Iti, ngaran Sukertha Pratingkahing Pinandita Wiwa

Iti, ngaran Sukertha Pratingkahing Pinandita Wiwa

Ling ning Ida Bhatara Sinuhun;

‘Yan hana wwang kengin kumaweruha ri kahananing Sang Hyang Aji Aksara, yogya ngupadhayaya awak sarisanya ruhun, lumaksana tan kaharuning letuh, lamakana weruh ri jatining manusa, wenang sira mawinten wiwa rumuhun, mwang katapak denira Sang Guru Nabe, apan sira Sang Guru Nabe bipraya angupadhayaya, mwang nuntun sang sisya kayeng kawekas. Mawastu mijil saking aksara ngaranya’.

‘Yan hana wwang kengin kawruha ri kahananing sang hyang aji, tan mangupadhayaya, tan maupakara, tan matapak mwah tanpa guru, papa ikang wwong, yan mangkana Babinjat wwang ika ngaranya, apan mijil tanpa guru tan mangaskara dening niwedya, kweh prabedanya wwang mangkana, papnehnya bawak, polahnya mumpang laku, wahya kadi sato, juga kahidepannya, ri pademnya dlaha, atmanya wwang mangkana kadanda dening watek Kingkara Bala manadi entiping kawah Tambra Gohmuka, yan mangjadma mwah, matemahan ta sira sarwa Triyak Yoni, amangguhaken kasangsaran’.

‘Mne hana piteketku, yan hana wwang durung adhiksa Dwijati, haywa wehana gumelaraken Sodasa Mudra, kopedrawa ta sira denira Sang Hyang Asta Dewata, kewala amusti juga kawenang rikang wwang durung adhiksa Dwijati, ri sang arep anembah Dewa Hamreyoga aken Sang Hyang ri dalemning sarira. Mangkana piteketku ri wwang kabeh, hayma marlupa, hila hila dahat’.

"Yan hana pemangku durung adhiksa widhi muang katapak de sang Pandita Putus, tan kawenangan mabebajran, amada-mada sira mangku sang kulputih, tinemah pwa sira denira sang kulputih. Jahtasmat tan manadi jadma mwah, tan mangku ngaku mangku, yan sampun adhiksa widhi katapak dening Sang Pandita Putus, wenang sang pemangku mabebajran, mwang ngaloka pala sraya, maka walining yajna, wenang pemangku nyirating sawangsa ring pakraman. Sang mangku wenang ngawalinin yajna manut panugrahan saking Sang Nabe/Guru, ngaran  pinandita wiwa, wenang juga angelaraken sangkepi petanganan".

Iki uttamaning pinandita wiwa, dane jro mangku gde ngaranya, wenang masuci purnama mwang tilem, nganggehang brata, tapa yoga, samadhi, satya ring tingkahing kadharman, mangkana tingkahing pinandita wiwa’.

‘Yan nora pageh ngalaksanayang kadharman, mangku sira mangku sorbet ngaran, kawenangan sira lumaku ring sor, tan kawenangan sira ngangge pustaka, kawenangan sira kabasa mangku, cantule sira nampi, dudu weruh ngaku weruh, tuhu sira dusun, salah tampen’.

‘Iki panganggen nira sang pinandita wiwa, kawenangan pinaka nyuci adnyana nirmala, ngaran nare pinaka raga, bahu pinaka sirah tripada, sirah siwambha madaging tirtha, ring selaning lelata, Ongkara sumungsang pinaka candana, citta nirmala pinaka bija, sucining awak pinaka dipa, nitra manis pinaka dupa, ujar tuwi rahayu mangenakin pangrengenta, Agni ring Nabi, pinaka sekar tunjung, kucuping tangan kalih pinaka gentha, tutuknya pinaka hyang ngaran, saika tingkahing amuja, samangkana sang pinandita wiwa’.

‘Iki kaweruhaken tingkahing dadi pinandita wiwa, wenang sor wenang luhur, sira mangku, kaya iki sira mangku kaweruhung aji, angganing sapta jati, sapta ngaran pitu, pitu ngaran pitutur, pitu ngaran putus, tus ngaran tas, tas ngaran tatas, ring daging raga sariranta’.

Kunang yang ring bhuana agung pinandita wiwa ngaran mangku gde, hana sunya maha rata, tan hana paran paran, paran ikang kabeh, kabeh nora hana, hana windu suwung, ika mayoga mijil ikang padma nglayang, ikang padma masarira Taya, ngaran madya asana, sang hyang malengis ngaran, sanghyang ananta wisesa ngaran Sanghyang Murtining luwih ngaran, kami nimitaning hyang kabeh, guruning hyang guru ngaran, lwirnya alit tan hana alitan, luhur tan hana luhuran, maraga bhatara Suci Suksmaning Hyang, hyang ning hyang ngaran, sakalwiring hyang kabeh sami kawengku dening Sanghyang Murtining luwih.

