KIDUNG HYANG SINUHUN RING KAHYANGAN DHARMA SMERTI

KIDUNG DHARMA SMERTI

SIANG DALU SRADA BHAKTI

PANGENING DARMA SEDANA

SUCI ENING RING SREDAYA

SADU BUDI SATYA DHARMA

YASA KERTINE PAGEHANG

HYANG SINUHUN SATYA UGI

LUGRAHA SADYA RAHAYU

SUKA WIRYA AYU WERDI

Om awignam manggala

Pralanggya ngayap pakulun

Sang sinanggah hyang sinuhun

Siwa Putra Prama Daksa

Mugi ledang singgih bhatara

Manyapsap dosaning hulun

Metu saking tri kaya

Tan ketaman baya kewuh

Aksi haturan kahula

Asep menyan majegau

Bhaktin kahulane tan lung

Aneda wara amertha

Ring bukpada hyang sinuhun

Ngawisesa tri buwana

Ring Kahyangan Dharma Smerti iku

Byakawone mangkin katur

Pemangkune ngastawayang

Panampatan penyade mangku

Pengiring pada mesaksi

Panglancangane sutri malih

Sami pade ngagem dupa

Pengacine sampun

Sabda rahayu dulurin

Paklemigiane katur

Nunas wara nugrahane

Ring ida sang hyang sinuhun

Siwa Putra maha yakti

Sarwa bhuta-bhuti

Sami sampun katuran laba

Mangda sida rahayu

Ngastawa ida hyang widhi

Pabyakawon mangkin katur

Peras elise margiang

Panglukatan anggen nurut

Pabresihan sanjiwani

Kasurya margiang rihin

Ring kahyangan pangubengan

Dharma Smerti iku

Pupute di jaba sami

SINGGIH RATU SANG HYANG SINUHUN,

KAULANE MANGKIN

NUNAS TIRTHA MAHASUCI

TIRTHA AMERTA KANG SINANGGUH,

PANGURIP SRAWE TUMUWUH

SANJIWANI YA ARANIYA

DASA MALA WUS SINANJUT

DADIA LUKAT  TANPA MALA

ATI SANTA PARISUDA

#tubaba@griyangbang#