.

Madahar, ma ; Ong atma tattwatma ṡuddhamam swaha. Ong Ang kṣama sampūrṇa ya namaḥ.

Acaru, ma ; Ong bhuta petrebyo swadha, suka sarwa bhuta ya namaḥ.

Mantra ning susur, ma ; Ong ṡrī batrisa yogini namaḥ swaha.

Yan akramas, ma ; Ong gagana murtaye namaḥ.

Asusuri, ma ; Ong sarwa dewibyo namaḥ.

Yan akěmbang, ma ; Ong mahapuṣpa ya namaḥ.

Nihan karma ning aṡewarātri, gělarana anantasana, padmâsana dewapratiṣṭa, ma ; Ong anantasana ya namaḥ. Ong padmâsana ya namaḥ. Ong dewapratiṣṭa ya namaḥ.

Anuli utpattyakěn Bhaṭāra saking hṛdayanta, ma ; Ong Mang Ang Ung namaḥ.

Hiḍěp Bhaṭāra munggwing lingga, pūjāni wīja candana saha sěmi ning maja mwang sěkar, tumuli sthityakěna munggwing lingga, ma ; Ong Ang Ung Mang namaḥ.

Pūjā rwan ing maja mwang sěkar kabeḥ, saha wīja gandha dhūpa ghanta mwang gaṇitri, praṇāyama saha sěmbaḥ lingganta, ma ; Ong lingga lingga dipataye namaḥ.

Aturakěna gandhâkṣata mwang sěkar, dhūpa dīpa, caru raka woḥ-wohan, sěḍaḥ wong, ma ; Ong Ong Ṥiwa niwedyañca rundadami amṛtatmakam, grahni swa swa namaḥ swaha.

Pūjā ping tiga, ma ;Ong Ong linga linga dipataye namaḥ. Ong Ṥiwalingga ya ṡewaratri.

Maka sādhana ning amūjā yan sore, ma ; Ong Ong atmalingga ya namaḥ.

Yan ing těngaḥ wěngi, ma ; Ong Ong lingga lingga dipataye namaḥ swaha.

Yan meḥ rahina, ma ; Ong Ong ṡūnya Ṥiwalingga ya namaḥ.

Iti maniḥ tingkah ing aṡewarātri, angabhakti maring ḍěngěn, ma ; Ong kung kumara ya namaḥ.

Ring Paibon, ma ; Ong gěmung gaṇapatiye namaḥ. Ong gajêndramuka pataye namaḥ.

Ring sanggar, ma ; Ong gěmung gurupādukebyo namaḥ.

Luhur ing sanggar, ma ; Ong Hrang Hring saḥ Ṥiwalingga ya namaḥ.

Tamběhi majapatra munggwing toya, těhěr angghrāṇaṡika tang hasta, ma ; Ong Ṥiwalingga ya namaḥ.

Nihan mantra ning alabuhan lamun abrata, ma ; Ong iskara ṡabda Bhaṭāra, iskara ṡabda Bhaṭārī, iskara ṡabda sang mêngět. Ong Sa Ba Ta A I Na Ma Ṥi Wa Ya.

Harěpan ing alabuhan; yan Pahing marěp mangidul, yan Umanis marěp mangetan, yan Pon marěp mangulon, yan Wage marěp mangalor, yan Kaliwon marěp mangetan, mangkana kramanya.

Yan abhakti ring Pṛthiwī mwang añapu kunang, mantra ; Ong Ṥri Wasundari Mahādewi, sarwa jiwa amṛta ya namaḥ.

Yan aněmbaḥ ring sanggar, ma ; Ong Ṥri Mahādewa, ya namaḥ, Ang Ung Mang.

Yan abhakti ring pagěnen, ma ; Ong namo agni ya namaḥ swaha.

Yan angamongi samidha, ma ; Ong Brahma sukayawe namaḥ swaha. Ong tīrtha jati waluya jati atěmahan jati, siddhir astu dīrghâyuṣa paripūrṇa ya namaḥ swaha.

Iti pasiraman, haywa wera poma.

Kelaṡa wasodewaṡca, sakala wiswa dewaṡca, niwata ya namu namaḥ swaha.

Iti astute ring Bhaṭārī Pṛthiwī

Astuti ring Bhaṭāra Guru, ma ; Ong Guru paduka pujantu, sarwa dharma purasara, widyate yoginaḥ mantra mantrewite. Tělas.

Haywa wera poma.

Ong Tatpuruṣa ya namaḥ. Duhur.

Ong Ang ghora ya namaḥ. Ring ḍaḍa.

Ong Bang netra ya namaḥ. Ring netra.

Ong rung rah pat astra ya namaḥ. Ring karṇa.

Ong Bur bhwaḥ swaḥ ya namaḥ. Ring tungtung ing rambut.

Taya namaḥ hilang mukṣaḥ ṡūnya hilang. Kalěpasan.

Mantra ning angucul pustaka, ma ; Ong awighnam astu namaḥ siddham. Ong dharma siddhi swaha.

Iti tingkah ing aturū lěkasakěna sabran, lāwan pramāṇakěna haran ira, lima kweḥnya, Ātma manon, parâtma pangrěngö, antarâtma ṡabda, sūkṣmâtma kakětěg, nirātma panulung ning hiḍěp. Iki tinanggapakěna de sang asewaka dharma katěmwan ing tunggal.

Nihan pangiḍěpan nyama ngaran. Hiḍěp I Sugyan ring arěp, I Alang ring uri, I Abra ring kanan, I Kered ring kêri. Yan mangajak barěng, saparane ajak, muñinin kadi ng arěp. Yan sakit gělěm, ya muñinin. Da maibukan ring jro rājya, pang patuḥ mañama 3. Reh asěp měñan tigang pulung, mamuṣṭi ngarěpin asěp, haywa cawuḥ.

Yan arěp kita wruha ri meḥ těka ning pāti, angaděg kita ring natar sěḍěng těngange, dělěng ikang tawang sapucang haywa kuměḍap. Yan hana katon hirěng sacakra ning gilingan, gumantung sawatara patang ḍěpā doḥnya, patang wulan ikā těka ning pāti.

Yan sawatara tigang ḍěpā doḥnya saking awakta, salek wěkas ing pāti. Yan meḥ rapět ring rahinta, měne kita māti. Yan nora katon, haywa kita sangṡaya, paripūrṇa Sanghyang Hurip, těngěran ṡubha wiṡeṣa.

Maniḥ yan arěp kita wruha ring Pañca wara ning pātinta, angaděg kita ring těngah ing natar sěḍěng těngange tukupi matanta kiwā-těngěn, dělěng Sanghyang Diwangkara. Yan gěmpil wetan, umanis těka ning pāti, yan gěmpil Kidul, Pahing těka ning pāti. Yan gěmpil Kulon, Pon těka ning pāti. Yan gěmpil Lor, Wage těka ning pāti. Yan kumuruwung, Kaliwon těka ning pāti. Yan katon utuḥ, haywa sangṡaya, paripūrṇa Sanghyang Hurip, těngěran Sanghyang Āditya deṡa warṇa.

Yan arěp wruha ring rahina-wěngi ning pātinta, mangaděg kita ring natar sěḍěng těngaḥ wěngi, kêngětakěna swabhāwa ning bāyunta. Yan adṛs ring těngěn, isěp saking hirung kiwā, Sanghyang Bāyu pěgěngěn sakawaṡa, wijilakěn saking tutuk. Yan adṛs ring hirung kiwā, isěp saking tutuk, Sanghyang Bāyu pěgěng sapaměgěng, wijilakěn saking hirung Sanghyang Bāyu haywa adṛs. Kêngětakěn swabhāawa ning bāyunta.