Anghing haywawera, bwat apadrawa denya, hana pawekasing bhatara ring pinandita wiwa, yan rawuh patatoyan Ida Bhatara ring madyapada, raris angicen bajra patatoyan, maka wruh ikang pinandita wiwa, kawit kretaning pemangku gde nora angagem bajra, nora wruh ring kapamangkuan, angaru-ara sira dadi pemangku, angiya-ngiya sira ngaran, kena sapaning bhatara hyang sinuhun, meh tumbuh edan, karogan-rogan, anyolong angedih-edih ring pisaga.

Yan ngastawa Bhatara aseha-seha nora turun Ida Bathara, apan sira tan eling kawit kandaning pamangku, angganggo lobha angkara, undura cara kita, kalinganya tan menget ring agamaning bhatara, tuhu sira dusun angger, Ida Pamongmong ngaran.

Iki wenang tegesing tingkahe angagem kapemangkuan, ngaran pinandita wiwa, kunang yajna sregep angangge pustaka iki, tirunen sira mangku gde’.

'Mawah yan hana kahyangan panyiwian sang ratu, yaduam prasadha‘ ring kahyangan ika, masanding umahnia maparek, tan pabelat marga ri tekaning kapatian de mangku hageakna prateka haywa ngaliwat salek suwenya. Yan hana halangan bhumi bhaya kinwande sang ratu dohaken anyekah wangke ika, yan prahimba marep juga same anyekah wangke, yan anti amreteka, wenang mulih ring dunungania nguni, haywa nyekeh sawa ring dunungan de mangku sasuwe-suwenia lemah ikang parhyangan sang ratu, palania sang ratu gering, reh de mangku angungku cemer. Yan doh anyekeh wangke selat marga rurung, limang dina de mangku kacuntakan dadi de mangku ulah ulih ring kahyangan, ngaturang pasucian. Yan de mangku nyekeh wangke ring umahe, salawase tankawasa de mangku ka kahyangan sapuputan sawa ika mabhasmi luwar cuntakania’.

Yan sampun madeg pamangku wiwa, tan kawenangan cemer, yan wenten pamangku wiwa malih ngambil rabi, ri wusnia mapawarangan, wenang sira mangku wiwa malih manyepuh, pawintenan nguni, mwah ngaturang pasapuh ring naben'ta, mwah wadonne punika wenang nyepuh. Apan tan kari karaketan letuh, yan marabi saking paican nabe, mwang guru wisesa, kalih saking pakramane, ngaturin marabi, punika dados ngaturang pangrebu alit, ring pura-pura nente ja masasap’.

'Yan hana mangku widhi sampun putus madiksa widhi mawinten, mapahayu agung, ikanang antaka away pinendem, tan wenang ila-ila dahat, ikang bhumi kena upadrawa ikang panenggeking bhumi’.

 ‘Aja sira pati pikul-pikulan, aja sira kaungkulan ring warung banijakarma, aja sira munggah ring soring tatarub camarayudha, saluwiring pajudian, mwang aja sira parek saluwiring naya dusta’.

‘Yan pamangku mawaywahara, tan wenang kita anayub cor teka wenang adewa saksi’.

  ‘Samaliha tingkahing pamangku wiwa, tan keneng sebelan sira pamangku wiwa, yan hana wwang namping babatang kawenangan sira mangku wiwa marika, nanghing tan kawasa amukti drewening wwang namping babatang’.

  ‘Samaliha yan sampun madeg pamangku wiwa tan wenang ngambil banteng, mikul tenggala mwang lampit, tan palangkahin sawa, sarwa sato, salwiring sane kinucap cemer’.

‘Iki Sang Hyang Aji Panusangan, ngaran, pangeleburan letuhing sarira, palania tan keneng sebelan, salwiring mageleh ring prajamandala, wenang sakama-kama apan sang hyang mantra utama, yan tasak dening ngarangsukan mantra iki, saksat mawinten ping telu, gelaraken siang latri’.

Mantra:

“Idep aku anganggo Aji Kotamah, amangsa-amungsung aku tan pabersihan, aku pawaking sera, suka kang akasa, suka kang perthiwi, tan ana aku keneng sebelan, apan aku teka ameresihin awak sariranku (teka bersih-bersih-bersih)”. 3X

‘Nihan haji kretta ngaran, tingkahe mamangku, asuci purnama tilem, ika maka wenang adenging abrata, kawasa mangan sekul, kacang-kacang garam, aywa mangan ulam bawi lonia satahun, malih abrata mangan sekul iwaknia tasik lonia solas dina, malih abrata amangan sekul iwaknia sarwa sekar lonia tiga dina, nihan brata amurti wisnu ngaran, kawasa mangan sekul iwaknia sambeda, aywa nginum toya solas dina lonia, brataning abrata ngaran’.

Mangkana pratingkah sesananing pinandita wiwa, Rangdilangit, Teguhwana, Bangkasa, ayuwa wera. Samapta.