TATEBASAN DIRGHAYUSA BHUMI :
(Pangurip Gumi)
Medasar antuk dulang, duwur nyane susunin antuk aled sesayut, duwur nyane dagingin nasi penek ageng 1, ulam nyane ayam mapanggang, taluh madadar, gerang kepiting, balung katupang, calon pawinda, beras akulak, tatebus tridhatu, sesanganan, raka-raka sejangkep nyane, penyeneng alit (tahenan) 1, Pras alit 1, sampyan nagasari, canang pahyasan, Sesayut puniki magenah ring banten pameraman/piodalan.
Iti SESAYUT SANGKUNING RAT:
Madasar antuk dulang duwur nyane susunin antuk aled sesayut, duwur nyane susunin antuk nasi putih tanekan acatu agung, ulam itik putih mapanggang, winangun urip, magenah ring duwur nasine, ring tengah nyane tancebin sekar tunjung putih akatih, taji manut uriping pawetonan, kembang pahyas, pisang mas, sesanganan, raka-raka sejangkep nyane, penyeneng alit 1, pras alit 1, sampyan nagasari, canang pahyasan. Tatebasan puniki ka-anggen rikala mapahayu sang angawa rat.
SESAYUT PANGURIP BHUWANA:
Madasar antuk dulang, duwur nyane susunin antuk aled sesayut, duwur nyane medaging nasi merepat sekadi citakan, tancebin sarwa sekar mailehan, kawangen 4, magenah bilang bucuning nasi, ring tengah medaging tulung matangga 1, ulam nyane sakawenang, tulung 2, sesanganan sarwa galahan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan. Sesayut puniki ka-atur ring Ida Bahatari Prethiwi, yan nyatur magenah ring sor utawi ring tengah.
Tidak ada komentar:
Posting Komentar