Yan pěpět hirungta karo, ring těngaḥ wěngi kita māti, yan pěpět těngaḥ wěngi, êsuk kita māti, yan paganti wětunya bāyunta, nguniweḥ yan adṛs karo, haywa sangṡaya, paripūrṇa Sanghyang Hurip, těngěran Sanghyang Trisamaya.

Yan arěp kita wruha waspada ning pāti, mangaděg kita sěḍěng těngaḥ wěngi, tukupi talinganta karo, rěngwakěn ṡabda ring talinganta. Tag teg gong sek, yan mangkana ṡabda ning jro talinganta, Hyang ing rambut sira anangis, patang wěngi kita māti. Yan kadi lěmbu agalak swaranya karěngö ring jro ning talinganta, Hyang ing wunwunan sira manangis, tigang wěngi kita māti.

Yapwan hana kadi ṡangka anguwuḥ karěngö ring jro ning talinganta, Hyang ing kapāla sira anangis, rong wěngi kita māti. Yan hana gěnta rasa karěngö ring jro ning talinganta, Hyang ing untěk sira manangis, sawěngi kita māti, Yan ṡūnya nora hana karěngö, wus akěkěs Sanghyang Pramāṇa, měne kita māti. Yan gumarěběg swaranya kadi pralagi, haywa kita sangṡaya, paripūrṇa Sanghyang Hurip. Iti patěngěran Pañcâkṣara, haywa wera haywa bucecer, pinghitakěn ring jro pangrasa, ila-ila kajarnya.

Yan arěp kita wruha ring kamūlan ing ṡarīra, pṛthiwī, āpaḥ, teja, bāyu, ākāṡa, sira ta kawruhakěna waspada těmahan ing pāti, Sanghyang Ning ngaran ira, awakta usap kabeḥ. Yapwan nora kumarosok, Hyang ning rudhira sira lunghā muliḥ maring āpaḥ, měne kita māti. Yan abot sukunta těngěn, gětěl tan pangrasa lara, muliḥ maring pṛthiwī, měne kita māti.

Sanghyang Tělěmnging Ṥarīramudra ngaran, dulěkěn matanta de ning jarijinta. Yan ring jro nora murub katon, Hyang ning mata sira lunghā muliḥ maring teja, měne kita māti.

Sanghyang Nāga Putiḥ ngaran, lidaḥta sahutěn, yan tan pangrasa lara, Hyang ning hurip sira lunghā muliḥ maring bāyu, měne kita māti.

Sanghyang Wiṣṇumayā ngaran, mangilo kita ring bañu, yan salaḥ rūpa kita katon, Sanghyang Ning sira lunghā muliḥ maring ākāṡa., měne kita māti. Tělas.

Haywa wera haywa bucecer, pinghitěn ring jro ning pangrasa.

Iti Sanghyang Ṥūnya ngaran, hirungta usap de ning jariji tunggal. Yan kumarosok karěngö swaranya, rong wěngi wěkas kita māti.

Iti Sanghyang Katima Tan Pamaya ngaran, yan katon tugěl wunwunanta, tukupi ring tangan tunggal, dělěng pagělanganta. Yan katon tugěl, měne kita māti. Tělas haywa wera.

Nihan pamaripūrṇan Sanghyang Těngěran, ênak sarasa ning wruḥ, yan mātya tinggalakěn Sanghyang Kěmituwuḥ, těmpuḥ têkang musuḥ. Yan katěmu rasa ning sukâdhyâtmika, sikěpěn ikang panaḥ, langgěning tutur ngaran tali ning panaḥ, ikang bāyu pinaka panaḥ, Sanghyang Mêngět pinaka laras, ikang ṡabda pinaka lěpas ing panaḥ, ikang hiḍěp pinaka donan ing anglěpasakěn panaḥ, den kawruhana harane.

Hana ta panaḥ lěpas tan kawruhan tôlihěn, ikā kang sinangguḥ mayong-mayong ngaran, angambara, iwā mangkana sang māti ng raṇa. Yan tan wruḥ ring paranya měḍal lāwan mayong-mayong, ikā ta sinangguḥ watu ugal-agil ngaran, mêwěḥ prasiddhanya.

Nihan Bhaṭāra mijil malěsat saking ṡarīra ring dalěm, adalan ta sira ring Ongkāra, Ongkāra ngaran wit ing pupusuḥ, angkat ira saking karṇa, adalan ta sira ring trinaḍī, ngaran anawaha, rasawaha, praṇawaha. Anawaha ngaran gurung-gurungan těngěn, yêkāa hawan ing sěkul, Brahmā dewatānya. Rasawaha ngaran gurung-gurungan kiwā, hawan ing we, Wiṣṇu dewatānya. Praṇawaha ikang naḍī ring těngaḥ, ikā hawan ing bāyu, Iṡwara dewatānya, ikā mārga tiga.

Sah ira saking trinaḍī, dumunung ring pulungrasa, ngaran gurung-gurungan, angkat ira sakêrikā, dumunung ring windu teja, ngaran ring rahi, angkat ira sakêrikā, rwawělas anggula doh ira saking tungtung ing rambut, niṣkala ngaran.

Nihan kadadin ngaran, ôlih ing dadi janma. Wāhya nira Ong-kāra ngaran ṡarīra, pinaka wit ing trinaḍī, hawan ing sěkul munggwing těngěn, ya Brahmāloka ngaran, rūpa kadi sūrya wahu mětu, Ang mantranya, ngaran ira hiḍěp. Ya tinūt mārga ikā, maring Brahmāloka ya dadi mānuṣa, anjanma ring brāhmaṇa.

Yan hawan ing bañu munggwing kiwā, ya Wiṣṇuloka, ikang rūpa kadi teja ning wulan, Ung mantranya, haranya pinggala. Yan tinūt mārga ikā, ya maring Wiṣṇuloka, ikā anjanma dadi Kṣatriya kula prabhu.

Yan tinūt ikang mārga ring těngaḥ, ya Iṡwaraloka katon kadi pahěsan pūrṇamasada hěning tan patalutuḥ, ring těngaḥ kadi maṇik anarawang. Yan ikā tūtěn, maring Ṥiwaloka ngaran, gaměli tangan tan pagamělan, Yang mantranya, ya manghilangakěn lara ning pasaran-saran, aja karasa, aja katahěn.

Apan saka sangga de ning pṛthiwī, saka songan de ning ākāṡa, saka suluhan de ning rāditya wulan lintang tāranggana, pāpa ikā kabeḥ, ṡūnya nirmala juga hawan ing māti. Yan hana damar tan pakukus, ikā dalan maring pada wiṡeṣa, Ong, ṡabdanya, irikā lěpas tan pahaměngan. Tělas. Haywa wera.

Iki mantra mayatura ; Ong nama ṡiwaya. Aji lali, inte ri lěyěp in mata.

Yan lěyěp, ma ; Ong sūkṣma ya namaḥ.

Yan atangi, ma ; Ong sakala pada ya namaḥ. Tělas, haywa wera tan siddhi phalanya.

Nihan Paramêṡwara Mahārahasya, kawruhana kang trikona. Mūlādhara hana ring jro ning trikona, asa-asa. Irikā unggwa ning gni murub ring luhur ing lingga, sor ing oděl. Ongkāra irikā gni murub, umewen ring oděl. Ang-kāra, irikā gni murub, asuluḥ ring hṛdaya, Ong-kāra, irikā sūrya candra atakěp ring kaṇṭa. Mang-kāra, irikā windu murub prakāṡa ring Madhya, gni murub kadi prakāṡa nira saking mūlādhara, těngah ing bhrūmadhya, adarayoga ngaran ira luhur ing bhrūmadhya. Tělu ng anggula, nāda ngaran ira, kadi komala maṇik kuměḍěp warṇanya. Luhur ing tělu ng anggulangaran nirodi, warṇanya kadi kukus. Luhur ing tělu ng anggula ngaran nāda, murub kadi dilaḥ rangkěp, roro warṇanya.

