KIDUNG PANGAJUM

KIDUNG PANGAJUM 

(mangge ring Pura Kahyangan Dharma Smrti) 

Olih: I Gede Sugata Yadnya Manuaba, S.S

Atur titiang Dewa Ratu, 

Atur titiang Canang Melah, 

Canang Genten Sekar Arum, 

Mepulawa Kedapen Sari, 

Paku Pipid Ampuang Angin, 

Pikantene Sampian Emas, 

Aturing Ring I Ratu,

Maruntutan Gurit

Betarane sampun turun, 

Tunggal asta ring kahyanganne, 

Manut karya alit agung, 

Desa mawacara dresti, 

Bhakti ring Bhatara Sinuhun reko, 

Sidi sida sadu,

Bhakti ring Ida Bhatara sami. 

Gunung Lebah Gunung Agung, 

Lempuyang Andakasane, 

Gowa Lawah Uluwatu, 

Gunung Watukaru malih, 

Gunung Mangu Pura Bukit, 

Besakih Puserjagat, 

Segara Ulundanu, 

Mangkin Pura Pundukdawa

Kahyangan Dharma Smrti

Linggih Bhatara Sinuhun yukti. 

Bhatarane sampun mantuk, 

Segan agung pamendake, 

Canang sari burat arum, 

Juru kidunge mesanding, 

Bhatara katurin linggih, 

Linggih ida ring pangaksian, 

Luwih suci ngerawit. 

#wujud bhakti#

KIDUNG PAMENDAK

Teheran Bhatara Rauh

Ketut Linuh Magenjotan

Kilap, Tatit, Kuwog-kuwog

Dumilah Ngadeg ring Langit

Mangelinus Maring Jagat

Empak Taru Rubuh

Katibenin Andin. 

KIDUNG APIT LAWANG

Apit lawang margin ipun, 

Samping undag makembaran, 

Saga sari katon murub, 

Sanding in ben kembang koning, 

Lilitin gadung kastori, 

Malelepe magelongan, 

Panedenge kantun, 

Pudake mamusti.