PASUK WETUNING AKSARA

Iti Pasuk Wetuning Dasaksara ring raga, pinaka prayascitaning sarira, panugrahan Hyang Sinuhun pinaka Naben'ta, ngilangakna salwiring wignaning sarira, mwang papa klesa metu saking sarira, makadi bancana teka sakeng durgha wisesa, leyak desti teluh trangjana, mwang sangaraning sarira hala, ta geseng de nira Sang Hyang Mantra, prayogakna, Sang  Hyang iki Mantra, Sang Hyang Dasabayu sariraken ring raganta, sa, tirta mawadah payuk anyar, 1, daksina, 1, den agenep, sesari, canang, tandingan raka sakewenang, pinuja ring sanggar rikala purnama, tilem, asep den awangi, haywa wera, karungu dening wong len, ri wusnya mayoga, tirtanen raganta, kadi akrama, wehin anak rabinta tirta ika. 

         Phalanya wedi ikang kala Durgha, doh ikang gring, sarwa lara wigna, utama dahat iki, drawe sang ratu, mwang Brahmana, wenang anggangge iki.  

Mantranya :  Om idep Sang Hyang Om-kara mungguh ring tungtunging rambut maraga Sang Hyang Siwa Nibana Wisesa.

Iti mantranya : 

Om Sang Hyang Siwa Nirbana Wisesa, Sang Hyang Sinuhun Siwa Putra Prama Daksa Manuaba, mungguh ring agraning rambutku, matapakan padmanglayang, sira anitahaken salwiring lara roga papa pataka, wighnaning awak sariranku, angunduraken sarwa durgha kala kabeh, Om Sang Hyang Sri we namo namah swaha.

Aksara Ing, ring siwadwara mungguh, idep Bhatara Siwa kalawan Bhatara Sinuhun malungguh maring raga ika, ma, : Ong Sang Hyang Siwa Murti Jati, malungguh ring siwadwaranku, matapakan padma bhwana, angleburaken lara wighna papa petakaning awak sariranku, amunahaken sapakriya hala, sarwa durgha kala kabeh Om Sriya we namo namah swaha

Aksara Ang, ring lelata, idep Bhatara Sadasiwa maraga,  Om Sang Hyang Sadasiwa Murti, malungguh ring padmasana ratna, sira anganyutaken lara roga papa pataka wighnaning awak sariranku, angunduraken sarwa roga kabeh,  Om Sriya we namo namah swaha.

Aksara Ka, ring rahi, idep Bhatara Suryya Candra mungguh ika, Ma, : Om Sang Hyang Siwaditya malungguh ring padmanglayang, sira anuluhin saparaning darsana, asing akarya kala ring awak sariranku wastu kita punah sarwa guna wisesanta kabeh, mwah angilanngakena lara roga wighnaning papa patakaning awak sariranku, Om Sriya we namo namah swaha

Aksara Sa, ring muka mungguh, ring idep Sang Hyang Maya Murti, ma. : Om Ang Sang Hyang Maya Sakti, malungguh ring padma nada, sira angemitaken awak sariranku, amrangakna saluwiring awak sariranku,sakwehing desti teluh trangjana gegandu gentawang wastu sira punah teka geseng de Bhatara Maya Sakti, Om Sriya we namo namah swaha.

Aksara Ma.  ring  awakta, idep raga Sang Hyang Bayu mungguh  ika, ma. : Om Sang Hyang Prana Bayu Wisesa, malungguh ring padma cakra, mider amepeking awak sariranku, sira amagehaken sarwa wisya kabeh, sarwa lara roga wighnaning awak sariranku, mwah sapa karya lara kabeh, tan tumamah ring awak sariranku,  Om Sriya we namo namah swaha.

Aksara Ra, mungguh ring wredaya idep maraga Adnyana Wisesa, ring tungtunging ati, ma. :   Om Sang Hyang Adnyana Wisesa, sira anglukat hanganyut mala papa petaka, lara roga wighnaning awak sariranku, mwah amunahaken dasamala wikara pramala danda upadrawa ring awak sariranku, sakwehing akarya hala dusta durjana sira angunduraken, Om Sriya we namo namah swaha.

Aksara La, uderan, idep Bhatara Sadha Rudra, mungguh ring weteng, ma. : Om Ang Sang Hyang Sudha Rudra Murti, angesengakna, lara roga papa petaka lebur punah dadi hawu, angesengakna salwiring papasangan, rarajahan, papendeman ring awak sariranku, asing kapangan-kinum teka geseng, mwah sarwa durgatala kabeh, asing akarya hala ring awak sariranku, westu geseng dadi awu, Om Sriya  we namo namah swaha.

Aksara Wa,  ring nabi lungguhnira, idep Bhatara Agni murub ring awakku metu saking nabi, ma, : Om Ang Ang Sang Hyang Agni Ludra Murti murub ring awakku, terus ring akasa mawak, angeseng leyak kabeh, teluh trangjana kabeh, mwah papa klesaning awak sariranku, wastu geseng punah dadi awu,  Om Sriya we namo namah swaha.

Aksara Ya,  ring guya, idep Bhatara Semara, mungguh ring parana lungguhnya, ma, : Om Asmara Dewa Murti ringawak sariranku anglebur sakwehing papa petaka, lara roga wighna, doh wikara pramala danda upadrawaning sarwa we, wastu punah hilang,  Om Sriya we namo namah swaha.

Aksara  Ung, ring padma wredaya, ideppang Sang Hyang Ananta Bhoga, ma, : Om Sang Hyang Ananta Bhoga, sira angruwataken salwiring mala wighna, wastu punah sakwehing mala ring awak sariranku,  Om Sriya we namo namah swaha.

#tubaba@griyangbang//pasukwetuningdasaksara#