Nihan bhrūmadhya, tiriwadi, tirijuwam, těka saking wunwunan, saking dwisanta, niradara ngaran. Iki Sanghyang Triakṣara, haywa bucecer.

Nihan kang inucapakěn bolong de sang Paṇḍita, akeḥ pangucape, akěḍik wruḥ pakěrtane, kadi anggane wong angaku dharma, siwaya ujare. Wong satus angucap siwaya, biliḥ roro lamun tunggal ôliḥ pakěrtane, mêwěh ikang angaku bolong.

Lamun katutur wong loka ikā, unggwan Bhaṭāra Iṡwara irikā. Mang mantranya, rūpanya kadi pirak liněbur, ngaranya suṣumnā, ikā lěwiḥ kang sinangguḥ kamokṣan pamulih ing mānuṣa, lěpas kita yan mangkana.

Kunang trinaḍī anunggal maring hati, anutug ing pusěr, naḍikara těngaḥ, ikā hawan ing bāyu maring pusěr. Yan minduhur, adalan ring leng ing hirung kaliḥ, dadi āmběkan, ikā ta sabran dina pratiṣṭaněn ring hati aja lupa, sira ingaranan Pañcabrahmā. Sa ring tungtung ing hati, Ba ring tumpuk ing hati, Ta ring ampru, A ring wit ning hati, I ring těngah ing hati. Panunggalan ira kang wiṡeṣa ring ampru, hiḍěpěn, hiḍěpěn ikā pamlěsatan Sanghyang Ātma wiṡeṣa, sěḍěng Sanghyang Ātma měsat, mantranya , Ong, ya kang sinangguḥ Praṇawa, mantranya dūk sěḍěng měsat.

Hana warṇa katon, aṣṭadala warṇanya, ya sinangguḥ lawě ning padma wolu, rūpanya putiḥ, dadu, abāng, jingga, kuning, ijo, hirěng, birū, gěněp aṣṭdala. Ikā aja tinūt, sasar yan mangkana. Hana ta kasalaḥ de ning manon ṡakti, hiḍěp ṡakti, punika rasa ning bolong, apan tan hana ring unggwane manon ṡakti, tan kěna ingalingan, tan kěna ring arip, tan kěna kapětěngan.

Ikang manon ṡakti tan kěna ring tuha pāti, hiḍěp ṡakti ngaran, tan kěna ring ila-ila, mêngět satata tan pabalik lupa, ikā hiḍěp ṡakti ngaran. Ong niṣkalâtma ya namaḥ. Paṇi ; Ong Ong Ṥūnyâtma ya namaḥ. Ṥikâgra ; ikā ta Sanghyang Saptôngkāra.

Nihan tang ajñāna wiṡeṣa ring apaṡarīra, kayatnakěna pakěrtane, arad bāyu měḍal saking Sanghyang Hurip, tungtung měḍal saking Sanghyang Tunggal, hiḍěp měḍal saking Sanghyang Wiṡeṣa. Kahanan ira Sanghyang Hurip ring wěkas ing bungkah ing ampru, ring tungtung ing tan hana, ikā ngaran wěkas ing bungkah ing ampru, Sanghyang Tunggal ring wod ing tungtung ing nābhisthāna. Sanghyang Wiṡeṣa měḍalakěn ring hiḍěp, ṡweta warṇanya, Sanghyang Tunggal měḍalakěn ring ṡabda, mārga nira ring cangkěm, rūpa nira abāng, Sanghyang Hurip měḍalakěn ring bāyu, amārga ring hirung, rūpanya hirěng.

Kunang yan wruḥ ring pāti ning dharma ngaran, rāditya dawuḥ pisan, jāgra ātma ngaran, rakta warṇa. Dawuḥ ro, supta, antarātma ngaran. Dawuḥ tělu, swapnā, parātma ngaran. Dawuḥ pāt, nirātma ngaran, dawuḥ lima, ngaran atyātma, dawuḥ něm niṣkalātma ngaran, dawuḥ pitu ṡūnyātma ngaran, yan ring akṣara A U Ma. Tělas.

Nihan kawruhakěna de sang mahyun labdhawara kawruhan. Yan sira arěp angěntasakěn ṡawa mwang sakalwiran ing kārya, haywa tan prayatna, haywa lali ring kiwā-těngěn mwang unggwan ing ṡoca tiga, ikā tatasakěna rumuhun.

Mwah unggwan ing Sanghyang parawatěk Dewatā Nawasanga, tan adoḥ pasanakta ne paparěng lāwan sira mětu, ikā tatasakěna rumuhun. Tas ngaran pangěntas, pangěntas ngaran manratas, manratas ngaran angāryakěn mārga, maka mārga ning Bhaṭāra Hyang Sinuhun ne malingga ring Pūrwa, ring Dakṣiṇa, ring Paṡcima, ring Uttara, ikā kawruhakěna haran ira.

Mwaḥ palinggan Ida ring bhuwana alit mwang ring bhuwana agung, pātpāt rumāga sawiji, matěmahan Sanghyang windu, umantuk ring Sanghyang Sūrya.

Yan sira wus wruha ring haran ira Sanghyang Sinuhun, ne malingga ring Pūrwa, Dakṣiṇa, Paṡcima, Uttara, kawěnang sira mangěntas mānuṣa mwang ṡawa, mwah angarěpakěn kārya. Yan sira tan wruḥ ring haran ira Sanghyang Sinuhun, tan wěnang angarěpin salwir ing kārya mwang angěntas ṡawa. Yan sira amuruga, tan urung sira dinaṇḍa de ning Sanghyang Windu těkêng sang iněntas, sama sasarnya sang angěntas ring sang iněntas, těkêng anak putu buyutnya tan amangguḥ dalan apaḍang, apan tan wruh angaku wruḥ, ikā ngaran Wiku angrurusuḥ yan mangkana.

Iti pitěgěsnya palinggan Ida Sanghyang Sinuhun ; pātpāt dadi sawiji, malingga ring Sanghyang  , Sūrya, ngaran Ṥiwa, Sadāṡiwa, Paramaṡiwa,  , Ṥūnyaṡiwa, Ṥiwa Pūrwa, Dakṣiṇa, Paṡcima, Uttara, ikā ngaran Sūrya, Ida Sang siniwi.

Malih iki kawruhakěna unggwan ira Sang siniwi, mwang palinggan ira Sanghyang Tripuruṣa, mwang haran ira. Iki wyakti palinggan ira ;  , malingga ring Sanghyang Candra, ya Brahmā Wiṣṇu Iṡwara, Ang Ung Mang, api yeḥ angin. Ba ka ko, marāga Ida Ongkārâkṣara ; Ba dewa, malingga ring bhrūmadhya, ring lalāṭa, ring byomaṡiwa, malingga Ida Bhaṭāra Hyang Sinuhun, ngaran gědong kusuma, tan patalutuḥ rūpanya kadi mās sinangling, kadi damar tan pakukus.

Ring Pūrwa Sanghyang Amṛta, ring Dakṣiṇa Sanghyang Pawitra, ring Paṡcima Sanghyang Kuṇḍalini, ring Uttara Sanghyang Kamaṇḍalu, unggwan ira ring sāgara ring pulo Candani, gěnaḥ rasa ikā tatasakěna ôliḥnya añiliḥ.

Krama ning hana kulit, ôliḥnya aniliḥ ring pṛthiwī, bulu ring padang, isi ring paras, gětiḥ ring yeḥ, balung ring kayu, cangkěm ring guhā, gigi ring sukět, cunguḥ ring sumur, ṡiraḥ ring ākāṡa, rambut ring gulěm, netra ring sūrya-candra, kijapan ring tatit, halis ring teja, āmběk ring wintang, ṡabda ring kětug liṇḍu prakāṡa, angkyan ring taya, umantuk ring ākāṡâmbara, mawak hurip. Ikā pasuk-wětu ngaran, pāti lāwan hurip, pāpa mwang swarga, suka lāwan duḥka.

