Om SwastiastuManut baos Ida Sinuhun Putri inggian "Aedan Pamargi Tedun Ida Bhatara Sinuhun"

Om Swastiastu

Manut baos Ida Sinuhun Putri inggian "Aedan Pamargi Tedun Ida Bhatara Sinuhun"

(Ida Bhatara Sinuhun Lingsir Lanang-Istri miwah Ida Bhatara Sinuhun Putra) sampun Nunggil malinggih ring Pratima Ida Bhatara Sinuhun majalaran upacara Siwa Yadnya sane sampun mamargi.

Duanin asapunika pamargi rahina benjang sekadi puniki;

1. Semeng Ida Bhatara sami katur upakara 

    Panyineban ring Pundukdawa nyantos 

    Puput.

2. Ida Sulinggi, Ida Bhawati, Dane 

    Jro Mangku/Pinandita, Semeton 

    Jagabaya Dulang Mangap, miwah 

    Pangubhakti sami, mangdane 

    sampun sregep ri Pundukdawa 

    sawetara jam 12.00, santukan Jam. 

    13.00, Ida Sinuhun Putri 

     kasarengin Ida Sulinggih sami 

     mangdane matur piuning, saha 

     nedunang Prilinggan Ida Bhatara.

3. Semeton Jaga Baya Dulang Mangap 

    mangda sregep ngabih miwah mundut 

    Ida Bhatara.

4. Ida Bhatara kairing tangkil ring gedong     

    Ida Bhatara Kawitan (Ida Bhatara Mpu 

    Gana)

5. Sesampune mepamit, tedung miwah 

    lelancingan kapundut ngiring Ida 

    Bhatara nyujur ring luhur, saha matur 

    piuning budal, Ida Bhatara kairing 

    murwadaksina ping 3 wawu mamargi 

    budal.

6. Sapangrauh Ida Bhatara ring jaba 

     tengah/genah dasar, pedagingan, 

     pengraksa miwah liontin Ida Bhatara 

     Sinuhun punika, katur segehan.

7. Wus punika Ida Bhatara kairing 

     munggah ring wilmana Idane, ring jaba 

     sisi/bencingah ring sor maduluran 

     antuk lelancingan.

8. Ida Bhatara mamargi budal ke payogan 

    Idane Pura Panataran Mrajan Agung 

    Dalem Tangsub, Griya Agung Bangkasa.

9. Sesampune Ida Bhatara rauh ring  

    tanggun desa Bongkasa/Jembatan  

    Kutaraga, mangdane wenten sane 

    ngaturang Ida Bhagawan ring Batuan 

    mangda munggah mapuja pemendak

    ring Pancarsi.

10. Sesampune rauh ring perempatan nuju 

    griyane, Ida Bhatara mangda tedun 

    saking wilmana Idane, saha katur 

    segehan agung.

11. Wus punika Ida Bhatara kairing 

    mamargi budal kepayogan Idane, 

    sampun kasanggra antuk puja 

    pamendak Ida Bhagawan.

12. Sesampune ring payogan, Ida katur 

    upakara ayaban saha sidan.

13. Ida Sulinggih, Semeton Jagabaya  

    Dulang Mangap miwah pinandita lan

    Pangubhakti sami, mangda ledang 

    mesandekan dumun ring gedung serba 

    guna ayat katur panyanggra.

Asapunika atur piuning titiang sumangdane sareng sami praseda sregep sekadi aedan ring ajeng, suksma agung atur titiang.

Om Shanti, Shanti, Shanti Om