PUTRU PANILAPATIAN

UPAKARAN PUTRU

Suci asoroh, daksina pejati asoroh, psewan, pras lis, canang pangalang.

Iki mantra pangsêngan pras : Ong yang mrêta guna sastra suda ya namah swaha.

Iki mantra pangsêngan sasantun : Ong ang mang siwa yogi pramasidyam suda ya namah swaha.

Uduh ta kita sanghyang catur dasa hyang pitara, paranta sangkane kita sanghyang catur dasa hyang pitara, anane mnga lawang iki, ring reh nora karyanteku upacara panilapatian maring sanghyang catur dasa hyang pitara iki, ah arêp age sanghyang catur dasa hyang pitara mangke, paranta karyanta ingkene, ingong anungsung kita sanghyang catur dasa hyang pitara, paran dera anungsung maring kami, sang cikrabala utpata sira, apan ingsun wruha ring kita, iki kita panadyaning sabdaningong. Mangke kacêta kawangsula kita, lah umêntasa kita sanghyang catur dasa hyang pitara. Mangke datêng tka sanghyang catur dasa hyang pitara, masabda bhatra siwa guru, Ih,ih,oh,oh, catur dasa hyang pitara paran kita prapta ngke, sakeng ndi sangkane kamung sanghyang catur dasa hyang pitara. Ih kita sanghyang catur dasa hyang pitara, sakti tmên pwa kita, lah ya inaturakna ring hyang Sinuhun.  Apan kita huwus datêng sida sampurna ring sanmukan ingsun mangke, denadira sura roteng sila sasana agama, krêta simaning loka, bakti ring sarwaning hyang, tan aceda ring widi sastra agama, den mituhu ring sadnyan sang brahmana pandita, dwêg ring darmaning kosala, nguni duk aneng stiti ring bumi pancara karma, mangke ri tkaning mulih ta sanghyang atma kabeh, aninggalakên kama sariraning manusa pada, molih ta kita dalan apadang, tan hana bêncaneng laku, ring prasanakta duk dadinta kabeh, pada suka anuduhing marga bênêr. Sadya pwa kita molih lungguh tunggal lawan sang hyang siwa guru.

Mwah ta kita sanghyang catur dasa pitara, aku madana saji upakara panilapatiab inastuti dening puja mantranira sang brahmana pandita, ika dahating rangkêp kasadyaning lakunta sanghyang catur dasa pitara, antar aglis kita tka ring paraning kapti. Apan ikang catur dasa pitara, yatanyan maguna widya sastra, mwang darma kosala, kalanya stityeng pancara bumi, yapwan tan inangaskara dening panca pitropacara nilapati, kadyeki saranta lakunya.

Uduh kita sanghyang pitara kabeh, make kita huwus krêta lugraha alungguh alinggih nunggal ring swarganta kamulan tengah, denalanggêng kita, nunggil ring para dewata, ring kamulan pinaka swarga siwaloka, tan aglis mantuk ing madya pada, yan tan hana bwating lungguh, makadi sang brahmana raja rsi, ksatrya prabu, pangreh praja mandala, byuh asisya, byuh wadwa, kala samangkana ta kita wnang tumuruneng madya pada. Mwah sang kari ring marca pada, makadi tunggakan sanghyang catur dasa pitara kabeh, moga-moga anmu kawrêdyaning maurip. Tan kuranging catur boga, tan dahat katibaning sêngara baya, sakeng sanghyang catur dasa pitara kabeh apan sira huwus anglarakên panca pitropacara panilapatian.

Samangkana sadnyanira bhatara hyang Siwa Guru, maweh stana ring sanghyang catur dasa pitara kabeh. Umatur sanghyang pitara, Pukulun hyang Sinuhun, atur nghulun catur dasa pitara kabeh, apan akêdik atur sajin hulun, mantuk ring para dewata kabeh. Pitara samudaya, denaksamakna denira, para dewata kabeh, mangke sahananing saji-saji iki, inaturakên ring padaning hyang Sinuhun. Poma (3x). Lingira hyang Sinuhun, Uduh sanghyang catur dasa pitara kabeh, denaglis kita munggah swarga, tunggal tunggil, awor ing kamulanta, iki siwa loka, apan kita wnang rumaksa kabeh, apan kita tuhu wus kahêntas denira sang siwa yogiswara, denatusta kita pada munggah ring suralaya bwana, aja ta sang dewa catur dasa pitara simpang-simpang maring ranaknya ring nraka loka. Poma (3x).

Ring Kamulan ngaran ida sang hyang atma, ngaran sang paratma lawan sang sivatma. Ring kamulan tengah apupul atunggal ngaran raganya, brahma-wisnu-iswara dadi meme bapa, ngaran siwa meraga sang hyang tuduh. 

Ngaran ira sang atma ring kamulan tengen bapanta, nga, sang paratma, ring kamulan kiwa ibunta, nga, sang sivatma, ring kamulan madya raganta, atma dadi meme bapa ragane mantuk ring dalem dadi sanghyang tunggal, nungalang raga kaiket dening upacara panilapatian. 

Mwah atur sang catur dasa pitara, marêk ring hyang Sinuhun, lingira, Singgih pukulun hyang Sinuhun, risampunya sanghyang catur dasa pitara pada polih lungguh, mangke nugrahakna ican pukulun ring pari tusning sêntananira kabeh, mangda mangguh kawrêdyaning mahurip, kadirgayusaning mahurip, pêngpêng ring catur boga. Poma (3x).

Ong ayu wrêdi yasa wrêdi, wrêdi pradnya suka sriya, darma santana wrêdisca, santute sapta wrêdaya.