Ikā êlingakěna haywa lupa pasuk-wětu ning hurip, ikā tatasakěna. Tas ngaran pangěntas, ngaran manratas mārga, mārgane hayu angulati Sanghyang Sinuhun, ne malingga ring Pūrwa, Dakṣiṇa, Paṡcima, Uttara, pātpāt dadi sawiji, rumāga Windu, umañjing ring ṡiwadwāra, aněrus ring gědong kusuma. Mwaḥ kahanan ira Sanghyang Tripuruṣa, Brahmā malingga ring bhrūmadhya, Wiṣṇu ring lalāṭa, Iṡwara ring byomaṡiwa.

Maliḥ tan saḥ sanâkta ne parěng mijil, hana ring manaḥ, ring kěněḥ, ring hiḍěp, ring ṡabda, ring tutur, ring sūkṣma. Ikā Sanghyang parawatěk Dewatā Nawasanga malingga ring pampatan, ring meru tumpang solas, ajalijiḥ miraḥ abyas podi, anatar mās tan pauna. Ikā unggwan ing ṣaḍrasa, pasamūhan Bhaṭāra Ṥiwa, ngaran Sanghyang Siniwi, ikā kawruhakěna unggwane ring ṡarīra.

Maliḥ hana sânakta ne paparěng lan sira umětu, ikā kang anunggu bhuwananta, ikā kawruhakěna, aja tan prayatna, ikā anggringin bhuwananta. Yan lali asânak, sânakta lali ring sira, ikā kêngětakěna sari-sari.

Mangke yan sira arěp kadīrghâyuṣan mwang kasādhyan aja sira tan asthiti ring pada Bhaṭāra, ring parawatěk Dewatā Nawasanga mwang sânakta kabeḥ, wěnang sira asěgěḥ-sěgěḥ ring rāt kabeḥ, mwaḥ ring paryangan pañiwyan ṣaḍkahyangan, ikā unggwanya angastuti ring Hyang, ring dewa, tuñjung palinggan Sanghyang Sinuhun mantuk ring windu, U MA.

Iki kawruhakěna unggwane ring ṡarīra, hana ngaran Ong-kārâkṣara, Ong-kārâkṣari, Ong-kāra sumungsang, Ong-kāra mudra, tan adoh unggwan ing Sanghyang Mahāmṛta, Sanghyang Pawitra, Sanghyang Kuṇḍalini, Sanghyang Kamaṇḍalu. Iki ngaran palingga Ang Ung Mang, ngaran niṣṭa Madhya uttama.

Yan sira wus wruha, maṡarīra dadi Patih Amangkubhūmi. Mīna ṡūrya, Měni candra, sagni ngaran gěnaḥ, yeḥ ngaran O, yagni ngaran wruḥ, yeḥ O. Teja amṛta, kaputusan ing Sanghyang Windu, apaḥ rwabhineda kalěpasan, kawědi ning para ratu.

Yan sira wus wruha, uttama ning uttama, dadi Wiku bahuṡīṣya, pinuji de ning rāt kabeḥ, katampěkan de ning Apsara-apsari, tan kurang bharaṇa, êběk ring rājabhraṇa ring kaḍaton, paḍa asuka-sukan, kamantyan kěrta ning nāgara. Ikā kêngětakěna de sang asewaka dharma, aja sira tan asěgěḥ-sěgěḥ mwang asthiti ring pada Bhaṭāra, mwaḥ ring sânakta kabeḥ, aja lali asânak.

Iti Paṡiwakāraṇa ngaran, Ṥiwa ngaran Sang siniwi, kāraṇa ngaran wětu ning hala hayu ning rāt. Kawruhakěna, āpaḥ teja bāyu, A U Ma, api yeḥ angin, Brahmā Wiṣṇu Iṡwara, Ya Ba Kako, Ida Sanghyang Ong-kāra ngaran, mantuk Ida ring manaḥ, mantuk ring ṡabda hiḍěp, mantuk ring niṣṭa Madhya uttama.

Yan sira tan wruha, ikā kang niṣṭa, yan sira wruha, ikā ngaran uttama, tan hana bhedanya lāwan ikang uttama dahat, umantuk ring Sūryasewana, Sūrya amārga ring ākāṡsa rumāga agni. Sewana ngaran amārga sor ing pṛthiwī, rumāga yeḥ, mantuk ring Sanghyang Mahāmṛta, ngaran panunggalan Sūrya ngaran agni, sewana ngaran yeḥ, yeḥ agni ngaran gěnaḥ, gěnaḥ ngaran palinggan Sanghyang Rwabhineda, rwa ngaran roro, bhi ngaran I Meme, da ngaran I Bapa, umantuk ring pṛthiwī.

Ākāṡa mantuk ring Tang, Tang mantuk ring Pang, Pang mantuk ring netra kiwā. Tang mantuk ring netra těngěn. Ikā ngaran Sanghyang Rwabhineda, bheda tan bheda pangrasanya, suka duḥka, pāpa swarga. Ikā kêngětakěna de sang asewaka dharma, apan sira anak ing Bhaṭāra Brahmā, akadang lāwan dewa, haywa wera bucecer.

Yan wus pwa kita angastuti ring dewa, ring pitra pwa kita ngastuti, kawangen pinaka lingga, apan ikā awak nira Sanghyang Tiga, mětu pitra dewek, ikā pinaka sāri ning sěmbaḥ. Angarad pwa kita bāyu pinaka mārga nira Sanghyang Pitra.

Maliḥ pwa kita angiḍěp, ring těngěn pitra lanang ring kiwā pitra wadon, ikā patěmwakěna, gěnahakěna ring sěla ning lalāṭa, kawangen pinaka lingga. Lwirnya kawangen ikā, kwa ngaran suwung, ngen ngaran ěnggon. Lwirnya pangabhakti ninghulun, ěmbak ngaran mārga, ti ngaran jāti, ngaran hiḍěp. Hiḍěp muliḥ maring tawang, ya ingaranan ṡūnya pantara, sěmbaḥ suwung muliḥñane. Tělas.

Nihan ta unggwa ning sěmbaḥ ngaran. Dūk angajum tangan ngaran Sanghyang Gědang satakěp, dūk angunggahakěn sěmbaḥ ngaran Sanghyang Kumudu, dūk aněmbaḥ ngaranSanghyang Puṣpa Tanalūm. Unggwan sěmbaḥ tungtung ing ghrāṇa, mārga ning sěmbaḥ suṣumnā, paran ing sěmbaḥ leng ing hati, sira sang siněmbaḥ, hati putiḥ pṛṇah ira leng ing hati, rūpa nira kadi tungtung sande sumunu, haran ira Sang Lěnglěng-bungěng. Dewa ning sěmbah Brahmā Wiṣṇu Iṡwara, wisik ing sěmbaḥ, Ang ring bungkahing (bungkahnya), Ung ring isinya, Mang ring tungtungnya.

Titis ing sěmbaḥ, bungkaḥ mandadi Patih Amangkubhūmi, isinya dadi Ratu ambagawani, tungtungnya dadi Prabhu añakrawarti. Panglěpas ing sěmbaḥ, bungkahnya maring kamokṣan, isinya maring kamoran, tungtungnya maring kalěpasan, bungkaḥ, isi, tungtung. Tělas. Haywa wera poma rahasya těměn, simpěn ring jro ning pangrasa.

