TUTUR HYANG SINUHUN
Oleh: I Gede Sugata Yadnya Manuaba, S.S, M.Pd
TUTUR HYANG SINUHUN
Jani bapa nuturin cening
Apang pada tatas uning
Yadiastun lekad mabekel eling
Entasin lampah hidupé cening
Madasar keneh hening
Aget lacur adung masanding
Jani kedék mani bise ngeling
Sebeté saruang magending
Bagia ade tuah dikeneh
Melah-melah ngabe pepineh
Ken pelih ken beneh
Dasarin ban Keneh.
Keneh ané beneh
Beneh ban mepineh.
Pang sing nyakit keneh
De sanget ngugu tutur disisi
Care jani perlu masi koreksi
Saru puyung teken misi
De jeg nyalanang emosi
Pang tusing nyesel siduri
Ne tutur bapene gisi
Anggon bekel ngeliwatin wai
Ane luung duduk gisi
Ané jelék entungan kasisi
#tubaba.edisi kondangan#
Tidak ada komentar:
Posting Komentar