KIDUNG MACARU

Kidung Mecaru

Tangeh Anamun Turida

Salimur Tan Kasalimur

Prakerti Abayeng Dangu

Tumuwuhta Anadi Wong

Rasa Tan Kadi Ageman

Marmanira Misreng Kidung

Tan Anuting Pupuh Basa

Pinaewa De Sang Wiku

Kidung Pangundang Ring Bhuta

Basa Lumbrah Pupuh Jerum

Bhuta Asih Widhi Asung

Caru Pesajine Reko

Genep Saha Upacara

Manut Warna Lawan Ungguh

Sekul Iwak Pada Bina

Olah-Olahan Sadulur

Pangideran Panguripan

Kangin Panca Putih Nulus

Kelod Siya Barak Mungguh

Kawuh Kuning Pitu Enggon

Kaja Selem Urip Patpat

Panca Warna Tengah Brumbun

Akutus Panguripannya

Babutane Manut Ungguh

Kangin Ring Angin Magenah

Kelod Ring Api Umungguh

Ring Tanahe Sane Kawuh

Kaja Ring Toya Manongos

Ring Embange Bhuta Tengah

Malih Sane Bilang Bucu

Anut Hurip Lawan Warna

Tongos Babutan Karedung

Kaja Kangin Urip Nemnem

Yan Ring Warna Rupa Kelawu

Kelod Kangin Urip Kutus

Nasak Gedang Warna Kawos

Kelod Kawuh Warna Kwanta

Panguripannya Tetelu

Kaja Kawuh Warna Gadang

Jati Tunggal Urip Ipun

Babhutan Nyane Kinucap

Preta Kisah Cara Ipun

Bhuta Kala Dengen Rusuh

Ring Danganane Manongos

Ring Pangkung-Pangkung Karedung

Genep Sami Siya Warna

Kang Inundang Sida Rawuh

Yan Sira Sampun Wus Nadab

Gati Presama Mewantun

Ngungsi Ungwani Sowang-Sowang

Aja Mamigena Wong

Miwah Mamigena Yadnya

Asih Kumasih Satuwuk

Ngawe Degdeg Jagat Raya

Jadma Pada Manggih Ayu