Nihan wyakti Sanghyang Pramāṇa, Ong iki. Nihan Sanghyang sang hanêng paněngaḥ ning alis, Sanghyang Mahāsūkṣma-ṡiwa, sang hanêng indra ning mata kaliḥ Sanghyang Atisūkṣmaṡiwa, sang hanêng gulu Sanghyang Sūkṣmataraṡiwa, sira ta ring praṇawati unggwan ira. Kalingan ira Sanghyang Ong-kāra hanêng paněngaḥ ning alis, hanêng uděran ing mata, hanêng gulu. Yadyan sarāt kabeḥ, awak nira Sanghyang Ong-kāra, hanêng sang wruḥ wus kṛtasamaya yoga upadeṡa, haywa sing wruḥ, kêngětakěna ring těka ning pāti nira katon, yan tīkṣṇa de ning ruměgěp kang winehakěn kabeḥ.

Nihan upadeṡa warahakěn ring ṡīṣya, haywa karěngö de ning wong lyan. Lwirnya Sanghyang Niṣkala tan parūpa, tan pawarṇa, tan padeṡa. Kalinganya tan wěnang tinuduḥ, apan tan wěnang dinayan, sira kapralīnan ing dewatā kabeḥ, parama durlabha dahat.

Hana ta ring sor ing niṣkala, nāda ngaranya, tan pawarṇa, tuhu hana rūpa mātra, sira nāda ngaran ira, unggwan ira ring tungtung ing rambut, sira sinangguḥ ṡūnya ling Sang Wiku.

Ring sor nira hana ta puruṣa ngaran ira, windu akṣara nira, sthāna nira ring wunwunan, kadi langit anarawang tan pamegha rūpa nira, sira Bhaṭāra Sadāṡiwa ngaran.

Ring sor nira ardhacandra ngaran ira, ring lalāṭa unggwa nira, lalāṭa ngaran těngah ing rahi těka ning patěmon ing alis, anungsang sira, windu nira roro. Wyakti nira mětu ring akṣara, yan sira sumungsang  ring patěmon ing alis, rūpa nira kadi ṡangku maṇik mêsi amṛta, ikā windu roro. Windu kapisan Bhaṭāra Sadāṡiwa, windu kaping ro ingaranan Dewī Gayātri, sira pangawak ing bāyu mingsor mingluhur, adalan ring leng ing hirung kaliḥ.

Sangka ning ingaranan windu adwaya, apan pasuk-wětu ring leng ing hirung kaliḥ, ṡabda nira yan mañjing Ah, yan mětu Ang. Sira ta ingaranan ardhanarêṡwarī de Sang Wiku, apan patêmu Bhaṭāra Sadāṡiwa lāwan Dewī Gayātrī, Aḥ bāyu ring těngěn, Sadāṡiwa tattwa nira, Ang bāyu ring kiwā Gayātrī tattwa nira. Ikang Praṇawa Kuṇḍalini sumungsang iki  , ya sinangguḥ Sadārudra, sira dewa ning paněngah ing rahi.

Ring sor nira, irikā ta unggwan Sanghyang Mahādewa, Ong-kārâkṣara, sthāna nira ring dwāra pitu, lwirnya ; leng ing mata 2, karṇa 2, hirung 2, cangkěm 1, ikā ta tutupana mantra panguñci.

Yan arěp adawā kang hurip, isěpěn āmběkanta saking leng ing hirung kaliḥ, Aḥ mantrakěna, de ning angisěp den tutug těkêng pusěr, salahakěna ring těngah ing pusěr ring jro, unyakěn ikang mantra Ang, agni rahasya ngaranya. Irikā ta agni sūkṭma kadi agni murub ring kuṇḍa rūpanya, asing kabhukti tělas ginsöng de Sanghyang Agni ring nābhi kuṇḍarahasya, têka ning satwa rajaḥ tamaḥ, mwang indriya ṡaḍripu paḍa kagěsông.

Yan těpět denta angabhyāsa ri sira, salwir ing pinangan tan amikārani, luput ring gring phalanya, tuwi gěsöng ikang coda daṡawikāra de ning pangabhyāsa sari-sari, awās hilang ning ṡatru ring jaba-jro, hyun lāwan êlik. Ya ikā hilang kagěsöng de ning yoga, salwir ing pāpa naraka hilang de ning dhyāna mangkana, ya ta dhyāna ngaran ira, parama rahasya těměn.

Wus mangkana, turunakěna Sanghyang Amṛta saking tungtung ing Ong-kāra sumungsang ring patěngah ing rahi ngūni, umingsor maring hati, ikang amṛta umilī amārga ring naḍī těngaḥ, ikā hinaranan suṣumnā, sira ta Iṡwara, wīja mantra nira Mang ring suṣumnā. Gumanti wījâkṣara Sanghyang Brahmā mantrakěna ring naḍī těngěn, hinaranan iḍā, Ang mantranya. Mwah ikang naḍī pinggala, mantrakěna Wiṣṇu wījâkṣara ikā, ONG.

Kunang rūpa ning naḍī suṣumnā kadi agni ring pralaya, mwang kadi pirak liněbur rūpa nira, naḍī iḍā kadi sūrya wahu mětu rūpa nira, naḍī pinggala kadi teja ning wulan rūpa nira. Iḍā hawan ing ulam, pinggala hawan ing bañu, suṣumnā hawan ing amṛta dinuluran bāyu, ya tri naḍī ngaran ira.

Yêka (i) utpatti ngaranya, parěkakěna Sanghyang Amṛta ring hati, kadi ratna sagunung teja ning sarwa warṇa dumilaḥ, lwir ing warṇa ; putiḥ, mirah anom, jingga, kuning, ijo, nīla, putih awor birū, hana kadi wintěn. Sira ta pinaka dṛwe Sang Wiku, sira sinimpěn ring jro ning hati, apopoñjen citta nirmala, lan akiněkěsan tan lali.

Sira tuhu-tuhu ning ratna tan pahīngan rāganya, wěnang ginawa māti, tan ucapěn mangke ri sěḍěng ing arip, saparan Sang Wiku tan pasah, tan kěna pinet den duṣṭa durjana, apan tan hana katon, apan tan wěnang dinol-tinuku, anghing sang wruḥ ring dharma rahayu wěnang kumawruha ring kang tan wěnang dinol-tinuku.

Tělas apagěḥ kěkěsan ing jro ning hati, pūjāněn ta sira ring jro ning ajñāna nirmala, catur daṡâkṣara pinaka kěmbang, sira ta mahā pawitra kěmbang, tan hana kěmbang amaḍani wangi nira, sira Sanghyang Catur-daṡâkṣara mantrakěna, lwir nira ; Sang wetan, Bang kidul, Tang kulon, Ang uttara, mangkana reh ira.

Mwah ring gneyan mantranana akuṭa leng ing hati, wěkasan ring Aiṡanya, mantranya. Nang kidul-wetan, (Mang kidul kulon),Ṥing lor-kulon, Wang lor-wetan. Mwaḥ mantrakěna Sanghyang Ratnôpadeṡa ring kukulung ing hati, Ong de ning amantraněn ikā, den anutug těkêng ampru. Mangkana kôñcaran ira, ya pangabhaktinta ring Bhaṭāra Paramaṡiwa, sang pinaka hyang ing nāda winuwus ngūni ring tungtung ing rambut, apan ring tungtung ing rambut hawan wěkas ing tělěng, ampru tunggal sira, sira ta sinangguḥ paramaṡūnya. Těhěr miṡrakěn Sanghyang I-kāra lāwan Sanghyang Ya-kāra, Ing Yang mantranya, apan ikang Ing-kāra tunggal kalāwan Ong-kāra.

Mwaḥ mantrakěna Sanghyang Triakṣara ring hati, Ang ring wit ing hati, Ung ring Madhya ning hati, Mang ring tungtung ing hati. Ya ta sthiti ngaranya, sira ta sinangguḥ yoga de Sang Wiku, sira ta wastu ning paramârtha yoga, ya sari-sari linakon mangkana. Yan těpět denta magawe yoga, katěmu sarasa ning tan pawak, ya ta sinangguḥ niṣkalajñāna ngaranya.

Kunang yan rumasa ri těka ning pāti, wus niṡcaya pakatonan ing těngěran kabeḥ, samakěna karěgěpan ikā den apěněd, haywa anôliḥ suka wibhāwa, apan ôliḥ suka wibhāwa ri těka ning pāti, pāpa ring pātinta yan mangkana, saparan ing hiḍěp tinūt de ning āmběk kang hala.

Kunang yan mêngět rikang ratnakan sinimpěn ring jro, tunggalakěna, pisanakěna ikang anawaha lāwan rasawaha maring praṇawaha. Tělas kinuñci tang nawadwāra de ning akṣara rwabhineda Ang Aḥ, ya kuñci rahasya ngaranya de Sang Parama-guru, lwir ing kôñcaran ing Sanghyang Rwabhineda lāwan Sanghyang Tri tinunggalakěna.

Hěněng hěning kewala miṡra ring tri tinunggalakěn mapisan lāwan rwabhineda, nirmantra juga ngaran, mangangěn-angěn Sanghyang Rwabhineda mwang tri tinunggalakěn, rahasya ngaran. Yan angunyakěn mantra Sanghyang Rwabhineda lāwan tri tinunggalakěn, haywa karěngö de ning wong angôñcarakěn, parěng lāwan měsat Sanghyang Parātma maring niṣkala, wiṣaya ning nawadwāra kinuñci, lwirnya ; mata 2, talinga 2, hirung 2, cangkěm 1, pastha 1, payu 1. Kang hinaranan rwabhineda, ya mukta ngke, ya kamokṣan ngaran, sira kapralīna ngaran, poma pilihana kang winaraḥ, haywa wera haywa asing wruḥ.

Sanghyang Windu sira pulung, Sanghyang Nāda wiwara ning tulup, ikang bhuwana pangawak ing tulup, Sanghyang Ong-kāra sang anglěpasakěn pulung, pinaka ṡaraṇa ning pulung lěpas de ning bāyu wiṡeṣa, Sanghyang Ṥiwaṡūnya tinuju ring windu ṡūnya, kalingan ikā ring catur-daṡâkṣara praṇawa. Ong-kāra pangawak Bhaṭāra Paramaṡiwa, sira ta salaḥ tunggal kêngětakěna, aběnakěna pinaka mārga ning māti, sangka ning sinanggrahêng mantrâkṣara pātbělas, salaḥ tunggal kêngětakěna, apan ring pāti jātinya lupa, haywa ta lupa, apan ikang lupa lāwan tṛṣṇā salaḥ surup halanya. Matangnyan Ang Aḥ mantrakěna yan sangsāra, ya nawadwāra kuñciněn, panutup salaḥ surup ing hiḍěp.

Iti rahasyôpadeṡa, ya krama kabhujanggan iki, haywa anūt waraḥ-warah ing siḥ, ajar-ajar tyāgan, nguniweḥ ring jāti mawak wruha, pakṣa kumawruha, tur anacad ri Sanghyang Ṥiwagama mwang Boddhagama, tan kêndahakěna, apan mangkana ikā tan pangaji ṡāstra. Kunang sang wruh ing daya wyakaraṇa, ikā ta ṡāstraika ngaran, wruḥ ring aji tantra, sira ta sěḍěng paguruněn.

Yan hana aněngguh anglěwihi ri sira maniḥ, bhrānta ikang wwang dumilahana (dumalihana?) anglěwihi sira, ya pasěngguněn ngaranya, ya lěñok ngaranya, ya arěp sěmbahěn ngaranya, ya wong anangṡaya ngaranya, ya janma êdan ngaranya, tan yogya pituhuněn sawuwusnya, milu bhrānta ikang manūt.

Upalakṣaṇakěna ring (pětada?), ya upadeṡa, bwat kaparamârthan ing kabhujanggan kabeḥ, sira dharma jāti ngaranya, mukta kewala ngaran, haywa wera.

Ong Gurubyo namaḥ.

Iti ratnôpadeṡa mahārahasya těměn, Paramaṡiwa Siddhânta mahāguhya. Wiṡwa ngaran wiṡeṣa, sira wiṡeṣa ning bāyu, don ira ngaran praṇawa, sira praṇawa, sira prāṇa ning rāt kabeḥ, sira wastu prāṇa êkâkṣara. Êkâkṣara ikā wěkas ing akṣara, patunggal ing triakṣara ikā, Ong, sira ta giněgö ri sěḍěng pěsat ing pralīne, apan sira wiṡeṣa ning ātma, sira wastu ning jīwa.

Lamun liwat saking Sanghyang Paramaṡiwa, hana sira hinaranan nirbāṇa, maring awak Ong-kāra, sira niṣkala tan pawak tan pawastu, anghing praṇawa uga mārga ning māti apan tos ing bayaḥ.

Wiṡwa ngaran Ong-kāra, sira awak ing Mahādewa, awak ing Sadāṣiwa, awak ing Paramaṡiwa. Paramaṡiwa mungguḥ ring nāda, Sadāṡiwa ring windu, Sadārudra ring ardhacandra, Mahādewa mungguḥ ring wiṡwa, tunggal ngaran ira ring Sanghyang Ong-kāra.

Sa Ba Ta A I Na Ma Ṥi Wa Ya, A U Ma Ong; kang pātbělas iku dalan ing muliḥ maring Sanghyang Catur-daṡaṡiwa. Ṥiwa ngaran ira sang amukti suka tan pawali duḥka, tan kěnêng mala mwang roga, kewala mahning aho, miwěng langgěng tan palong ta pawuwuh, tan parūpa tan pawarṇa, tan lumaku tan lumimbe, tan ing kuna tan mangke, tan ring arěp tan ring uri, tan ring těngěn tan ring kiwā, sira wěkas-wěkas ing suka, sangkan inaran Sadāṡiwa, sira ta Paramawiṡeṣa.

Sangkan hinaranan Paramaṡiwa, akweḥ kaḍaton ira catur daṡapramāṇa, sira ta Prabhu ring catur-daṡa-pura, sira ta hinaranan Iṡwara, sira wibhuḥ wěnang aměpěk i rat bhuwana. Sira amukti suka tan pamala, wěnang atingkaḥ, wěnang angadūm areḥ, wěnang hana wěnang nora, wěnang akaḍaton pātbělas, wěnang akaḍaton 5, 3, 1, wěnang akaḍaton ring ṡūnya taya, wěnang tan kaucap, wěnang tan kângěn-angěn.

Wyakti nira yan prabhu wibhuh aměpěk i rāt bhuwana, kinatwangan ing rāt, apan sira pramāṇanya tan waneḥ, masuk ring alwa sira tan lěga, masuk ring acyut sira tan sěsěk, mangkana reḥ nira Sanghyang Wěnang. Wyaktinya yan prabhu wibhuḥ ring catur-daṡa-pura, mawak Catur-daṡa-ṡiwa sira, ri de nira wibhuḥ suka. Pura ngaran puruṣa, Ṥiwa ngaran suka wiṡeṣa tan pabalik duḥka, catur-daṡa ngaran pātbělas.

Ri denira aprabheda haran ira ring sakaḍaton-sakaḍaton, ya ta matangyan ikang akṣara Sang rěgěpěn ri těka ning pāti, Sanghyang Pradakasawala ngaran ira Prabhu. Yan akṣara Bang karěgěp ri těka ning pāti, Sanghyang Sthiti Kālawiṡeṣa ngaran ira Prabhu. Yan akṣara Tang riněgěp ri těka ning pāti, Sanghyang Taya Sadāṡiwa ngaran ira Prabhu. Yan akṣara Ang riněgěp ri těka ning pāti, Sanghyang Mahāsūkṣmaṡiwa ngaran ira Prabhu. Yan akṣara Ing riněgěp ri těka ning pāti, Sanghyang Sūkṣmaṡiwa ngaran ira Prabhu.

Krama ning angrěgěp Pañcabrahmā mantra kadadi ning Prabhu, yan akṣara Nang riněgěp ri těka ning pāti, Sanghyang Antakālaṡiwa ngaran ira Prabhu. Yan akṣara Mang riněgěp ri těka ning pāti, Sanghyang Adikālaṡiwa ngaran ira Prabhu. Yan akṣara Ṥing riněgěp ri těka ning pāti, Sanghyang Paramaṡiwa Sūkṣma ngaran ira Prabhu. Yan akṣara Wang riněgěp ri těka ning pāti, Sanghyang Antisūkṣmaṡiwa ngaran ira Prabhu. Yan akṣara Yang riněgěp ri těka ning pāti, Sanghyang Sūkṣmataraṡiwa ngaran ira Prabhu.

Krama ning Pañcâkṣara mantra ; yan akṣara Ang riněgěp ri těka ning pāti, Sanghyang Sūkṣma-tama-ṡiwa ngaran ira Prabhu. Yan akṣara Ung riněgěp ri těka ning pāti, Sanghyang Sadāṡiwa ngaran ira Prabhu. Yan akṣara Mang riněgěp ri těka ning pāti, Sanghyang Paramaṡiwa ngaran ira Prabhu. Yang akṣara Ong riněgěp ri těka ning pāti, Sanghyang Ṥūnyaṡiwa ngaran ira Prabhu.

Matangnyan sira Sang Wiku ri kāla nira ahurip wruha ring Pañcâkṣara, Pañcabrahma-mantra, triakṣara lāwan êkâkṣara, ikā pinaka tatakên ri kāla ning pāti, paḍa ya pada ṡūnya. Ikang Brahmacārī-mantra Sang Bang Tang Ang Ing, ikang Ṥiwamantra Nang Mang Ṥing Wang Yang, Ong kaṡūnyan ikā.

Ikā Sanghyang Sadāṡiwa mawaraḥ ri Sanghyang Sadārudra, ya Sanghyang Brahmā sira pangawak ing mantra kabeḥ. Sanghyang Sadārudra mawaraḥ ri Sanghyang Brahmā, Sanghyang Brahmā sira magawe mānuṣa, winarah ira ikang parama rahasyôpadeṡa, kinon wruha ring ṡāstragama mwang dharma ning dadi janma.

Matangnyan sira maka ṡarīra pṛthiwī lāwan toya, pṛthiwī lāwan toya dadi mānuṣa mwang satwa tiryak, tṛṇa taru latā. Asing kasangga de ning pṛthiwī mwang toya, dadi lěmaḥ, apan kabeḥ sārinya kapangan kênuk kawijilanya. Kunang Sanghyang Wiṣṇu mawak teja lāwan bāyu, matangnyan sira hanêng panon lāwan āmběkan gěnaḥ ira.

Kunang Sanghyang Iṡwara pangawak ning ākāṡa, matangnyan sira hanêng ṡabda lāwan lyang ing nawadwāra, ya ta pangawyakti Sanghyang Tripuruṣa pangawak ing bhuwana kabeḥ, den kawruhana de sang mahyun ri kadiwyajñānan, tri samaya dharmadeṡana, prayatnaha ta sira. Yan mantuk maring sangkan ngūni, adalan ring Sanghyang Catur-daṡâkṣara, ya pinaka wěkas ing kaṡūnyan, tan len sangkan ulihan ing rāt sira.

Niṣkalajñāna (niskalajnayate?) kang nadaḥ, nadat winduḥ samutbutaḥ, windo samudbataḥ candra wiṡwam samudadutaḥ.

Kalinganya Sanghyang Niṣkala magawe nāda, nāda magawe windu, windu magawe ardhacandra, ardhacandra magawe wiṡwa, wiṡwa maka sajña Ong-kāra, manděl ring saptapadadi.

Kunang Sanghyang Saptâtma umanděl ring saptapada, apan sira pada Bhaṭāra umanděl ring Ong-kāra. Ong-kāra magawe Triakṣara, Triakṣara magawe Pañcabrahma mwang Pañcâkṣara. wyaktinya Sanghyang Ong-kāra amijilakěn Mang-kāra, Mang-kāra amijilakěn U-kara, U-kara amijilakěn A-kāra, mangkana ta kawijilan ira. Sanghyang Triakṣara mijil saking Sanghyang Ong-kāra, amijilakěn Ma-kāra, Ma-kāra amijilakěn i mwang ya. ikang U-kāra amijilakěn A-kāra mwang namaḥ, ikang A-kāra amijilakěn Sang Bang mwang Ṥi Wa. Nāhan utpatti Sanghyang Pañcâkṣara mwang Pañcabrahma, yan saking triakṣara ikā.

Mwaḥ kapralīnan ira, pěpět ring karṇa nira sowang-sowang. wyaktinya ring ṡarīra hiḍěpta, ya munggwing padmahṛdaya. Sanghyang Praṇawa gumawe Triakṣara mwang Pañcabrahmā, mwang Pañcâkṣara. Iti Sanghyang Praṇawa rahasya těměn, haywa wera.

Hiḍěp Brahmâkṣari pañca ; A Ong Ma U, Sa Ba Ta A I Ong Ba U A Sa Ba Ta A I Na Ma Ṥi Wa Ya.

Ya sing ajñāna Ṥiwa mangka ; Ma Ma Na Na Ya Ongkāra 1. Ong Ing Tang Kang Sang Mang Rang Lang Wang Yang.

Daṡamūrti těngaḥ da ; Ong Ang Kang Sang Mang Rang Lang Wang Yang Ung.

Daṡâkṣara sputa bhukti ; Ong Tang Ing Kang Sang Mang Rang Wang Yang Ung, tehierwaḥ makarakṣara murtimaḥ. Rekaro namayo buta, lekaro namayastawa, êkago Ṥiwa tatrioktam, aikara karakomaya, O Re I Ê AI Ma ṤI WA YA O SA BA TA A I.

Nihan kapurwa ning nāgara, hinaranan Sanghyang Pradyumna, sira wiṡeṣa ning jagat bhuwana, kang apanaḥ gagang ing tuñjung, atali kěnděng ing gadung kasturi, ajampa ring hrū sarwa kusuma, ikā kang liněpasakěn ring bhuwana. Gagang ing tuñjung ngaran tali ning panaḥ, ngaran buddhi apagěḥ, hrū ngaran tutur rahayu, panaḥ ngaran anibakakěn Pañcâkṣara mwang Pañcabrahma, arūm ikā katinghalan, don ira kasiraman kasmaran sangka ning wong wadon ring bhuwana, ingangge de nira sacumbana krama de nira Sanghyang Kāmadṛṣṭi. Kāma ngaran Sanghyang Manon, ikā ta angamet lara ning wong sabhuwana, Sanghyang Kāmadṛṣṭi amilara kabeḥ.

Wuwus ing aji lwiḥ, ingulatan tan hanêng sor tan hanêng luhur, hana ring ambara anglayang, tělěng ing hati, akěna ta istrī uttama irikā gumantung tan pacantelan, atapakan padmâsana, apayung padmânglayang. Padmâsana ngaran bungkah ing hati, padmânglayang ngaran pucuk ing hati, ikā ingaranan sāgara madhu, wětu ning pawanagati, unggwan ing Sanghyang Ong-kāra.

Wuwus ing uttama, uta udaka sindu; uta agni, udaka toya, sindu bāyu, ngaran pawanagati. Pawanagati ngaran patěmu ning Sanghyang Tripuruṣangkara, ngaran utawaha, toyawaha mwang praṇawaha. utawaha ngaran leng ing hirung těngěn, toyawaha ngaran leng ing hirung kiwā, praṇawaha ngaran sěla ning hirung.

Maliḥ hana lěwiḥ hana ring gamburanglayang ngaran leng ing untěk, unggwan ira Sanghyang Mahālěwiḥ, Ṥiwa Sadāṡiwa mwang Paramaṡiwa. Ṥiwa ngaran dūk awacana, Sadāṡiwa ngaran dūk aturū, Paramaṡiwa ngaran dūk sira lalis. Kang ingulatan bungkah ing pawanagati, pasěnětan ira Sanghyang Muṣṭika hanêng bungkah ing hati, amor ring bāyu, dadalan ira munggaḥ-těḍun ring trinaḍī, atuntunan bāyu, sumurup maring gamburanglayang, Sanghyang Manon sumurup ring těngahing hati.

Ri sěḍěng ira luměyěp, Sanghyang Muṣṭika mañjing ring luhur, sangka ning wong angipi, apan Sanghyang Muṣṭika aměng-aměngan ring gamburanglayang, luhur ing gamburanglayang windu koja, sangkaning mêngět Sanghyang Sadāṡiwa andudut citta, anuntun ātma muṣṭika, mañjing-mijil amārga smara, mijil saking sira Bayan ngaran kang istrī, sang kakung ngaran Děmung, rasa mañjing ngaran. Mětu Candrasari saking Ang Aḥ, Aḥ ngaran rudhira, Ang rama nira Candrasari, kang wadon Ni Pinatiḥ, ikang lanang sira Dipati.

Pinatiḥ ngaran patěmu, ngaran papupulan, papupulan ngaran paworan ing smaragama. Adipati ngaran sūkṣma ṡūnya, ngaran Jagatkāraṇa, ngaran Yogīṡwara. Yo ngaran maya, gi ngaran langgěng, swa ngaran lěwiḥ, ra ngaran tunggal. Jagat ngaran papupulan, kāraṇa ngaran kamimitan, A ngaran aměpěki, di ngaran lěwiḥ, pa ngaran apaḍang, ti ngaran tělas. Ca ngaran wětu, ndra ngaran langgěng, sa ngaran hurip, ri ngaran tungtung. Mārga ning awungguna Singasari, ngaran Dewa, sari ngaran panunggalan. Sodama ngaran langgěng ing tutur, candrasari pangukudan bhāṣa-bhāṣita.

Hana anak ira Candrasari roro, papalihan ing wasita kang panuha wadon, ngaran sira Candrawati. Candra ngaran wulan, wati ngaran bhūmi. Kang lanang ngaran Pañji Astrasari, Pañji ngaran kawijilan, astra ngaran pagěḥ, sari ngaran antabhuwana. Anta ngaran těngaḥ, bhuwana ngaran ṡarīra, patělasan ing Pañji Mārgasmara. Ong tīrthawati ěnggon ing anucini ṡarīra jāti, lunghā kang juti. Ong paripūrṇa ṡri ěning ya namaḥ swaha.

Maring Bhaṭāra Sūrya ; Ong hrang thing saḥ Paramaṡiwa osat.

Iti mantra ning ararahup, adyus kawaṡa ;

Ong dīrghâyuṣa paripūrṇa, langgěng Sanghyang Hurip tan kataman wighna de Bhaṭāra Hyang mami. Om Ong ai i surya sahasresu, tejorase jagatpati, anukam payam bhaktyam, gṛham diwangkara namo Namaste. Ong Ganggadewi mahapurnam, Gangga salañca medina, Gangga kalasa sangyuktam, Ganggadewi namostute. Ong Ṥri Gangga Mahadewi, anukṣma amṛta anjiwani. Ongkaraksara bhuwanam, padamṛta manoharěm, utpětika surasaṡca, utpěti gawa goraṡca, utpěti sabata tañca, utpěti waḥ sri wahinam, kawi wiswa mahateja, raktawarṇa katotbhawah, adityapsunaha srinam, sarwa rogana sasmṛti, jati stiti nada windu, pracandewa nawaṡcitam. Pramanam surya sampurnam, lokêṡwarěm jagatpate, anukam bhaktyam nastata, sria nargia diwangkara, Ong ayu wṛddhi asowṛddhi, wṛddhi pajña suka sriya, dharma Santana wṛddhiṡca, santute saptahṛdayam, yatame rostita dewa, yatat gangga mahitale. Ong candrarko gagane tawat, tawat wawijaye bhawet, Ong dīrghâyur astu tatastu astu. Ong sriyambhawantu purnam bhawantu sukam bhawantu. Ong adityasya paran joti, rakta teja namo stute, ṡweta pangkaja madhyaṡce, baskara namu namaḥ swaha. Ong hrang hring saḥ Paramaṡiwâditya namaḥ swaha. Ong candra maṇḍala sampurnam, canrayanti pranamyati, candradipa parajetiḥ, namo candra namo stute, siddhiragěm namo stute, daragopati padanam, wisat satia arawitam, namo candra namo stute.

Yan Rudra kuraṇṭawarṇa, sañjata nira mokṣala, kěbo tunggangan ira, lancing tiněpakan, wijil dawuḥ pāt Bhagawān Mṛcukuṇḍa. Bhaṭāra Brahmā abāng warṇa nira, asañjata gadā, atunggangan wimana, atapakan tambaga, wijil dawuḥ 3 Bhagawān Rāmaparaṡu. Bhaṭāra Mahêṡwara sañjata nira dhūpa, dadu rūpa nira, turangga tunggangan ira, atapakan gandora, dawuḥ ro wijil Bhagawān Wṛhaspati.

Karṇa ṡakti wasat cakṣu, sarwa bharaṇa bhutitam, ṡweta pañcakala runam, namo candra namo stute. Kudotpalana hastañca, sarwa ridipa manggalam, dharma dharma payam payam, namo candra namo stute. Lokayam kaprakaṡitam, lokapuya samawitam, namo candra namo stute. Astadikṣa ramedityam, astadipa masikarěm, astakala sampurnam, namo candra namo stute, Ṥiwalokam candradipam, Ong hrang hring saḥ Paramaṡiwa mṛta ya namaḥ swaha.

Aněmbaḥ ring Sanghyang Sūrya-Candra kāla ning sūryagraha candragraha, haywa wera mwang cawuḥ, ila-ila.

Sanghyang Mahādewa kuning warṇa nira, asañjata Nāgapaṡa, Měrak tinunggangan, atapakan mās, dawuḥ 5 wijil Bhagawān Kanwa. Bhaṭāra Ṥiwa aṣṭawarṇa, padma sañjata nira, atunggangan liman, atapakan timraḥ, ring dalu wijil ira Bhagawān Adilaruci. Sanghyang Iṡwara putiḥ warṇa nira, atunggangan lěmbu, atapakan salaka, asañjata bajra, dawuḥ pisan wijil ira Bhagawān bhṛgu. Sanghyang Ṥangkara wilis warṇa nira, asañjata angkus, atunggangan singha, atapakan gangsa, dawuḥ něm wijil Bhagawān Narada. Bhaṭāra Wiṣṇu hirěng rūpa nira, asañjata cakra, atunggangan garuḍa, atapakan wěsi, dawuḥ 7 wijil Bhagawān Janaka. Bhaṭāra Ṥambhu birū rūpa nira, asañjata triṡula, atunggangan mṛgapati, atapakan timaḥ, dawuḥ 8 wijil Bhagawān Anggastya.

Puput tinḍun de Menga, Beteng, Laba, Paing, Aryang, Buda, Indra, Ogan, Manusa, Pangelong 13, Kesanga, Saskara, Taru, Gajah, Lintah, Urip = 7 + 9, Laku Air, Gajah Mina, Wisesa Segara, Buat Suka  |  Krulut, Taru, Wisnu, Lanus, Was Penganten, Kala Sarang, iṡaka warṣa,  1929. Masěhi, 05 Maret 2008.

Pustaka puniki koleksi lontar dṛwen Ki Dalang Tangsub. Wit lontar saking Rangdilangit